Realak Granadari irabazita eman dio amaiera 2016. urteari Ligan
Realak amaiera ezin hobea eman dio 2016. urteari Ligan Granadaren aurka 0-2 irabazita Carmenes zelaian eta bosgarren postuan da 29 punturekin LaLigako sailkapenean, laugarren postuan (Txapeldunen Ligako postua) dagoen Vila-realekin berdinduta.
Talde txuri-urdina izan da nagusi lehen zatian. Reala baloiaren jabe izan da, eta abagune onenak izan ditu. Norgehiagokaren hasieran, 3. minutuan, Carlos Velak izan du lehen aukera, baina ez du Ochoa atezainaren aurrean asmatu. Granadak ezer gutxi egin du erasoan lehen 45 minutuetan eta izan dituen abagune gutxietan Rullirekin egin dute topo Granadako jokalariek. 12. minutuan Kravetsek jaurtiketa on egin eta Rullik errematea desbideratu du. Reala baloiaren jabe izan da, partida kontrolpean izan du, baina abagune argiak sortzea kosta egin zaio. Juanmik abagune aparta izan du 25. minutuan. Ochoa atezainak, ordea, txuri-urdinen gola eragotzi du.
Bigarren zatia hasi eta jarraian Juanmik izan du beste abagune bat eta honetan ere kale egin du. Aurrelari txuri-urdinak ez du asmatu aurkariaren ate aurrean. Partidako 53. minutuan Eusebio Sacristan entrenatzaileak Oyarzabal kendu eta Bautista sartu du berdegunean. Erabaki honek norgehiagokaren noranzkoa aldatu du, izan ere, Bautistak sartu baitu 0-1ekoa. Harrobiko aurrelariak sare barrura bidali du Granerok egindako erdiraketa, 56. minutuan. Gola sartu ostean Granada ez da eranztuteko gai izan, eta Realak jarraitu du partida kontrolpean izaten. Talde donostiarraren nagusitasuna erabatekoa izan da, eta saria jaso du 69. minutuan; Juanmik 0-2koa sartu du Velak egin duen jokaldi bikainari amaiera ezin hobea emanda.
Bigarren gola sartu ondoren Eusebiok zuzentzen duen taldeak ez du emaitzari eusteko arazorik izan, eta beste golen bat sartzeko aukerak ere izan ditu. Aamaieran, ordea, garaipena eta hiru puntuak eskuratu ditu Realak.
Fitxa teknikoa:
0; Granada CF: Ochoa; Tito (Alberto Bueno, m.70), Saunier, Lomban, Gabriel Silva; Sergi Samper, Jon Toral (Angban, m.46), Andreas Pereira; Carcela-González, Boga eta Kravets (Ezequiel Ponce, m.70).
2; Reala: Rulli; Carlos Martinez (Zaldua, m.60), Raúl Navas, Iñigo Martinez, Yuri; Illarra, Granero, Xabi Prieto; Carlos Vela, Oyarzabal (Bautista, m.54) eta Juanmi (Canales, m.82).
Golak: 0-1, m.56: Bautista. 0-2, m.69: Juanmi.
Epailea: Ocon Arraiz.
Zure interesekoa izan daiteke
Nerea Eizagirre: “Defentsako lana ondo egin behar dugu eta ditugun aukerak aprobetxatu”
Lau urteren ondoren, Realak Txapeldunen Ligan jokatuko du berriro. Nerea Eizagirre kapitain izan zen orduan eta hala izango da aurten ere. “Taldea indartsu” datorrela azaldu du eta Chelsearen aurkako partida zaila izngo den arren, beraien “lana ondo egin” behar dutela adierazi du.
Matarazzo: “Gure ahalmenean sinesten dugu eta pentsamendu horrekin egingo diogu aurre partidari”
Realak Real Madrilen aurka jokatuko du abuztuaren 26an, Bernabeun. Matarazzok prentsaurrekoan adierazi du beraientzako “erronka bat” izango dela, baina beraien “ahalmenean sinesten” dutela.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
_945_?fmt=webp-alpha&qlt=80)
Matarazzo: “Jokalariak prest daude; mugimenduak espero ditugu hurrengo asteotan”
Realak gaur egin du azken entrenamendua. Bihar 21:00etan Elxen aurkako partida izango dute eta 24 jokalari eramango ditu Matarazzok, tartean Sanseko bost. Estatubatuarrak eskaini duen lehen prentsaurrekoan “datozen asteotan mugimenduak” espero dituela adierazi du.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Chelsearen eta Realaren arteko lagunartekoaren golak (3-1)
Realak 3-1 galdu du Chelsearen aurkako lagunartekoa. Rogersek eta João Pedrok egin dituzte etxekoen golak, azken honek bi sartu dituelarik. Aramburuk, berriz, Realekoa.