Real Madrilek Odriozola fitxatu du
Alvaro Odriozolak Real Madrilen jokatuko du datorren denboralditik aurrera, hala adostu baitute Realaren eta Real Madrilen artean, talde biek ostegun honetan ofizialki jakitera eman dutenez.
Odriozolak sei denboraldirako kontratua sinatuko du talde zuriarekin, hau da, 2024ko ekainaren 30era arte.
Realak, ohar baten bidez, eskertu egin dio Odriozolari klubean egindako ibilbidea: "Realak Alvaro Odriozolari urte hauetan zehar, kimuetatik lehen taldera, gure klubean izandako profesionaltasun eta dedikazioa eskertu nahi dio eta, era berean, bere etorkizun pertsonal eta profesionalean onena opa dio".
Eskuin hegalean jokatu ohi duen atzelari gazteak (22 urte) 2022ra arte zeukan kontratua talde txuri-urdinarekin. Hain zuzen ere, joan zen urteko ekainean luzatu zuen lotura, aurrekoa 2018an amaitzen baitzen. Kontratu horretan azaltzen zen etete klausula 40 milioikoa izan arren, hainbat hedabidetan azaldutako informazioetan jasotzen denez, fitxaketa beste kopuru batzuetan gauzatu da: Real Madrilek 30 milioi ordainduko ditu hasiera batean, eta beste bost milioi zenbait aldagairen araberakoak izango dira.
Odriozola duela gutxi itzuli da Donostiara Errusiako Munduko Txapelketatik, non Espainiako selekzioaren deialdian parte hartu duen aurreko hautatzaileak, Julen Lopeteguik, deituta. Hain zuzen ere, Lopetegui berak zuzenduko du Real Madril datorren denboralditik aurrera.
2017ko urtarrilaren 16an jokatu zuen lehen aldiz Lehen Mailan, Malagaren aurkako partidan. Geroztik, 50 aldiz jokatu du Realaren elastikoarekin.
Zure interesekoa izan daiteke
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.
FUTBOLA ZUZENEAN: Chelsea vs Reala
Ikusi Chelseak eta Realak jokatuko duten lagunarteko partidaren zuzeneko emanaldia.
Liga hasiera kaskarra Sanserentzat, Castelloren aurka galduta (0-1)
Ousmane Camararen gol goiztiarrak punturik gabe utzi ditu txuri-urdinak, gutxinaka hoberantz joan direnak, baina sendotasuna falta izan zaie azken metroetan.