Etxetik kanpoko aurreneko garaipena lortu du Realak Getaferi irabazita
Realak etxetik kanpoko lehen garaipena lortu du Getaferen etxean (0-1). Iñigoren golari esker bolada kaskarrari amaiera eman diote gipuzkoarrek. Rulli ere erabakigarria izan da.
Bi taldeek markagailua estreinatzeko moduko gol-aukerak sortu dituzte lehen zatian. Etxeko taldea Reala baino pixka bat hobeto aritu da eta gola gertuago izan du, txuri-urdinek ere hainbat abagune argi sortu dituzte.
Getafen, Pedro Leon izan da arrisku gehien sortu duena, baina jokaldi guztietan sendo erantzun duen Gero Rullirekin egin du topo. Argetinarra izan da aurreneko 45 minutuetako onena. Moyesen taldean, Agirretxe, Granero eta Iñigo Martinez jokalariena izan dira 0-1koa egiteko abaguneak.
Talde txuri-urdina aurkaria baino askoz gogotsuagoa zelairatu da bigarren zatian, eta 49.ean Canalesen gola saihestu du Guaitak. Zazpi minutu geroago markagailuan aurrea hartzeko urrezko aukera izan dute txuri-urdinek, baina Xabi Prietok ez du asmatu. Chory Castrok kapitainari eman dio baloia, eta honek zuzenean jaurti beharrean Canalesi utzi dio. Geldoegi aritu dira eta Getafeko atzelariek baloia urruntzea lortu dute.
Realak 66. minutuan hartu du aurrea markagailuan. Granerok eskuinetik erdiratu du, Iñigo Martinezek buruz errematatu du eta baloiak Guaitan jo eta gero marra gainditu du (0-1). 68.ean Sarabiari egindako penaltia eskatu du Getafek, baina epaileak ez du ezer adierazi.
Pablo Francok entrenatutako taldea norgehiagoka berdintzen saiatu da, baina ez du lortu.
Fitxa teknikoa:
0 - Getafe: Guaita; Alexis, Naldo, Velazquez, Escudero (Baba, 85'); Lacen, Juan Rodriguez; Pedro Leon (Yoda, 73'), Sarabia, Diego Castro (Hinestroza, 80'); etaAÁlvaro.
1 - Reala: Rulli; Zaldua, Ansotegi, Iñigo, Yuri; Ruben Pardo, Granero (Markel Bergara, 76'); Xabi Prieto, Canales, Chory Castro (Hervias, 78'); eta Ansotegi.
Golak:
0-1, 65': Iñigo Martinez
rtinez
Zure interesekoa izan daiteke
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.
Yangel Herrera Atletico Madrilen aurkako partidari buruz: “Gustuko ditugu partida hauek; garaipen handi bat oparitu nahi diegu zaleei”
Yangel Herrerak prentsaurrekoa eman du ostegun arratsaldean. Bertan, "pozik eta gozatzen" ari dela eta iragan denboraldia atzean utzi nahi duela esan du. Europa Ligaz eta Atletico Madrilen aurkako partidaz ere aritu da. (Bideoa gazteleraz)
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.