Amaia Iribarrenek eta Garazi Facilak Eibarren jokatuko dute, Athleticek utzita

Amaia Iribarren eta Garazi Facila Athleticeko jokalariek Eibarren jardungo dute datorren ikasturtean, utzita, astearte honetan klub armaginak jakinarazitakoaren arabera.

Garazi Facila lodosarrak ezkerreko atzelari postuan jokatzen du. Nafarroako zenbait taldetan aritu ostean, Osasunarekin bat egin zuen 2019an. Bi denboraldiren ostean, Alavesek fitxatu zuen, eta 2023an, Athleticek. Bilbon 18 neurketatan jokatu ditu, eta orain armagina izango da 2025-26 sasoian.

Amaia Iribarren erdilari iruindarrak ere Osasunan abiatu zuen bere ibilbidea, eta handik Athleticera joan zen, 2020an. Lau urtez zuri-gorrien bigarren taldean lan egin eta iaz Granadan aritu zen lehian, utzita.