Alavesek puntu bat eskuratu du erotzeko moduko partida batean, Butarquen (3-3)
Leganesek eta Alavesek 3-3 amaitu dute Butarquen larunbat arratsaldean jokatu duten partida zoroa, eta, horrenbestez, babazorroek jaitsierako postuetan jarraituko dute, beste astebetez gutxienez, EA Sports Ligako sailkapenean.
Bi taldeek asko zuten jokoan, eta erotzeko moduko partida izan da. Denetik izan du: golak, penaltiak, polemika eta txartel gorri bat. Borja Jimenezen taldea bi aldiz jarri da aurretik markagailuan, bi golak penaltiz sartuta. Hala ere, 'Chacho' Coudeten mutilak ez dira kikildu, eta bigarren zatian emaitza irauli dute, Joan Jordanek bi gol sartuta. Aurrez, Kike Garciak egin du 1-1ekoa.
Alabaina, garaipena poltsikoan zutela ematen zuenean, partidaren azken txanpan, Munirrek berdinketaren gola egin du, buruz, eta norgehiagoka 3-3 amaitu da.
Bi taldeek Lehen Mailan gelditzea dute helburu, eta tentsio handiko partida izan da hasieratik. Horren erakusgarri izan da epaileak hiru penalti adierazi izana: bi, etxeko taldearen alde, eta hirugarrena, Alavesen alde.
Lehenengoa seigarren minutuan izan da. Korner baten osteko jokaldian, bigarren zutoinean, Moussa Diarrak eskua luzatu du, eta aurpegian eman dio Matija Nastasici. Jokaldia VARean berrikusi ostean, epaileak penaltia adierazi du. Dani Rabak jaurti du, eta 1-0ekoa egin du.
Lehen zatiko 26. minutuan, Kike Garciak sartu du babazorroen lehen gola (1-1), Carles Aleñaren pasea eta Leganeseko defentsaren hutsegitea baliatuta.
Bigarren penaltia 37. minutuan iritsi da. Diego Garcia lurrera erori da area barruan, Siverak ukitu ondoren. Gonzalez Fuertes epaileak berriro jo du monitorera, eta zenbait minutu luzeren ostean, penaltia adierazi du. Rabak bota du, eta ez du hutsik egin (2-1).
Hirugarren penaltia bigarren zatian gertatu da. Hirugarrena, baina, Alavesen aldekoa izan da. Cissek eskuarekin jo du baloia, area ertzean salto egiterakoan. Joan Jordanek sarera bidali du baloia, eta 2-2koa jarri du markagailuan.
Arnasa hartzeko astirik gabe, bi taldeek lehia bizian jarraitu dute. Binakoarekin, Alavesek aurrerapausoa eman du, eta Jordanek gol ederra sartu du area kanpotik jaurtiketa bortitza eginda: baloia txokotik sartu da sarean.
Neurketaren azken txanpan, baina, Alavesek garaipena eskuan zuenean, Alaveseko jokalari ohi batek, Munirrek, buruz, gol polita egin du, eta norgehiagoka hiruna amaitu da azkenean. Partida nola joan den ikusita, zapore gazi-gozoarekin bueltatuko dira etxera babazorroak.
FITXA TEKNIKOA
3 - Leganes: Dmitrovic; Rosier, Sergio González, Nastasic, Javi Hernández (Chicco, 84. min); Cissé (Óscar Rodríguez, 71. min), Tapia (Munir, 84. min); Dani Raba, Brasanac (Duk, 71. min), Juan Cruz (Miguel de la Fuente, 71. min); eta Diego García.
3 - Alaves: Sivera; Tenaglia, Abqar, Diarra, Manu Sánchez (Mouriño, 46. min); Blanco, Guevara (Jordán, 46. min); Carlos Vicente, Guridi (Toni Martínez, 46. min), Aleñá (Pica, 87. min); eta Kike García (Protesoni, 75. min).
Golak: 1-0, 10. min: Dani Raba, penaltiz. 1-1, 26. min: Kike García. 2-1, 37. min: Dani Raba, penaltiz. 2-2, 50. min: Jordán. 2-3, 68. min: Jordán. 3-3, 88. min: Munir.
Epailea: Pablo González Fuertes. Txartel horia atera die Leganeseko Brasanaci (57. min), Dani Rabari (65. min), Juan Cruz (67. min), Duk (83. min) eta Borja Jimenez entrenatzaileari, eta Alaveseko Diarrari (9. min), Manu Sánchezi (19. min), Siverari (37. min), Mouriñori (59. min), Abqar (90+10. min) eta Eduardo Coudet (36. min), eta txartel gorria atera dio Munirri (94. min).
Zure interesekoa izan daiteke
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.