Eibarri garaipenak ihes egin dio azken hiru minutuetan
Eibarrek porrota jaso du Valladoliden aurka (1-2) Ipuruan, Ligako 28. jardunaldiko partidan. Aurretik iritsi da talde armagina 90. minutura, baina hiru minututan bi gol jaso ditu, eta galdu egin du. Ondorioz, Eibar 35 punturekin geratzen da, sailkapenaren erdialdean.
Neurketaren hasieran Eibarrek izan du baloiaren jabetza, baina talde gipuzkoarra ez da abaguneak sortzeko gai izan. Valladolidek 9. minutuan izan du lehen gol-aukera, baina Kekoren jaurtiketa kanpora joan da. Bi minutu beranduago, Guardiolak sartu duen gola baliorik gabe utzi du epaileak, aurrelaria jokoz kanpoko posizioan egon baita. Eibar saiatu da aukerak sortzen hegaletik egindako erdiraketen bitartez, baina ez du lortu Valladolideko atezaina arazoetan jartzea. Valladolidek gol-aukera argia izan du 32. minutuan; Oscar Planoren errematea, ordea, kanpora joan da, gutxigatik. Talde armaginaren erantzuna minutu bat beranduago etorri da, Jordanen erremate baten bitartez. Atsedenaldira iritsi orduko, Eibarrek izan du gola sartzeko aukera, baina Jordanek ateratako faltaren ostean, Orellanak gora bota du errematea.
Bigarren zatiari erasokor ekin dio Eibarrek, eta 54. minutuan gola sartzea lortu du. Coteren pasea buruz ukitu du Charlesek, Sergi Enrichek baloia jo du area barruan, eta Orellanak sare barrura bidali du errematea (1-0).
Gola sartu ostean, bigarren golaren bila jo du talde armaginak. Hala ere, Eibar ez da gai izan abagune argiak sortzeko. Pixkanaka, beharrizanak bultzatuta, talde bisitariak erasora jo du, eta gola sartzeko aukera bikaina izan du 70. minutuan. Sergi Guardiolak bikain utzi du atzean Arbilla, erdiraketa egin du, eta Unalek kanpora bidali du errematea, gola sartzeko dena alde izan duen arren.
Azken txanpan, Eibarrek kontrolpean izan du neurketa. Valladolidek, aldiz, nahi baina ezin. Pucelako taldea saiatu da erasora jotzen, baina ez du arrisku handirik sortu Dmitrovicek defendatzen zuen ate inguruan. Gainera, talde armginak izan du partida erabakita utzeko aukera, 83. minutuan; Sergi Enrich area barrua sartu da, aurkari bat atzean utzi du, eta errematea Masip atezainak desbideratu du, gola eragotziz.
Ematen zuen norgehiagoka erabakita zegoela, baina 88. minutuan, epaileak Valladoliden aldeko penaltia adierazi du, VARa kontsultatu ostean, Dmitrovic atezainak falta egin baitio area barruan Oscar Planori. Verdek ez du huts egin penalti jaurtiketan, eta partida berdindu du (1-1).
Sei minutuko luzapena eman du epaileak, eta 93. minutuan, talde bisitariak bigarren gola sartu du, Sergi Guardiolak bikain amaitu duen kontraeraso baten bitartez (1-2). Jada, erreakzionatzeko denborarik gabe geratu da Eibar, eta ezin izan du punturik eskuratu.
Fitxa teknikoa:
Eibar: Dmitrovic; Peña, Ramis, Arbilla Cote; Orellana, Diop, Jordan (De Blasis, 92. min), Cucurella (Cardona, 84. min) Enrich eta Charles (Escalante, 70. min).
Valladolid: Masip; Moyano (Antoñito, 81. min), K. Olivas, Calero, Nacho; Anuar, Míchel (Enes Unal, 60. min), Ruben Alcaraz; Keko (Verde, 65. min), Sergi Guardiola, Oscar Plano.
Golak: 1-0, 53. min, Orellana. 1-1, 90. min, Verde (p.). 1-2, 93. min, Guardiola.
Epailea: Medie Jimenez. Txartel horiak atera dizkie Eibar taldeko Cote eta Dmitrovic jokalariei, baita Valladolideko Anuar eta Alcaraz futbolariei.
Zure interesekoa izan daiteke
Rocio Candal: “Uste dut taldeak oso ondo amaitu duela denboraldia”
Eibarren Emakumezkoen Futboleko Arloko arduradunak, asteazkenean, amaitu berri den denboraldiaren gaineko balorazioa eman du. Candalek nabarmendu du klubaren asmoa dela proiektuari “jarraipena” ematea, hartzen ari den erabakiak eta dituen planak kontuan izanik.
Arene Altonaga, Eibarri agur esan ondoren: “Asko disfrutatu dut, eta oso zorte ona izan dut"
"Orangoz, ez dakit zer egingo dudan familiaz eta udaz gozatzeko", adierazi du Leioako jokalariak. Bizkaitarrak onartu du ama izateak pisu handia izan duela Eibar uzteko erabakian.
Cesar Palacios: “Datorren denboraldiari pazientziaz eta egonkortasunez ekitea oso garrantzitsua dela uste dut”
Cesar Palacios Eibar futbol taldeko kirol zuzendariak prentsaurrekoan hitz egin du denboraldiaren eta taldearen etorkizunaren balantzea egiteko. Adierazpenak, gaztelaniaz.
Jose Corpasek eta Toni Villak ez dute Eibarren jarraituko
Corpasek bost denboraldi eman ditu Eibarren, eta Toni Villa, aldiz, azken bi denboraldietan izan da talde armaginean.
Beñat San Josek Eibarren jarraituko du 2027ra arte
Talde armaginaren 60 partida zuzendu ditu 2025eko otsailean iritsi zenetik, 27 garaipen lortuta.
Astralagak, Iribarrenek, Facilak eta Morenok amaitu dute euren Eibarreko etapa
Eunate Astralagak, Amaia Iribarrenek, Garazi Facilak eta Emma Morenok amaitu dute euren lagapena, eta euren taldeetara itzuliko dira denboraldia amaitzean.
Anaitz Arbillak Eibarrekin berritu du, 2027ko ekainera arte
Talde armaginaren kapitaina duela hamar urte iritsi zen klubera, eta, orain arte, 309 partida jokatu ditu; 2025-2026 denboraldian, 35 neurketatan zelairatu da, horietako 33tan titular izan da.
Patri Ojeda, Marta Lopez de Guereñu, Laura Camino, Iara Lacosta eta Opah Clementek ez dute Eibarren jarraituko
Talde armaginak bost jokalari horiek erakutsitako "konpromisoa eta profesionaltasuna" eskertu ditu ohar labur batean.
Iñaki Goikoetxeak Eibar entrenatzen jarraituko du datorren denboraldian
Talde armaginak F Ligan jarraitzea lortu du, eta, ondorioz, laugarren denboraldia egingo du maila gorenean.
Anaitz Arbilla: “Triste gaude, baina oso harro nago talde honekin"
Anaitz Arbilla SD Eibarren jokalariaren adierazpenak dira, Castelloren aurka 2-1 galdu ostean. Emaitzak igotzeko play-offa jokatzeko aukerarik gabe utzi du talde armagina. (Adierazpenak, gaztelaniaz)