Osasunak berdindu egin du Huescaren aurka eta irabazi gabe jarraitzen du
Osasunak bana (1-1) berdindu du Huescaren aurka larunbat honetan eta ezin izan du Sadar zelaiaren 50. urteurrena garaipenarekin ospatu. Hiru jardunalditan norgehiagokarik irabazi gabe jarraitzen dute gorritxoek Bigarren Mailan.
Lehen zatian etxeko taldea izan da baloiaren jabe, baina hasierako 45 minutuetan ia ez da gol aukera argirik egon. Bigarren zatian Osasunaren nagusitasunak saria jaso du 68. minutuan Unai Garciak sartutako golari esker (1-0). Neurketako azken minutuetan Huescak erasora jo du berdinketaren bila eta 86. minutuan Melerok sartu du banakoa (1-1) korner baten ondorioz. Amaieran, puntu bana talde bakoitzarentzat. Osasunak bi puntu ditu lehen hiru jardunaldien ostean.
Fitxa teknikoa:
1 - Osasuna: Sergio Herrera; Javier Flaño, Aridane, Unai Garcia, Clerc; Arzura, Fran Merida (De las Cuevas, m.77); Sebas Coris (Xisco, m.55), Roberto Torres, Quique; eta David Rodriguez (Lucas Torro, m.62).
1 - Huesca: Remiro; Akapo, Pulido, Jair (Ferreiro, m.82), Brezancic; Aguilera; Chimy Avila (Vadillo, m.56), Luso Delgado (Rescaldani, m.72), Melero, Alex Gallar; eta Chucho Hernandez.
Golak: 1-0, m.68: Unai Garcia. 1-1, m.86: Melero.
Epailea: Sagues Oscoz.
> Sagues Oscoz.Zure interesekoa izan daiteke
Arrasate: “Partida gure eremura eraman behar dugu aukera gehiago izateko"
Sabalza: “Hurrengo hiru partidak gure ligakoen aurkakoak dira; irabaztea garrantzitsua da aurrea hartzeko”
Bretonesek ezker hankako soleoan min hartu du
Rafa Fernandezek 2028ra arte berritu du Osasuna Promesasekin
Osasunak Logroño United estutu du, baina Erregina Kopatik at geratu da (2-3)
Raul Moro: “Puntu positiboa da aurkari handi baten aurka"
Arrasate: “Beraien jokalari garrantzitsuenek bertsiorik onena berreskuratu dute, talde oso arriskutsua da”
Anai Morales Osasunara itzuliko da