Enzo Boyomok luzapenean sartutako golak merezitako puntua eman dio Osasunari Mallorcan (1-1)
Osasunak azken hasperenean lortu du puntu bat ateratzea, EA Sports Ligako 23. jardunaldia itxi duen neurketan. Boyomok egin du gorritxoen gola luzapenean eta Muniqik Jagoba Arrasataren Mallorcarena, 79.ean.
Vicente Morenok eta Jagoba Arrasatek euren talde ohien aurka jokatu dute gaur. Morenok, baina, palkotik ikusi behar izan du partida, zigortuta dagoelako.
Nafarroako taldea, Dani Pendin bigarren entrenatzailearen zuzendaritzapean, erasokor zelairatu dira, baloiaren jabetza izan dute eta nahiko erraz iritsi dira Greif atezainaren area ingurura. Hala ere, ez dute aukera argirik sortu.
Are gehiago, lehen zatiko aukerarik argiena etxeko taldeak izan du, Mallorcak, kontraerasoan. Navarrok pase bikaina eman dio Muniqiri eta Herreraren aurrean bakar-bakarrik zegoenean, Boyomok baloia kendu dio, eta arriskua uxatu du.
Arrisku handirik sortu gabe —Osasunaren partetik, Moncayolak indarrik gabe egindako jaurtiketa bat, besterik ez— iritsi dira bi taldeak atsedenaldira (0-0).
Bigarren zatia hasteko, Pendinek Iker Muñoz zelairatu du Lucas Torroren ordez, erdilariak txartel horia ikusi du lehen zatian, eta bigarrena ere jasotzear izan da. Arriskua ekiditeko, Pendinek aldaketa egitea erabaki du.
Muniqi izan da erasoan saiatu den lehena. Navarrok emandako pasea ez du ondo aprobetxatu eta jaurtiketa Sergio Herreraren atearen alde batean jo du.
75. minutuan, baloiak Maffeoren besoan jo du Mallorcaren area barruan, baina Cordero Vega epaileak ez du ezer adierazi.
Bi minutu geroago, Moi Gomezek sekulako aukera izan du, baina baloia gora bota du, area txikian bakar-bakarrik egon arren.
79. minutuan, Catenak Muniqi bota du area barruan eta epaileak ez du zalantzarik izan eta penaltia adierazi du. Zigorra Muniqik berak jaurti eta sartu du, eta Mallorca aurretik jartzea lortu du (1-0).
Boyomoren gola
Epaileak 8 minutuz luzatu du norgehiagoka, eta Mallorcak hiru puntuak poltsikoan zituela ematen zuenean, Boyomok banakoa egin du Greif atezainak aldaratzean egindako hutsa aprobetxatuta.
97. minutuan, Catena gorritxoen bigarrena sartzear izan da, baina Greifek, oraingoan bai, erantzun bikaina eman dio Osasunakoaren burukadari. Azkenean, banakoa Mallorcan.
Fitxa teknikoa:
1 - Mallorca: Greif; Maffeo, Valjent, Raíllo, Mojica; Mascarell, Costa, Navarro (Jan Salas, 82. min), Darder (Asano, 67. min), Dani Rodriguez (Copete, 89. min); Muriqi (Abdon, 82. min).
1 - Osasuna: Herrera; Areso, Boyomo, Catena, Cruz (Bretones, 59. min); Moncayola (Arnaiz, 86. min), Torro (Muñoz, 46. min), Aimar; Ruben Garcia (Kike Barja, 89. min), Budimir, Bryan (Moi Gomez, 59. min).
Golak: 1-0, 81. min, Muriqi (penaltiz); 1-1, 94. min, Boyomo.
Epailea: Cordero Vega (Kantabriako batzordekoa). Txartel horia atera die Mallorcaco Pablo Maffeo jokalariari (91. min) eta Osasunako Lucas Torro (35. min), Catena (79. min), Boyomo (86. min) eta Aimar (86. min) jokalariei.
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.