Raul Garcia de Haroren hat-trickak eraman du Osasuna sailkatzera, Sant Jordi apalaren aurrean (0-5)
Raul Garcia de Haro Osasunako aurrelari kataluniarrak Sant Jordi talde xumearen aurka lortutako hirukoak Errege Kopako hurrengo kanporaketarako sailkapena bideratu du. Budimirrek gorritxoen laugarren gola egin du, eta Kike Barjak, bosgarrena, eta nafarren garaipena borobildu du.
Gorritxoei kosta egin zaie lehen zatian atea urratzea. Lehen gola ez da 34. minutura arte iritsi, Raul Garcia de Harok baloia sareetara bidali du penalti puntutik, nahiz eta atezainak norabidea asmatu eta baloia ukitzea lortu duen. Penalti argia izan da, eztabaidaezina, Custodio atzelariak aurretik eraman baitu Pedroarena.
Bigarren gola atsedenaldira heldu aurretik etorri da, 43. minutuan, berriro Raul Garcia de Harok Osambelaren pasea baliatuta egindako gol psikologikoa. Osasunako aurrelariak kontrola egin eta ezker hankarekin egin du errematea.
Atsedenaldiaren ostean, Raul Garcia de Harok hat-tricka eginda biribildu du partida, eta norgehiagoka erabakita utzi du 63. minutuan. Iker Benitoren pase bikaina aprobetxatu du aurrelari gorritxoak.
Ondoren, Sant Jordik 1-3koa egiteko abagune bakanen bat izan du, eta Iker Muñozek langa jo du, areaz kanpotik egindako jaurtiketa batean. Horrela, gorritxoek laugarren gola gertu izan dute. Neurketaren azken txanpan, 83. minutuan, Budimirrek egin du laugarren gol hori, eta Kike Barjak, bosgarrena, 86.an, jaurtiketa ikusgarri batekin.
Iker Benitok eta Mauro Echegoyenek, min hartuta, futbol-zelaia utzi behar izan dute.
- Fitxa teknikoa:
0 - Sant Jordi: Alejandro Coll (Xisco Verger, 83.m); Cameron Ramirez, Gary Ruiz, Josr Custodio (Alex Valiente, 53.m), Javi Font, Toms Gallardo; Tomeu Llinas (Caseiro, 53.m), Sergio Roque (Marc Olmedo, 67.m), Xisco Olmedo; Alex Pons (Caseiro, 67.m), Pedro Rodriguez.
5 - Osasuna: Aitor Fernandez, Iker Benito, Jon Garcia (Arroyo, 46.m), Jorge Herrando, Juan Cruz (Chasco, 61.m); Echegoyen (Budimir, 66.m), Iker Muñoz, Pedroarena (Torro, 61.m); Osambela, Raul Garcia (Ruben Garcia, 77.m), Kike Barja.
Golak: 0-1, 34.m, Raul Garcia (penaltiz), 0-2, 43.m, Raul Garcia; 0-3, 62.m, Raul Garcia; 0-4, 83.m, Budimir; 0-5, 86.m, Kike Barja.
Epailea: Miguel Angel Ortiz (Madrilgo batzordea). Ez du txartelik atera.
2.000 ikusle izan dira Son Malferit futbol-zelaian.
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.