Realak beste pauso bat eman du Europan, Vardarri erraz irabazita
Reala erraz gailendu zaio Vardarri (3-0) Anoetan, Europa Ligako multzoen faseko laugarren jardunaldian, eta beste pauso bat eman du final-hamaseirenetara bidean.
Etxekoek gol festa izan dute berriz mazedoniarrekin, joanekoan bezala (0-6). Juanmik, De la Bellak (gol ederra egin du) eta Bautistak (estreinakoz) egin dituzte txuri-urdinen golak, erabat kontrolpean izan duten norgehiagoka erraz batean.
Vardar aurreko partidan baino hobeto zelairatu da, baina donostiarrek gogoz ekin diote neurketari. Oyarzabal, Zurutuza, Raul Navas eta Willian Jose txuri-urdinek euren aukerak alferrik galdu ostean, Juanmik egin du lehen gola, baina epaileak baliogabetu egin du. Ordu erdi geroago, halere, Malagakoak markagailua ireki du, buruz, korner jaurtiketa batean.
Aurkariek ez dute gaitasunik erakutsi erasoan, eta atzean ahul ibili dira, batez ere kornerretan, Realak aukerak izan dituen bakoitzean. Atsedenaldiaren aurretik, Willian Josek abagune bikaina izan du, atea hutsik zuela.
Aldageletatik bueltan, etxekoek ez dute gidoia aldatu. Reala bigarrenaren bila aritu da, lasaitasuna lortzeko asmoz. Aurrean, aurkariak ez dio batere arazorik sortu.
Bigarren gola 69. minutuan heldu da azkenean. De la Bellak bikain errematatu du Gorosabelen erdiraketa bat, eta Gacevski atezainak ezin izan du ezer egin baloia gelditzeko.
Januzaj zelairatu denean, etxekoek aldea handitzeko aukera argia izan dute, baina Bautistak egin du hirugarrena. Vardarrek ez du gehiago eskaini, eta Realak ez du min gehiago egin nahi izan.
Garaipen horren ostean, txuri-urdinek 9 puntu dituzte, eta sailkapeneko bigarren postuan daude. Zenitek baino puntu bat gutxiago dute, eta urrats handia eman dute hurrengo faseari begira.
FITXA TEKNIKOA
Reala: Rulli; Gorosabel, Navas, iñigo Martinez, De la Bella; Zurutuza (Illarramendi, 45. min), Zubeldia, Canales; Oyarzabal (Januzaj, 70. min), Juanmi eta Willian Jose (Bautista, 61. min).
Vardar: Gacevski; Hambardzumyan, Novak, Grncarov, Glisic (Velkoski, 63. min); Markovic (Musliu, 64. min), Nikolov, Felipe; Barseghyan (Blazevski, 74. min), Jigauri eta Ytalo.
Golak: 1-0, 30. min: Juanmi. 2-0, 69. min: De la Bella. 3-0, 81. min: Bautista.
Zure interesekoa izan daiteke
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Sanse lanera bueltatu da Zubietan
Sanse denboraldi berria prestatzen hasi da. Jon Ansotegik 24 jokalari izan ditu bere aginduetara lehen entrenamenduan, jokalari asko lehen taldearekin lanean ari direlako eta Dario Ramirez Nasticera joan delako. Liga abuztuaren 16an Castelloren aurka hasi aurretik, txuri-urdinek bost lagunarteko jokatuko dituzte.
Realak Esther Laborde fitxatu duela iragarri du
22 urteko atzelaria, San Cugat del Vallesen jaioa, Madrid CFF taldetik dator eta 2027-2028 denboraldiaren amaierara arte sinatu du.
Realak 2028ra arte luzatu du Alex Lebarbierren kontratua
Erdilari frantziarra jubenil mailan iritsi zen talde txuri-urdinera, eta aurreko denboraldian Sanseri mailari eusten lagundu zion Hypermotion Ligan.
Rino Matarazzok Realarekin berritu du, 2027-2028 denboraldiko amaierara arte
Talde txuri-urdineko entrenatzaileak, berritzea baieztatuta, nabarmendu du “pozik” dagoela orain arte egindako lanarekin, eta etorkizunari ilusioz begiratzen diola: “Oso lotura berezia sortu dut Gipuzkoako jendearekin, jokalariekin eta klubeko langileekin. Antzeko balioak partekatzen ditugu, eta horrek dena errazten du”, esan du.
Elene Guridik Realarekin berritu du eta Granadan jokatuko du utzita
Erdilari oñatiarrak 2028ra arte berritu kontratua club txuri-urdinarekin. Hala ere, Granadan arituko da 2026-2027 denboraldian.
Baikortasuna eta giro ona Zubietan: “Aurten Europa Liga irabaziko dugu”
Reala hasi da hurrengo denboraldia prestatzen eta gaur goizean entrenamendua egin du ateak zabalik Zubietan. Zale txuri-urdinek gogotsu jarraitzen dute euren taldeak arrakasta gehiago lortzeko.
Reala lanera bueltatu da Zubietan
Reala izan da euskal taldeen artean lehena lanera bueltatzen. Pellegrino Matarazzok 28 jokalari izan ditu bere esanetara Zubietan. Brais Mendez bere taldekide ohiei agur esatera gerturatu da.
Realak Columbus Crew Soccer talde estatubatuarrari saldu dio Brais Mendez
Erdilari galiziarrak 166 partida ofizial jokatu eta 33 gol egin ditu Realarekin. 2022ko udan iritsi zen Donostiara Celtatik.