Realak urrats handia eman du Vila-reali irabazita (3-1)
Realak Vila-reali irabazi dio Errege Kopako final-zortzirenetako joaneko neurketan (3-1). Willian Jose, Vela eta Oyarzabal izan dira Realaren goleatzeaileak, eta Trigueros Vila-realena. Txuriurdinek bi goleko aldearekin bidaiatuko dute Madrigalera.
Realak baloia nahi izan du hasieratik, baina hasieran partidak ez du erritmorik izan. Zalduak kolpe bat jaso du aurpegian, eta minutu batzuz gelditu da neurketa.
Etxekoak ezker hegaletik saiatu dira. Reala eta Vila-real ez dira gai izan jokaldi argiak sortzeko, baina Willian Josek neurketa aldatu du 17. minutuan. Oyarzabalek pase ona eman dio brasildarrari, eta horrek atezainaren gainetik jarri du, Realaren lehenengoa eginez.
Vila-realek baloia eskuratu duenean, Realak ez dio igarotzen utzi. Ordu erdira, baina, Realaren zelaian jokatzen hasi dira. Hala ere, txuriurdinek ez diete erraz jarri. Kanpokoek atzean oso ondo aritu den taldea izan dute aurrean.
34. minutuan, Mario eskuin-hegalekoak eta Asenjo atezainak bigarren gola eta, bide batez, lasaitasuna oparitu dizkiote Realari. Vila-real presiorik handiena egiten ari zenean, bi jokalariek ez dute elkar ulertu goitik zetorren baloi batekin, eta atean utzi diete Willian Jose eta Velari. Mexikarrak bigarren gola egin du, arazorik gabe.
Atsedenalditik bueltan, 61. minutuan, Realak aldea handitzeko abagune ezinhobea izan du, baina Asenjok ondo zapuztu du. Willian Joserena izan da errematea. Jarraian, beste bat izan du Realak, eta Vila-realen kontraerasoan, Rullik oinarekin atera behar izan du baloia. Kanpokoen lehenengoa izan zitekeen.
Neurketa apurtzetik gertu egon da. Bi taldeak erraztasunez heldu dira aurkariaren areara. Baina 73. minutuan, Oyarzabalek gol ederra egin du. Musacchio gailendu du, eta gero ezkerrarekin jaurtiketa bikaina atera du.
Aldea gutxiagotu du Vila-realek
Norgehiagoka Realaren aurrerapauso garrantzitsuarekin erabakita zegoela ematen zuen, baina minutu gutxi geroago, Triguerosek aurreratuta ikusi du Rulli, eta gol bikaina egin du urrunetik. Atezainak ukitu du, baina barrura joan da baloia.
Realak aldeko emaitzarekin bidaiatuko du Madrigalera, baina kanpokoek murrizteko aukerak izan dituzte azken minutuetan.
ken minutuetan.Zure interesekoa izan daiteke
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.