Espanyolek gehiago hondoratu du Alaves (0-1)
Deportivo Alavesek 0-1 galdu du Espanyolen aurka gaur arratsaldean Mendizorrotzan jokatu duen EA Sports Ligako partida, eta porrot honek gehiago hondoratu du jaitsierako postuetan. Calerok sartu du Kataluniako taldearen gola, 86. minutuan.
Eduardo Coudeten taldeak dena eman du, betiko moduan, eta, beste behin ere, ez du galtzea merezi izan, baina errealitatea gordina eta adierazgiarria da: Alavesek azaroaren 1ean lortu zuen bere azken garaipena Mendizorrotzan. Harrezkero, etxean hiru puntuak lortu ezinik dabil.
Bi taldeek asko zuten jokoan, eta hasieratik nabaritu da tentsioa. Lehendabiziko zatia oso lehiatua izan da. Babazorroena izan da baloiaren jabetza, baina ez dute arrisku gehiegirik sortu, Toni Martinezek eta Kike Garciak gola egiteko pare bat aukera garbi izan badituzte ere.
Kataluniako taldeak, berriz, bloke sendoa jarri du atzealdean, oldarraldiari eusteko, eta baloia berreskuratu ostean, kontraerasoan azkar aterata saiatu da Alavesi min egiten. Hala ere, ez dira gai izan Antonio Sivera estu hartzeko.
Bigarren zatiaren hasieran, Carles Aleña area barruan erori da, baina epaileak hurbiletik ikusi du jokaldia, eta ez du penaltirik adierazi.
Edonola ere, atsedenaldiaren ostean, gauzak ez dira askorik aldatu, eta Gasteizko taldea garaipenaren bila joan da. Horrela, Aleñak 63. minutuan gola sartzeko abagunea izan du, area ertzean aldaratze bat harrapatu eta gero, baina Joan Jordanek geldiketa bikaina egin du.
Aurrerago, Espanyoleko atezainak beste geldiketa erabakigarri bat egin du, Santi Mouriño baloia sarera bidaltzear zegoenean. Alavesen minuturik onenak izan dira.
Jose Manuel Gonzalezen taldeak, ostera, ontzat ematen zuen berdinketa, eta atzean hainbat gizon pilatu ditu, emaitzari eusteko asmoz.
Alabaina, partidaren hondarrean, neurketa husna bukatuko zela zirudienean, Fernando Calerok gola egin du, buruz, berez arriskurik gabeko jokaldi batean. Kolpe handia izan da Alavesentzat.
Azken segundora arte berdinketaren gola egiten saiatu dira gero, baina alperrik. Gaurkoan inork garaipena merezi izan badu, hori Gasteizko taldea izan da. Ez da halakorik gertatu, eta enegarren porrota jaso dute, jaitsierako postuetan gehiago hondoratuta.
FITXA TEKNIKOA
0 - Alaves: Sivera, Tenaglia (Manu Sanchez, 83. min), Abqar, Mouriño, Diarra (Guridi, 92. min); Jordan, Blanco (Guevara, 83. min), Carlos Vicente (Cabanes, 46. min), Aleña; Toni Martinez (Villalibre, 61. min) eta Kike Garcia.
1 - Espanyol: Joan Garcia; Omar, Kumbulla, Cabrera, Carlos Romero; Pol Lozano (Pere Milla, 57. min; Roca, 75. min), Urko; Jofre (Tejero, 68. min), Kral, Puado (Calero, 68. min); eta Roberto Fernandez.
Gola: 0-1, 86. min: Calero.
Epailea: Juan Luis Pulido Santana. Txartel horia atera die Alaveseko Tenagliari (7. min) eta Blancori (65. min) eta Espanyoleko Lozanori (17. min) eta Omarri (84. min).
Zure interesekoa izan daiteke
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.