Osasunak garaipen garrantzitsua lortu du Valladoliden aurka
Osasunak 4-2 irabazi dio Valladolidi Sadarren eta garaipen garrantzitsua lortu du igoera postuetan sartzeko lehian aurkari zuzena den taldearen kontra. Nafarroako taldeak 32 puntu ditu, playoff postuetatik gertu jarraitzen du, eta aurkariek baino partida bat gutxiago du.
Ondo hasi da partida Osasunarentzat, 6. minutuan David Rodriguezek 1-0ekoa sartu baitu, Fran Meridaren pase dotoreari amaiera bikaina emanda. Ondorengo minutuetan, bi taldeek izan dituzte abaguneak, baina gola lortu duena kanpoko taldea izan da; 32. minutuan Jaime Matak banakoa (1-1) sartu du. Zalantzak egon dira baloiak ateko marra gainditu duen ala ez, baina epaileak ontzat eman du Valladoliden gola. Neurketa atsedenaldira berdinketarekin iritsiko zela ematen zuenean, Valladolidek 1-2koa sartu du Jaime Mataren bitartez, 45. minutuan.
Bigarren zatiaren hasiera parekatua izan da, eta bi taldeei kosta egin zaie abaguneak sortzea. Minutuak aurrera joan ahala partida zailtzen hasi zaio Osasunari, baina 69. minutuan epaileak penaltia adierazi du gorritxoen alde Fran Meridari area barruan egin dioten faltagatik eta Fran Meridak berak sartu du binakoa (2-2) penaltiz. Neurketa berdindu ostean, garaipenaren bila jo du Osasunak eta 72. minutuan David Rodriguezek 3-2koa sartu du gorritxoentzat. Azken minutuetan Valladolidek erasora jo du berdinketaren bila eta horretaz baliatu da Osasuna, 90. minutuan, Barjaren golarekin (4-2) partida erabakita uzteko.
Fitxa teknikoa:
4 - Osasuna: Sergio Herrera; Lillo, Unai Garcia, Oier, Clerc; Sebas Coris (Kike Barja, m.65), Lucas Torro, Fran Merida (Arzura, m.81), Roberto Torres (Quique, m.54); David Rodriguez eta Xisco.
2 - Valladolid: Masip; Antoñito, Deivid, Kiko Olivas, Moyano; Borja, Anuar; Hervias (Gianniotas, m.75), Toni Villa (Iban Salvador, m.68), Oscar Plano (Villalibre, m.75); eta Mata.
Golak: 1-0, m.5: David Rodríguez. 1-1, m.32: Mata. 1-2, m.46+: Mata. 2-2, m.70: Fran Merida. 3-2, m.72: David Rodriguez. 4-2, m.89: Kike Barja.
Epailea: Díaz de Mera (Comité Castellano-Manchego).
p>Zure interesekoa izan daiteke
Osasunak denboraldiaurreko lehen porrota jaso du Napoliren aurka, Italian (2-1)
Lehendabiziko gola italiarrentzat Mateo Politanok sartu du 27. minutuan. Atsedenalditik bueltan Lorenzo Luccak bigarrena egin du 53. minutuan. Osasunaren gol bakarra penaltiz iritsi da. Ante Budimirrek 69. minutuan ez du barkatu hamaika metroetatik.
Osasuna 1-2 gailendu zaio Norwich Cityri
Osasuna 1-2 gailendu zaio Norwich City taldeari Colchesterren jokatutako lagunartekoan. Darlingek 58. minutuan eginiko gola iraultzeko gai izan dira gorritxoak. Aimar Orozek lehen minutuak izan ditu eta Arazurikoak bere maila erakutsi du bigarren zatian. Penaltiz egin dute banakoa gorritxoek. Garaipenaren gola, luzapenean, Asier Bonelek sartu du.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Osasunak Dubasin fitxatu du 2030era arte
Kataluniako jokalaria Sporting Gijon taldean jokatzen aritu da orain arte, eta Espainiako Lehen Mailarako aldaketa egingo du aurrerantzean, gorritxoen eskutik.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Osambela: “Sentsazio onak izan ditugu hasieratik; lehiatzen hasteko gogoz gaude”
Osasunak tentsio handiarekin amaitu zuen aurreko denboraldia. Asier Osambelak azaldu duenez, Luis Miguel Ramisek argi dauzka ideiak eta horiek taldeari transmititzeko lanean dihardute. Nafarrak uste du “bide onean” dabiltzala eta horrela jarraituz gero gauzak ondo aterako direla.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.