Partidako azken minutuek Reala zigortu dute Betisen aurkako porrotean (0-2)
Betisek hiru puntu eskuratu ditu Reale Arenan azken minutuetan Reala gaindituta Juan Cruzek eta Borja Iglesiasek sartutako bi golei esker. Txuri-urdinek partidaren pisua eraman dute eta abagune onenak sortu dituzte, baina euren erremateek ez dute aurkariari min egiteko balio izan.
Realak partidaren gidoia eraman du donostiarren erritmora jokaturiko lehen erdian, minutu asko jokatu baitu Betisen zelaian, lehen ordu erdian Realak egindako presiotik ateratzeko gai izan ez dena.
Pablo Marinek eman du partidako lehen abisu serioa. 7. minutua zen errioxarraren area barruko eraso bat Rui Silvak desbideratu duen jaurtiketa gurutzatu batekin amaitu denean. Carlos Fernandezek ere area barruan izan du beste aukera bat, baina bere jaurtiketa zutoinera joan da.
Denborarekin, Realaren presioa ez da hain eraginkorra izan. Horrek aukera eman dio Betisi erasoan zortea probatzeko. Hala ere, Pellegriniren mutilek ia ez dute arriskurik sortu.
Aldageletatik bueltan, Reala izan da erasoko pisua eramaten jarraitu duena. Braisek sakontasunez eman dio pasea Carlos Fernandezi, Rui Silvaren aurrean bakarrik geratuz. Jarraian, Merinok errematea gehiegi altxatu du baloia kornerrera bidaliz.
Fekirrek zutoinean jo du korner itxi baten ostean, eta Realak nagusitasuna sendotu du. Ruis Silva berriro agertu behar izan da Navarro, Merino eta Carlos Fernandezen erremateak gelditzeko.
Eta horrela iritsi dira 85. Minutura. Une horretan Alex Moreno ezker hegaletik igo da eta erdiraketa bat jarri du area barrura, Juan Cruzek errematatzeko Remiroren luzaketa gaindituz.
Kolpea gogorra izan da Realarentzat, baina hala ere berdinketa izan dute Braisek ateratako falta batean, Magunazelaiak buruz errematatu ostean. Ondoren, Alex Morenoren beste jokaldi bat iritsi da, eta Borja Iglesiasek sarera bultzatu du baloia hiru puntuak Sevillara eramateko.
Fitxa teknikoa
0 – Reala: Remiro; Gorosabel, Le Normand (Aritz, 70. min), Pacheco, Rico; Zubimendi, Merino, Brais, Marín (Navarro, 59. min); Carlos Fernández (Magunazelaia, 70. min) eta Sorloth (Karrikaburu, 84. min).
2 – Betis: Rui Silva; Sabaly, Pezzella, Edgar, Álex Moreno; Paul (Willian José, 88. min), Guardado; Canales, Fekir (Willian Carvalho, 70. min), Luiz Henrique (Juan Cruz, 57. min); eta Borja Iglesias.
Golak: 0-1, 85. min: Juan Cruz. 0-2, 93. min: Borja Iglesias.
Epailea: Iglesias Villanueva. Txartel horia atera die Marín, Le Normand, Pacheco eta Merino Realeko jokalariei eta Edgar, Fekir, Paul eta Guardado Betisen aldetik.
Zure interesekoa izan daiteke
Realak iragarri du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazki bat doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Realearen zaleek argazkia egin ahalko dute Errege Koparekin, ekainaren 19tik, 3 edo 6 euro ordainduta
Klub txuri-urdinak GUazen KOPAREKIN erakusketa irekiko du Anoetan, eta bertan garaikurrarekin argazkia ateratzeko aukera izango da. Bisita egin nahi dutenek sarrerak erreserbatu egin beharko dituzte; bazkideek, akziodunek eta RS Fanek 3 euroan eskuratuko dute, eta gainerako zaleek, 6 euroan.
Realak 2026-27 denboraldiaren amaierara arte luzatu du Unax Agoteren kontratua
Ezker hegaleko zizurkildarrak 1.700 minutu baino gehiago jokatu ditu Hypermotion Ligan eta Premier League International Cup txapelketan. Atzelaria 2015ean iritsi zen talde txuri-urdinera.
Sportingek Egoitz Arana fitxatu du
Aranak 11 partida jokatu ditu Bigarren Mailan amaitu berri den denboraldian Realaren bigarren taldearekin, eta aurreko denboraldian Lehen RFEF mailatik Hypermotion Ligara igotzen lagundu zion.
Realak Laura Camino fitxatu du
24 urteko jokalari kantabriarrak Eibarren jokatu du azken hiru denboraldietan.
Nahia Aparicio: “Gure jokatzeko modua erakutsi dugu denboraldi honetan”
Realaren hainbat jokalarik denboraldiaren balantzea egin dute gaur goizean Zubietan, datorren denboraldirako helburuez hitz egiteaz gain.
Realak Atletico mendean hartuta eman dio amaiera denboraldi bikainari (2-0)
Lucia Pardoren eta Cecilia Marcosen golek erabaki dute txapelketako azken jardunaldiko lehia. Emaitza horrekin, talde donostiarrak hiru puntu eskuratu ditu denboraldia bere zaleen aurrean oso sentsazio onekin agurtzeko.
Berdinketa batekin eman dio amaiera denboraldiari Sansek (1-1)
Cultural Leonesak hartu du aurrea markagailuan bigarren zatiaren hasieran, baina ezkerkada bikain batekin berdindu du Arkaitz Mariezkurrenak Ribeiroren gola.
Realak iragarri du Lucia Rodriguezek, Andreia Jacintok, Emma Ramirezek, Claire Lavogezek eta Lucia Pardok ez dutela taldean jarraituko datorren denboraldian
Europako txapelketetan aritzeko sailkapena lortu ondoren, talde txuri-urdinak bost baja iragarri ditu
Ibai Aguirrek 2031ra arte berritu du Realarekin
19 urteko Mutrikuko jokalariak, denboraldi honetan Sanserekin Bigarren Mailan jokatu duenak, debuta egin du jada lehen taldearekin