Atletico Madrilek Osasunari irabazi dio, bi minutuan bi gol sartuta
Atletico Madrilen nagusitasunarekin hasi da neurketa Sadarren. Berea izan da lehenengo aukera, 3. minutuan. Osasunaren akats baten ostean, Gameirok Griezmannen pasea errematatu du area barrutik, baina kanpora joan zaio.
Ordu laurdenera, Gimenezek Oriol Riera bota du area barruan eta epaileak penaldia adierazi du gorritxoen alde. Baina, madarikazio baten erruz edo, Oblakek Roberto Torresen jaurtiketa gelditu du.
Intentsitate handiarekin jarraitu du norgehiagokak, baina bi minutuko tarte laburrean, Atletico Madrilek bi aldiz jo du. Godinek eta Gameirok golak egin dituzte 36. eta 37. minutuetan, eta Osasuna oso minduta joan da aldageletara.
Bigarren zatian, Atleticok partidaren kontrola eta pilota mantendu ditu, eta etxekoek ezin izan dituzte erasoak gelditu. Osasuna gora begirra jarri denean, kosta egin zaio hutsuneak aurkitzea. Atzean ondo aritu dira madrildarrak.
Gorrtixoak ez dira arrisku handiz heldu aurkariaren areara, eta eraso gutxi bukatu ditu, azken zatian baloia berreskuratu duen arren. Bi golen aldeari buelta ematea lan zaila zen Osasunarentzat, jasotako kolpea kontuan hartuta.
90. minutuan, Carrascok hirugarrena egin du. Osasunak 7 punturekin jarraitzen du, Sadarren irabazi gabe oraindik.
FITXA TEKNIKOA
Osasuna: Nauzet; Tano (Imanol García, m.46), Miguel Flaño, Unai Garcia, Clerc; Roberto Torres, Oier, Causic, Alex Berenguer (De las Cuevas, m.73); Kenan Kodro (Riviere, m.57) eta Oriol Riera.
Atletico Madril: Oblak; Juanfran, Gimenez, Godin, Lucas; Correa (Carrasco, m.65), Gabi, Tiago, Koke; Griezmann (Thomas, m.84) eta Gameiro (Saul, m.71).
Golak: 0-1, m.36: Godín. 0-2, m.37: Gameiro. 0-3, m.90: Carrasco.
Zure interesekoa izan daiteke
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Osasunak mediku azterketak egiten jarraitzen du, eta ostiralean egingo du lehen entrenamendua
Luis Miguel Ramisek ostiralean zuzenduko du, Taxoaren, lehenengo lan saioa, Osasunako futbolarien azterketa medikuak amaituta.
Osasunako jokalariek osasun azterketak pasa dituzte
Osasunak uztailaren 10ean hasiko du Luis Miguel Ramisen aroa aurre denboraldiarekin. Baina aurretik azterketa medikuak pasazeko txanda izaten da eta gaur hasi dira jokalari gorritxo batzuk prozesu horrekin.
Javi Galanek agur esan dio Osasunari eta Celtan jarraituko du bere ibilbide profesionala
Talde gorritxoak ez du Extremadurako atzelariaren kontratua luzatuko eta klubean egindako sei hilabeteko etapari amaiera emango dio horrela.
Taxoareko 3.0 Metodoa defendatu dute Angel Alcaldek eta Patxi Puñalek, bigarren fasean sartu berritan
Taxoareko zuzendariak, Angel Alcaldek, eta harrobiko zuzendari teknikoak, Patxi Puñalek, joan den denboraldiaren balantzea egin dute, eta 2026/27 denboraldirako berritasun nagusiak aurkeztu dituzte, Sadarren egindako agerraldian.
Osasunak Victor Muñoz Liverpooli saldu diola iragarri du
Klub ingelesak 40 milioi ordainduko ditu aurrelariarengatik, eta nafarrek eskubide ekonomikoen % 50a zeukaten. Beraz, talde gorritxoak 20 milioi jasoko ditu.
Ander Cantero: “Osasunak Ramisekin denboraldi polita egingo du”
Burgoseko atezainak, Osasunako harrobian ibilitakoak, entrenatzaile berria talde gorritxora iritsi izana baloratu du, azken bi denboraldietan Plantion bere aginduetara jokatu ondoren.
Roberto Perez izango da Osasunako emakumezkoen taldeko entrenatzailea
Mirandako entrenatzaileak bere gain hartu du datorren denboraldirako lehen taldearen zuzendaritza, aurretik Alavesen egon ondoren.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.