Eibarrek porrota jaso du Andorran (2-0)
Eibarrek denboraldiko bigarren porrota jaso du Andorran galdu ostean. Etxekoak nagusi izan dira jokoan eta lehenengo zatian Sergio Molinak eta bigarrenean Hector Hevelek lortutako golak eman diote garaipena Eder Sarabiak zuzentzen duen taldeari.
Norgehiagokaren hasierako minutuetatik etxeko taldeak, Eibarrek baino arrisku gehiago eraman du aurkariaren atera. Aketxek 34. minutuan egindako jaurtiketa izan da armaginen abagunerik argiena eta ia bakarra lehen 45 minutuetan.
Eder Sarabiak zuzentzen duen taldeak, aldiz, aukera nabarmenak izan ditu markagailuan aurreratzeko. Eibarreko defentsak ezin izan du Andorrak hegaletatik sortzen zituen jokaldiak gelditu. Hain zuzen ere, ezker hegaletik iritsi da 21. minutuan partidako lehenengo gola; Sergio Molinak area barnetik egindako eskuinkada gurutzatua ezin izan du Yoelek gelditu (1-0).
Eibarrek ez dio ondo ekin bigarren zatiari eta German Valerak abagune garbia izan du etxekoen bigarren gola sartzeko 46.minutuan. Garitanok zuzendutako taldeak gol beharra zuen punturen bat lortzeko, baina jokoaren kontrola hartu ezinik egon da. Javi Muñoz eta Blanco Leschuken jaurteketetatik kanpo, armaginek ezin izan dute Andorra estutu.
Etxeko taldeak aukerak izan ditu errenta handitzeko eta norgehiagoka 1 eta 0 bukatuko zela zirudienean, Hector Hevelek ezkerkada apartarekin bigarrena egin du area kanpotik (2-0); baloia sarera joan da langa miazkatuz.
Porrot honekin Eibar 10 punturekin geratzen da eta oraindik ezin izan ditu bi garaipen kateatu aurtengo denboraldian. Partida galtzeaz aparte, Juan Berrocal atzelariaren lesioaren albiste txarra utzi du partidak Eibarrentzat.
Zure interesekoa izan daiteke
Eibarrek puntu bat atera du Zaragozatik, partida kaskarra egin arren (1-1)
Armaginek etxetik kanpo garaipenik lortu gabe jarraitzen dute denboraldi honetan. Bi golak Yamiqek egin ditu, bat bere atean, eta horrez gain txartel gorria ere ikusi du partidaren amaieran.
Eibarrek laugarren porrota jarraian jaso du Granadaren aurka 0-2 galduta
Eibarrek 0-2 galdu du Granadaren aurka F Moeve ligako 19. jardunaldian. Jaitsierako postuak urrun badituzte ere, porrot hau ere zenbatuta, armaginek azken lau partidak galdu dituzte.
Eibarrek eta Udinesek Leo Butaren lagapenari amaiera ematea adostu dute
Ezker hegaleko portugaldarra 2025eko udaran ailegatu zen Eibarrera, eta 15 partida ofizial jokatu ditu talde armaginean.
Madariagaren golak eta Magunagoitiaren geldiketek Ipuruan elkarren segidako laugarren garaipena eman diote Eibarri Sportingen aurka (1-0)
Beñat San Joseren taldeak 48. minutuan sartu du gol erabakigarria. Bigarren zatian, Jon Mikel Magunagoitiak hainbat geldiketa bikain egin ditu, eta hori ezinbestekoa izan da talde armaginak hiru puntuak eskuratzeko.
Eibarrek galdu egin du Badalonaren aurka (2-1)
Eibarrek 2-1 galdu du Badalonaren aurka F Moeve Ligako 18. jardunaldian. Lehen zatian, euskal taldeak aurrea hartu du markagailuan, Laura Caminok sartutako golari esker (0-1); bigarrenean, ordea, Badalonak buelta eman dio partidari, 3 puntuak eskuratzeko.
Eibarrek eta Alena Peckovak jokalariaren kontratua eten dute
Txekiako erdilaria 2024ko uztailean iritsi zen talde armaginera, eta bertan urte eta erdi eman du.
Olaetxeak 93. minutuan sartutako golak merezitako garaipena eman dio Eibarri Almeriaren aurka (1-0)
Armaginek urrezko hiru puntu dituzte sailkapenaren beheko aldetik aldentzeko.
Arene Altonaga: "Gure aukerak eduki ditugu, ez ditugu sartu, eta horrek partida baldintzatu du"
Eibarrek 3-0 galdu du Zubietan jokatutako euskal derbian. Partidaren ostean, Altonagak burumakur esan du aukerak izan dituztela baina golak sartu ez izanak partida baldintzatu duela.
Arene Altonaga: "Derbi bat irabazteko gogoa dugu, baina Reala hirugarren postuan dago eta talde oso sendoa da"
Erdilari armaginak uste du Reala "indartsu" dagoela, nahiz eta Edna Imaderen falta nabaritu. "Trantsizioan" izango direla erantsi du, baina, hala ere, "jokalari oso onak dituzte, eta kontu handiz ibili beharko gara". Datorren igandeko derbia zuzenean jarraitu ahal izango da EITBn, 11:55etik aurrera.
Armaginek berdinketa erdietsi dute Granadan, baina gabezia asko erakutsi dituzte (0-0)
Ondorioz, Beñat San Joseren taldeak salbatzeko moduan jarraitzen du. Bi taldeek lehen zati aspergarria egin dute, abagune urrirekin. Bigarren zatian ez da norgehiagoka asko aldatu.