Hurrengo kanporaketarako txartela nahi du Realak
Realak Norvegiako txapeldun berria den Rosenborgi egingo dio bisita gaur Trondheimen, Europa Ligako hurrengo fasera sailkatzeko garaipenaren bila, eta, aldi berean, multzoko lehen postuaren lehian murgiltzeko.
Puntu bat nahikoa litzateke lehendabiziko asmoa gauzatzeko, baina emaitza horrekin, seguruena, multzoko bigarren izango litzateke, multzoko liderra den Zenitek bere egitekoa betetzen badu Vardar azkenaren aurka.
Errusiarrek Anoetatik pasatu behar dute oraindik; beraz, Norvegian irabazita eta azken jardunaldian Zenit etxean azpiratuta donostiarrek multzoko lehen postua erdietsiko lukete, baita diru-sarrera polit bat ere.
Eusebio Sacristanek zenbait aldaketa sartuko ditu hasierako hamaikakoan, Donostian geratu baitira Diego Llorente eta David Zurutuza (azken hori lesioagatik), eta, gainera, igandean Las Palmasen aurkako lehiari begira ari da zeharka.
Realeko entrenatzaileak Raul Navas jar dezake hasieratik defentsan, eta Sergio Canalesek Zurutuzaren lekua hartuko luke.
Norvegiarrei dagokionez, Rosenborgen kontuak garbiak dira: hurrengo faserako txartela lortu nahi izanez gero, Realari irabazi behar diote, baita Vardarri ere azken jardunaldian.
Balizko hamaikakoak:
Rosenborg: Hansen; Konradsen, Reginiussen, Skjelvik, Meling; Jensen, Rasmussen, Trondsen; Helland, Bendtner, Adegbenro.
Real Sociedad: Rulli; Odriozola, Navas, Martínez, Kevin; Illarramendi, Prieto, Canales; Oyarzabal, Januzaj eta Willian José.
Epailea: Daniel Stefanski (Polonia).
Zelaia: Lerkendal (Trondheim, Norvegia).
Ordua: 19:00.
Zure interesekoa izan daiteke
Realak emaitza ona lortu nahi du Txapeldunen Ligako atarikoan, Chelsearen aurka
Hirugarren kanporaketako joaneko partida gaur arratsaldean jokatuko dute, 19:45etik aurrera, Londresen.
Nerea Eizagirre: “Defentsako lana ondo egin behar dugu, eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan, eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izango den arren, “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du “erronka bat” izango dela, baina duten “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.