Final-laurdenetara sailkatzen saiatuko da gaur Athletic Tenerifen
Athleticek eta Tenerifek irekiko dituzte gaur gaueko 21:00etan Errege Kopako final-zortzirenak Heliodoro Rodriguez futbol-zelaian, partida bakarrera jokatuko den kanporaketan.
Gaizka Garitanoren mutilek Bigarren Mailan bizi duen egoerarekin kezkatuago dagoen aurkaria izango dute aurrez aurre; izan ere, Ruben Barajaren taldea jaitsiera postuetatik puntu bakarrera dago. Hartara, litekeena da burua asteburuko Sportingen aurkako lehian jarrita izatea gehiago.
Tenerifek ez du Kopa txapelketako 16 onenen artean sartzea lortu 2000-2001 denboralditik. Are gehiago, final-laurdenetara sailkatu zen azken aldia 1995-96 denboraldian izan zen. Balentria hori errepikatzeko, Lehen Mailako beste talde bat kanporatu beharko du oraingoan, final-hamaseirenetan Valladolidekin egin zuen legez.
Bilbotarrek ondo baino hobeto dakite Kopako formatu berriak dakartzan zailtasunak, Elx kanporatzeko penalti-jaurtiketen beharra izan baitzuten (1-1 partida amaieran eta 4-5 penaltietan).
Garitanoren hamaikakoa zein izango den aurretik asmatzea beti zaila bada, are zailagoa izango da oraingo honetan, Tenerifekoa laugarren norgehiagoka izango baita bederatzi egunen buruan zuri-gorrientzat.
Gauza segurua da Iago Herrerin atepean arituko dela, nahiz eta azken asteetan paperak jota ibili den Unai Simon itzuli den gainerako taldekideekin entrenatzera.
Gainontzean, izen gutxi jo daitezke ziurtzat. Litekeena da Kopan titular gisa ari den Unai Nuñez hasieratik aritzea, baita Espanyolen aurka ordezkoen artean egon zen Raul Garcia ere.
Dena den, begirada guztiak Asier Villalibre aurrelariarengan egongo dira jarrita, jokatuz gero, larunbatean lehen aldiz aritu baitzen titular gisa Ligan, eta gol batekin biribildu zuen estreinaldi hori. Aitzitik, atseden har dezakeena Iñaki Williams izan daiteke, azken hiru neurketetan hasierako hamaikakoan egon baita.
Balizko hamaikakoak:
Tenerife: Ortola, Moore, Carlos Ruiz, Sipcic, Lasure, Undabarrena, Javi Alonso, Suso, Luis Milla, Elliot eta Joselu.
Athletic: Iago Herrerin, Capa, Yeray, Unai Nuñez, Iñigo Martinez, Yuri, Dani Garcia, Unai Lopez, Muniain, Raul Garcia eta Villalibre.
Epailea: Pablo Gonzalez Fuertes.
Futbol-zelaia: Heliodoro Rodriguez Lopez.
Ordua: 21:00.
Zure interesekoa izan daiteke
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.