Puntu banaketa, Athletic eta Osasuna artean (1-1)
Athleticek eta Osasunak bana egin dute San Mamesen. Bidezko emaitza da, bi taldeek egindako lanaren arabera. Oriol Rierak egin du nafarren gola, eta Raul Garciak bilbotarrena. Zuri-gorriek aukerak izan dituzte bigarren zatian garaipenaren gola lortzeko.
Oriol Rieraren golaren ostean, Osasunak ere bigarren gola egiteko aukerak izan ditu, baina baloia ez da azkenean ate barruan sartu.
Ondorioz, Athleticek ezin izan du orain Realaren eskuetan dagoen seigarren postua berreskuratu eta Txapeldunen Ligako postuetara gerturatu. Osasunaren helburu nagusia ere, jaitsierako postuetatik ateratzea, ez da gauzatu.
Gorritxoek askoz hobeto hasi dute partida. Oriol Rierak hiru aukera oso argi izan ditu lehen 17 minutuetan. Laugarrenean ez du barkatu, eta gola Iraizozen atean sartu du.
Athleticek azkar erantzun dio nafarren golari. Sabin Merinok jokaldi bikaina egin du, area barruan sartu da eta baloia buruarekin errematatu du Raul Garciak.
Bigarren zatian, bi taldeek gola bilatu dute, baina bizkaitarrek arrisku handiagoa sortu dute. Adurizek, Ricok eta Williamsek izan dituzte aukerarik argienak. Hala ere, markagailuan ez da aldaketarik izan.
Bukaeran, beraz, puntu bana talde bakoitzarentzat.
Fitxa teknikoa:
1 - Athletic: Iraizoz; De Marcos (Lekue, 46. min), Etxeita, Laporte, Balenziaga; Beñat (Mikel Rico, 66. min), San José; Williams, Raúl García, Muniain; eta Sabin Merino (Aduriz, 54. min).
1 - Osasuna: Nauzet; Oier, David García, Miguel Flaño, Unai García, Alex Berenguer; Digard (Fausto Tienza, 33. min), Roberto Torres, De las Cuevas; Sergio León (Otegui, 82. min) eta Oriol Riera (Kenan Kodro, 39. min).
Golak: 0-1, 23. min: Oriol Riera. 1-1, 28. min: Raúl García.
Zure interesekoa izan daiteke
Matetaren gol batek Iñigo Perezen Rayoren ametsa zapuztu du, eta Crystal Palace txapeldun egin du
Aurrelari frantziarrak Augusto Batallak arean aldaratutako baloi bat aprobetxatu du final parekatua erabakitzeko, eta bere historian inoiz baino urrunago iritsi den Rayoren ametsa zapuzteko.
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.
Arene Altonaga kapitainak Eibar utziko du zortzi urteko ibilbide luzearen eta bi igoeren ostean
Altonaga 2018an iritsi zen talde armaginera, 25 urterekin, eta historia egin du Eibar Lehen Mailara eramanez. Hurrengo denboraldian talde gipuzkoarra berriro jaitsi bazen ere, urtebete geroago berriz ere igo zen.
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Oliver Glasner, Crystal Palace taldeko entrenatzailea: “Ez dakit zer ematen dieten jaten euskal entrenatzaileei”
Austriarrak Londreseko Crystal Palace taldea zuzentzen du, eta, asteazkenean, Iñigo Perezen Rayo Vallecano izango du aurkari Konferentzia Ligako finalean; Glasnerrek Iñigo Perez bera, Unai Emery edo Mikel Arteta, besteak beste, izan ditu hizpide.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Eibarrek puntu bat lortu du Sevillaren aurkako partidan
Eibarrek hutsean berdindu du Sevillan, etxetik kanpo puntu bat eskuratuz. Azken jardunaldiaren faltan, armaginek hamahirugarren postuan jarraitzen dute. (Bideoa gazteleraz)
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.