Giro bikaina Bilboko kaleetan
Athleticek, 35 urte beranduago, Europako final batera iristeko aukera izango du. Bilboko klubak urteak daramatza honelako aukera baten zain, eta bihar hil edo biziko partida jokatuko dute Marcelo Bielsaren mutilek Sportingen aurka. Joaneko neurketan 2-1 galdu zuten zuri-gorriek Jose Alvalade estadioan, baina San Mamesen kanporaketa iraultzeko gai direla argi utzi nahi dute.
Lokomotiv, Manchester United eta Schalke 04 Europa Ligatik at utzi ditu Athleticek, baina finalera sailkatzeko Sa Pintok zuzendutako Sportingen aurka kanporaketa irauli beharko du. Oscar De Marcosek, zigorra dela eta, ezin izango du jokatu, eta bere tokia Ibai Gomezek hartuko du hasierako hamaikakoan. Gainera Iker Munian jokatzeko prest egongo da Racingen aurka deialditik at gelditu ostean.
Zale zuri-gorriek taldea etengabe animatuko dute San Mames gainezka egongo baita Europa Ligako norgehiagoketan ohikoa den bezala. Sportingek zaleen presioa gainean izango du, harmailetan ia 40.000 zuri-gorri egongo baitira.
Sa Pintoren mutilek ilusio handia dute eta Europa Ligako finalean egoteko gogor borrokatuko dutela argi utzi dute. Gainera, Lisboako taldeak Matias Fernandez berreskuratu egin du eta badirudi txiletarra hasierako hamaikakoan egongo dela.
Ustezko hamaikakoak:
Athletic Club: Iraizoz; Iraola, Javi Martinez, Amorebieta, Aurtenetxe; Iturraspe, Herrera, Muniain; Susaeta, Ibai eta Llorente.
Sporting Portugal: Rui Patricio; Joao Pereira, Polga, Xandao eta Insua; Daniel Carriço eta Schaars; Jeffrén edo Andre Martins, Matias Fernandez eta Capel; Van Wolfswinkel.
Zure interesekoa izan daiteke
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Athleticek Sestao River hartu du mendean, denboraldiaurreko hirugarren neurketan (0-2)
4.000 bat zalek harmailak bete dituzte. Edin Terzicen taldeak garaipena lortu du Gorka Guruzetaren eta Oihan Sanceten golei esker. Zuri-gorriek hurrengo partida larunbatean jokatuko dute, Zamudion, Eibarren kontra.
Athleticek gol festaz gozatu du Leioan (0-11)
Athleticek 0-11 irabazi du Leioaren aurka larunbat honetan Jose Ignazio Azkueta zelaian jokatutako lagunartekoa. Golegileak Guruzeta (3), Djalo (2), Navarro (2), Berenguer eta Hierro (2) izan dira. Gainera, etxekoen defentsak gol bat sartu du bere atean. Ikusi hemen partidako gol guztiak.
Vivian eta Maroan Athleticen denboraldiaurreko baja zerrendan sartu dira
Atzelariak “lesioa du eskuin hankako aduktore luzean", eta aurrelariak, berriz, "lesioa du ezker belauneko artikulazio tibioperoneoan", klubak jakinarazi duenez.