Finalera!
- Fitxa teknikoa:
3 - Athletic Club de Bilbao: Iraizoz; Iraola, Javi Martinez, Amorebieta, Aurtenetxe; Iturraspe, Herrera (Iñigo Perez, 94. minutuan), Muniain (Ekiza, 90. minutuan); Susaeta, Ibai Gomez (Toquero, 93. minutuan) eta Llorente.
1 - Sporting Portugal: Rui PatrIcio; Joao Pereira, Polga, Xandao, Insua; Schaars, AndrE Martins (Carrillo, 83. minutuan), MatIas FernAndez (Carriço, 46. minutuan); Pereirinha (Jeffren, 63. minutuan), Capel; eta Van Wolfswinkel.
Golak: 1-0, 17. minutuan: Susaeta. 1-1, 43. minutuan: Van Wolfswinkel. 2-1. Ibai Gomez. 3-1, 88. minutuan: Llorente.
Athleticek Europa Ligako finala jokatuko du Atletico Madrilen aurka, San Mamesen Sporting 3-1 gainditu ostean. Zuri-gorriek kanporaketa irauli egin dute Fernando Llorentek 88. minutuan eskuratutako golari esker. 35 urte geroago, Bilboko taldea Europako final batera itzuliko da.
Lehenengo zatian Athleticeko gola lortzeko erasoan sakatu du, baina Sa Pintoren mutilak ez dira atzean sartu eta partida joan eta etorrikoa izan da. Neurketako aurreneko abagunea Ibai Gomezek izan du 15. minutuan, baina Bilboko jokalariaren jaurtiketa Rui Patricio atezainak hartu du. 16. minutuan Markel Susaetak 1-0ekoa jarri du San Mameseko markagailuan eta zaleek gozatu ederra hartu dute harmailetan. Susaetaren golarekin Bielsaren mutilek aurrea hartu dute kanporaketan, baina Sportingek sakatzen jarraitu du.
Lisboako taldeak gogor sakatu du 1-0ekoaren ostean, eta Athletic defentsan asko sufritu du. Epaileak Ibaik lortutako gola baliogabetu egin du 30. minutuan, zuri-gorria jokoz kanpoko posizioan baitzegoen. Ondoren, Gorka Iraizozek gelditu erabakigarri egin du, van Wolfswinkelen errematea kornerrera bidalita. Llorentek bigarrena lortzeko aukera ederra izan du 41. minutuan, baina Rui Patricio atezainak gelditu ikusgarria egin du. Lehenengo ztaiko 43. minutuan van Wolfswinkel holandarrak 1-1ekoa jarri du markagailuan Iraizoz gaindituta. Hala ere, atsedenaldia heldu aurretik Ibai Gomezek 2-1ekoa jarri du kanporaketa berdinduta utzita.
Bielsaren mutilek erasoan gogor sakatu dute bigarren zatiko aurreneko minutuetan eta Rui Patricio atezainak gelditu ikusgarriak egin ditu. Susaetaren saiakera kornerrea bidali du Sportingeko atezainak eta ondoren, Javi Martinezen errematea zutoinera joan da (51. minutuan). Hala ere Lisboako taldeak lerroak aurreratu ditu eta Insuak zutoinera bidali du urrutiko jaurtiketa 54. minutuan.
Athleticek abagune argiak izan ditu, baina jokalariek ezin izan dute Rui Patricio gainditu. Iturrasperen urrutiko jaurtiketa Sportingeko atezainak hartu du eta Fernando Llorenteren errematea gutxigatik joan da kanpora, 69. minutuan.
Zuri-gorrien gola, 88. minutuan eskuratu du Fernando Llorentek. Aurrelari errioxarrak sare barrura bidali du baloia eta 3-1ekoa jarri du San Mameseko markagailuan. Bielsaren mutilek gogor eutsi dute azkeneko minutuetan eta finalerako sailkatzea eskuratu dute.
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.