Osasuna baino gehiago izan da Bartzelona Camp Nou zelaian (4-0)
Osasunak 4 eta 0 galdu du Bartzelonaren aurka Camp Nou zelaian jokatutako LaLigako 11. jardunaldiko partidan. Gorritxoek lehen ordu erdian ondo eutsi diote Bartzelonari, baina lehen gola jaso eta kataluniarrak jaun eta jabe izan dira amaieraraino.
Braithwaitek egin du lehen gola 30. minutuan, Osasunaren arean izandako jokaldi nahasiari etekina aterata. 12 minutu geroago, Griezmannek 2 eta 0ekoa sartu du areaz kanpotik jaurtiketa ikusgarria eginez.
Bigarren zatian, Coutinhok, ate osoa berarentzat izanda, hirugarrena egin du eta laugarren eta azken gola Messik sartu du 73. minutuan. Osasunaren aukerarik onena Roberto Torresek izan du, 68.minutuan, zutoinera egindako jaurtiketa batean.
Fitxa teknikoa
4 - Bartzelona: Ter Stegen; Dest (Junior, 61. min), Mingueza, Lenglet (Aleñá, 67. min), Jordi Alba; De Jong, Pedri (Sergio Busquets, 46. min); Braithwaite, Messi, Coutinho (Dembélé, 61. min); eta Braithwaite (Trincao, 61. min).
0 - Osasuna: Sergio Herrera; Nacho Vidal, Unai García, Raúl Navas, Roncaglia, Jony (Juan Cruz, 23. min); Íñigo Pérez (Roberto Torres, 63. min), Oier (Darko, 64. min), Moncayola; Rubén García (Barja, 74. min) eta Budimir (Enric Gallego, 74. min).
Golak: 1-0: 30. min. 2-0: Griezmann, 42. min. 3-0: Coutinho, 57. min. 4-0: Messi, 73. min.
Zure interesekoa izan daiteke
Moi Gomez Osasunako jokalariak lesioa du bizeps femoralean
Talde gorritxoak ez du zehaztu zenbat denbora egongo den bajan. Erdilari gorritxoak minduta bukatu zuen Alavesen kontrako partida.
Moncayola: “Ez da gure eguna izan, akats asko egin ditugu”
Jon Moncayolak onartu du Osasunak akats asko egin dituela eta bost gol sartuta oso zaila dela Lehen Mailan puntuak batzea.
Luis Miguel Ramis: “Partida parekatua izango dela uste dut"
Alavesek eta Osasunak igandean neurtuko dituzte indarrak Mendizorrotzan, oso derbi parekatuan. Bi taldeak defentsan sendotasuna erakutsita iritsiko dira hitzordu honetara, lehen hiru jardunaldietan gol bakarra jaso baitute. Gainera, Romain Del Castillok debuta egiteko aukera izango du, talde gorritxoarekin bat egin berritan.
Osasunak Rockson eta Del Castillo aurkeztu ditu, Sadarren
Nafarroako taldeak ondo ekin dio EA Sports Ligari; izan ere, jokoan izan diren aurreneko bederatzi puntuetatik, zazpi bereganatu ditu. Ostegunean, bi jokalari berri hauen aurkezpena egin du.
Osasunak Romain Del Castillo aurrelaria fitxatu du
Del Castillo, 30 urtekoa bera, Brest taldetik iritsi da Osasunara, alegia, Frantziako Ligatik. Nafarroako klubak milioi bat euro ordaindu du jokalaria fitxatzeko, baina, hainbat aldagai beteta, beste 450.000 euro ere ordain litzake. Futbolariak bi denboraldirako sinatu du, eta beste denboraldi batez luza dezake.
Sergio Herrera: “Pozik eta konfiantza handiarekin egon behar dugu”
Osasunak 1-0 irabazi dio Getaferi. Sergio Herrerak azaldu duenez, "Getafe ez da talde erraza", baina Ruben Garciak, bere aldetik, "ondo defendatu" dituztela adierazi du eta lortutakoaz harro agertu dira biak. (Bideoa gazteleraz)
Budimirrek Osasunaren garaipena sinatu du Getaferen aurka (1-0)
Osasunak denboraldi hasiera onari eustea lortu du Getaferen aurka, Sadarren, eta, partida parekatua izan arren, garaitezin jarraitzea lortu du.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Ramis: “Oso garrantzitsua zen etxetik kanpo indartsu lehiatu gaitezkeenaren sentsazioa izatea”
Osasunak markagailua irauli du Celtaren aurka, denboraldiko lehen garaipena lortuz (1-2). Luis Miguel Ramisek azpimarratu du garaipen hori merezi zutela, bat gehiagorekin egoteak abantaila eman dien arren. (Bideoa gazteleraz)
Osasunak markagailua irauli eta garaipena eskuratu du Balaidosen
Aspasek aurretik jarri ditu etxekoak, baina Marcos Alonsoren kanporaketak partida aldatu du eta Barjak eta Budimirrek markagailua irauli dute.