Realak jipoia jaso du Sevillaren aurka
Realak jipoia jaso du Sevillaren aurka (0-4) Anoetan eta hirugarren sailkatua den talde andaluziarrarengandik puntu bakarrera jartzeko aukera alferrik galdu du talde txuri-urdinak.
Talde txuri-urdinak ondo ekin dio partidari, erasokor, eta lehen abagunea izan du zortzigarren minutuan; William Joseren errematea, ordea, oso gutxigatik kanpora joan da. Ondorengo minutuetan Realak baloiaren jabetza galdu du, eta neurketa parekatu egin da. Lehia bizia izan dute bi taldeek zelai erdian eta txanpa horretan ez dute abagunerik sortu. Sevillak ez du gol-aukerarik sortu lehen 25 minutuetan, baina Rullik defendatutako atera iritsi den lehen aldian gola sartu du: Franco Vazquezen jaurtiketa gaizki desbideratu du Rullik eta Ben Yedderrek sare barrura bidali du Realeko atezainaren oparia (0-1). Gola jasotzeak min egin dio Realari eta Sevilla egin da baloiaren jabe. Gola sartu eta lau minutu beranduago Sevillak bigarren gola sartu du, berriro Ben Yedderren bitartez (0-2). Yurik huts egin du baloia aldentzerakoan, Nasrik Ben Yedderrentzat ukitu eta honek bigarren gola sartu du. Jasotako bi golek maldan gora jarri diote norgehiagoka talde txuri-urdinari eta ez dira atsedenaldia baino lehen aldeak murrizteko gai izan. Sampaolik zuzentzen duen taldeak, aldiz, hirugarren gola sartzeko aukera izan du lehen zatia amaitu aurretik, baina Rullik Ben Yedderren hirugarren gola eragotzi du gelditu on batekin.
Bigarren zatia hasi bezain laster Sevillak hirugarren gola sartzeko abagune on bi izan ditu, baina Nasrik ez du gutxigatik gola sartu 49. minutuan eta sei minutu beranduago Rullik andaluziarren gola eragotzi du Escuderoren errematea geratuta. Reala saiatu da erasora jotzen, baina ez da eroso ibili eta Sevillak ez du bi goleko abantailari eusteko arazorik izan. Gainera, 73. minutuan erabakita utzi du partida talde bisitariak Sarabiaren golari esker (0-3). Aritz Elustondok kale egin du baloia aldentzerakoan eta Sarabiak ez du barkatu Rulliren aurrean. Hirugarren gola hartu ondoren, txuri-urdinek etsi egin dute, eta Sevillak laugarrena egiteko aukera izan du; oraingoan, ordea, Rullik Sarabiaren gola eragotzi du. Partidako 77. minutuan aldeak murrizteko abagunea izan du Realak, baina Oyarzabalek aukera alferrik galdu du, oso gaizki errematatu ostean. Talde bisitaria jaun eta jabe izan da azken txanpan eta garaipena biribildu du Ben Yedderrek sartutako hat-trickarekin (0-4).
Fitxa teknikoa:
0 - Reala: Rulli; Zaldua, Mikel (Aritz Elustondo, m.46), Iñigo Martinez, Yuri; Illarramendi, Granero (Canales, m.56), Xabi Prieto; Oyarzabal, Vela (Juanmi, m.57) eta Willian Jose.
4 - Sevilla: Rico; Mariano, Mercado, Pareja, Rami, Escudero, Nasri, N'Zonzi; Vazquez (Sarabia, m.68), Vitolo (Kranevitter, m.79) eta Ben Yedder (Correa, m.89).
Golak: 0-1, m.25: Ben Yedder. 0-2, m.29: Ben Yedder. 0-3, m.73: Sarabia. 0-4, m.83: Ben Yedder.
Epailea: Martinez Munuera.
rtinez Munuera.Zure interesekoa izan daiteke
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.