Osasunak ezin izan dio Lehen Mailan jarraituko duen Mallorcari irabazi (0-2)
Mallorcak Lehen Mailan jarraituko du beste urtebetez, Osasunari 0-2 irabazi baitio igande honetan, merezita. Javier Aguirre entrenatzaile mexikarraren mutilek ez dute arazo handirik izan garaipena eskuratzeko.
Neurketak ez du erritmorik izan lehen zatian, bai, ordea, bigarrenean. Bi taldeek euren zaleei poztasun bat emateko egin dute lan, baina nabarmena zen mallorcarrek beharrizan gehiago zutela. Hala, atsedenalditik bueltan, Angelek arratsaldeko lehen gola erdietsi du (47. minutua), eta, gerora, Grenierrek erabakita utzi du lehia, aldaratze bat aprobetxatuta (83. minutua).
Azken minutuetan, balearrek denbora kudeatzen jakin dute, urrezko hiru puntu eskuratzeko, futboleko gorengo mailari eustea lortuz.
Sanjurjoren, Iñigo Perezen eta Ramalhoren agurrak
Oier Sanjurjo Osasunako kapitain handiak bere bihotzeko taldeari agur esan dio gaurko neurketan, hamar denboraldi baino gehiago elastiko gorritxoa janzten eman ondoren. Neurketako 72. minutuan, bere lekua utzi dio Roberto Torres lagun handiari, Sadarrera bertaratutako guztien (aurkariak barne) txalo zaparrada handia jasotzeko.
Era berean, Jonas Ramalho eskuin hegaleko atzelariak (titularra partidan) eta Iñigo Perez erdilariak azken aldiz zelairatu dira Sadarerra Osasunako jokalari gisa.
Fitxa teknikoa:
0 – Osasuna: Osasuna: Sergio Herrera; Ramalho (Areso, 75. min), Unai García, David García, Cote (Íñigo Pérez, 75. min); Oier (Roberto Torres, 72. min), Lucas Torró, Darko; Chimy Ávila (Kike García, 63. min), Budimir, Rubén García (Kike Barja, 63. min).
2 – Mallorca: Reina; Maffeo, Valjent, Raillo, Oliva; Sánchez (Grenier, 72. min), Sevilla (Dani Rodríguez, 65. min), Battaglia, Costa (Russo, 83. min); Muriqi, Ángel (Abdón, 65. min).
Golak: Ángel 0-1 (47. min) eta Grenier 0-2 (83. min).
Epailea: César Soto Grado. Txartel horiak: Darko eta Unai García (Osasuna); Reina eta Maffeo (Mallorca).
Zure interesekoa izan daiteke
Braulio Vazquez, Osasunaren agurrean: “Gozatu eta sufritu egin dugu elkarrekin. Denak du amaiera”
Braulio Vazquez Osasunako kirol zuzendari ohiak agur esan dio talde gorritxoari astelehen honetan emandako prentsaurrekoan. Hamar urteko ibilbidearen ostean, Vazquez Valentzian arituko da lanean aurrerantzean.
Braulio Vazquezek Osasuna utzi du, eta Catak hartu du kirol zuzendaritza
Orain arteko kirol arduradun nagusiak, prouektu profesional berria hasiko du Valentzia taldean. Hori dela eta, talde valentziarrak bere etete-klausulari dagozkion 290.000 euroak ordainduko ditu.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Bigarren porrota jarraian Osasunarentzat (0-2)
Nafarrek bi gol jaso dituzte lehen 20 minutuetan eta, saiatu diren arren, ez dute Espanyolen atea zulatzeko modurik aurkitu.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Osasunak Huesca izango du aurkari Erreginaren Kopako bigarren kanporaketan
Kanporaketa partida bakarrera jokatuko da, Huescaren zelaian, irailaren 29tik urriaren 1era bitartean.
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.