Realak Betisekin berdindu du, partida zoro batean (4-4)
Realak eta Betisek berdinduta bukatu dute Donostian jokatutako Ligako partida. Gol festa izan da Anoetan, zortzi gol egin baitituzte guztira, batez ere defentsan akats ugari egin dituztelako.
Sanabriak urduri jarri ditu zale txuri-urdinak bosgarren minutuan egindako golarekin, Feddalek emandako pasea aprobetxatuta.
Golak aldapan behera jarri die partida andaluziarrei, jakin bazekitelako Realak golak erraz hartu dituela azken partidetan. Hala ere, donostiarrek ez dute amore eman eta Willian Josek banakoa jarri du markagailuan 13. minutuan.
Minutu batzuk geroago, Eusebioren jokalariek emaitza irauli dute, Mikel Oyarzabalek gipuzkoarren bigarrena egin baitu.
Aukerak nonahi, bi taldeak erraz atera dira erasora, defentsak babes handirik gabe utzita. Horrela, andaluziarren bigarrena iritsi da hurrengo jokaldian. Feddalek sartu du, buruz errematatuta.
Gol gehiago
Bigarren zatian, gauzak ez dira aldatu. Aldageletatik atera eta gutxira, Sevillako taldea aurretik jarri da berriro markagailuan, Joaquin kapitainak egindako golari esker.
Gol festak ez du etenik izan. 10 minutu geroago, Xabi Prieto txuri-urdinen kapitainak erantzun dio Joaquinen golari, Realaren hirugarrena eginda.
Hurrengo gola, partidako zazpigarrena, Betisek egin du. Aulkitik atera berritan, Sergio Leon kontraerasoan joan da, eta Rulliren atean sartu du baloia. Partida amaitzeko bost minutu falta zirenean, Diego Llorente gazteak launakoa jarri du markagailuan, denboraldi honetan sartu duen bosgarren gola eginez.
Azkenean, 4-4 bukatu da Anoetako partida. Puntu bana, beraz, Realarentzat eta Betisentzat.
Fitxa teknikoa
4.-Reala: Rulli; Odriozola, Navas, Llorente, Kevin; Illarramendi, Zurutuza, Xabi Prieto (Canales, 70. min); Juanmi (Vela 59. min), Oyarzabal eta Willian José (Jon Bautista, 82. min).
4.-Betis: Adán; Barragán, Mandi, Feddal, Durmisi; Javi García (Narváez, 75. min), Guardado, Fabián; Joaquín (Francis, 68. min), Tello, Sanabria (Sergio León, 71. min).
Golak: 0-1, 5. min: Sanabria. 1-1, 14. min: Willian José. 2-1, 28. min: Oyarzabal. 2-2, 28. min: Feddal. 2-3, 46. min: Joaquín. 3-3, 58. min: Xabi Prieto. 3-4, 83. min: Sergio León. 4-4, 85. min: Llorente.
Zure interesekoa izan daiteke
Realak udako lehen porrota jaso du Toulouseren aurkako lagunartekoan (2-1)
Rino Matarazzok zuzentzen duen taldeak uda honetako lehen porrota jaso du Toulouseren aurka 2-1 galduta. Laugarren lagunartekoa zen txuri-urdinentzat. Toulouseren golegileak Vignolo eta Hidalgo izan dira, eta Solerrek sartu du Realarena, falta jaurtiketa bat baiatuta.
Realak Aston Villari irabazi dio, Ingalaterran, eta denboraldiaurrean galdu gabe jarraitzen du (2-4)
Talde txuri-urdinaren golak Carlos Soler, Orri Oskarsson, Gorka Carrera eta Iñaki Ruperezek sartu dituzte. George Hemmings eta Brian Madjo izan dira ingelesen golegileak. Norgehiagoka Walsalleko (Ingalaterra) Pallet-Track Bescot zelaian jokatu da, 9.000 bat zaleren aurren. Bi taldeak atsedenaldira banakoarekin joan dira, eta gainerako golak bigarren zatian heldu dira.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).