Julen Lopetegui izango da Real Madrileko entrenatzaile berria
Julen Lopetegui, egungo Espainiako futbol-hautatzaile nagusia, izango da Real Madrileko entrenatzailea datozen hiru denboraldietarako, talde madrildarrak berak gaur arratsaldean jakitera eman duenez.
Une honetan 2018ko Errusiako Futbol Txapelketa prestatzen ari den Lopeteguik Zinedine Zidanen hutsunea beteko du Real Madrilen. Frantziarrak maiatzaren 31n utzi zion Madril entrenatzeari, Txapeldunen Liga irabazi ostean.
Entrenatzaile gipuzkoarrak (Asteasu, 1966) Real Madrileko atezain gisa jokatu zuen. 1985ean, Real Madrileko bigarren talderako fitxatu zuten, eta bertan hiru denboraldi eman zituen.
Las Palmasen denboraldi bat utzita jokatu eta gero, Real Madrileko lehen taldera igaro zen 1989an, eta 1991ra arte egon zen han. Madrildik atera ondoren, Logroñesen (1991-94), Bartzelonan (1994-97) eta Rayo Vallecanon (1997-2002) aritu zen atezain-lanetan.
Entrenatzaile gisa, Rayo Vallecano (2003-04), Real Madril Castilla (2008-09), 19 urtez azpiko Espainiako selekzioa (2010-12), 20 urtez azpikoa (2011-13) eta 21 urtez azpikoa (2012-14) zuzendu zituen. Horren ostean, Portugalera abiatu zen Porto entrenatzera (2014-16), eta, azkenik, Espainiako selekzio nagusia zuzentzeko ardura dauka une honetan.
Horrez gain, duela gutxi (joan zen maiatzaren 21ean), Espainiako Federazioarekin zeukan kontratua luzatu zuen hautatzaile-lanetan jarrai zezan 2020ko Eurokopara arte.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.