Osasunak porrota jaso du Granadaren aurka (3-0)
Osasunak 3-0 galdu du Granadaren aurka Nuevo Los Carmenes zelaian EA Sports Ligako 33. jardunaldiko partidan. Etxeko taldeak nagusitasunez lortu du garaipena; izan ere, bigarren gola jaso ostean Osasuna ez da erantzuteko gai izan.
Talde gorritxoa, etxeko lanak eginda, Europako zonaldetik urrun eta sailkapenaren presiorik gabe, garaipenaren bila joan da, aurreko bi partidetan bi porrot jaso ondoren, baina Granadak 3-0ekoa jarri du markagailuan aurkari apatiko baten aurka.
Norgehiagokako lehen minutuetan, bi taldeak nagusitzen saiatu dira, baina etxeko taldeak gehiago arriskatu du, eta azkar ateratzen saiatu da aukera izan duen bakoitzean. Horrela, Granadaren lehen iritsieran, 29. minutuan, Pellistrik oso ondo errematatu du area barrutik 1-0ekoa jartzeko.
Gorritxoak suspertu egin dira, eta minutu batzuk geroago iritsi da Nafarroako taldearen lehen gol aukera. Ruben Peñak Ignasi Miquelen irristada aprobetxatu du erdiraketa bat egiteko, eta Raul Garciaren burukadak zutoina jo du.
Osasunak erasora jo du atsedenaldira iritsi aurretik berdinketa lortzeko, baina Granada ondo aritu da defentsan. Azkenean, etxeko taldearen aldeko markagailuarekin bukatu du lehen zatia.
Bigarren zatia hasi eta berehala, Granadako taldeak bigarren gola egin du. Jozwiaken pase on baten ostean, Unzunik ez du huts egin buruz burukoan Sergio Herreraren aurrean.
Minutu batzuk geroago, Sandovalen taldeak beste gol aukera garbi bat izan du. Hala ere, Uzuniri kanpora joan zaio errematea.
Talde gorritxoa erabat zatituta zegoela, Andaluziako taldeak ate aurrean asmatu ez duelako ez da markagailua askoz ere argiagoa izan. 75. minutuan, Arezok hirugarren gola sartzeko aukera izan du etxeko taldearen alde.
Azken minutuek Osasunaren joko ahula berresteko besterik ez dute balio izan, dagoeneko ezer jokoan ez duela oso lau eta uzkur aritu baita partida osoan zehar. Azken jokaldian sartu du Lucas Boyek 3-0ekoa.
Fitxa teknikoa
Granada: Batalla; Bruno Mendez, Rubio (Piatkowski, 89. min), Ignasi Miquel, Carlos Neva; Sergio Ruiz (Hongla, 73. min), Gumbau, Pellistri (Gonzalo Villar, 79. min), Jozwiak (Callejon, 79. min); Uzuni (Matias Arezo, 73. min) eta Lucas Boye.
Osasuna: Sergio Herrera; Areso, Herrando, Catena, Mojica (Juan Cruz, 82. min); Iker Muñoz (Torro, 72. min), Moncayola (Ibañez, 55. min), Moi Gomez, Ruben Peña (Unai Garcia, 72. min), Ruben Garcia (Arnaiz, 55. min); eta Raul.
Golak: 1-0 (29. min), Pellistri. 2-0 (48. min), Uzuni. 3-0 (95. min), Lucas Boye.
Epailea: Muñiz Ruiz. Txartel horia atera die Lucas Boye (20. min), Jozwiak (22. min), Sergio Ruiz (32. min) eta Rubio (37. min) Granadako jokalariei.
Zure interesekoa izan daiteke
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.