Alavesek Luka Romeroren lagapena lortu du
Luka Romero Deportivo Alaveseko jokalari berria bihurtu da, Gasteizko taldeak eta AC Milanek akordioa lortu ostean. Gainera, klub babazorroak jokalaria erosteko aukera izango du.
Argentinar eta espainiar herritartasuna duen 19 urteko jokalari mexikarra, utzita dator talde italiarretik eta Alavesekin jokatuko du 2024-25 denboraldian.
Mallorcako harrobian aritua, Espainiako Lehen Mailan debuta egin zuen jokalaririk gazteena izan zen Romero 2020an, 15 urte eta 255 egunekin. 17 urterekin Serie A ligara eman zuen jauzia Lazioren eskutik eta azkenean, 2023-24an AC Milanek fitxatu zuen.
Iaz Almerian utzita aritu zen denboraldiaren bigarren zatian. Bertan hamahiru partida ofizial jokatu eta hiru gol sartu zituen.
Zure interesekoa izan daiteke
Antonio Sivera: "Une honetan puntu bakoitzak balio du"
Antonio Sivera Alaveseko atezainaren adierazpenak, bere taldeak Elxen aurka 1-1 berdindu ostean, EA Sports Ligako 35. jardunaldiko partidan.
Alavesek puntu bat eskuratu du Elxen, tentsio handiko partidan (1-1)
Babazorroek aurrea hartu dute markagailuan Toni Martinezek penaltiz egindako golari esker, baina Alvaro Rodriguezek partida berdindu du buruz sartutako gol batekin. 98. minutuan Alavesek garaipena eskuratu ahal izan du, baina Mañasen erremateak zutoina jo du.
Sanchez Flores, Elxi bisita egin aurretik: “Larunbateko partida final bat da"
Alavesek Martinez Valero bisitatuko du larunbatean Elxen aurka jokatzeko. Babazorroen entrenatzaileak bere taldeak asteburu honetan jokatuko duen partidaren garrantzia azpimarratu nahi du, baina oraindik lehiaketa asko dagoela jokatzeko adierazi du eta lortzen duten emaitza ez dela behin betikoa izango gasteiztarren etorkizunerako. Jokalariek heldutasunez jokatzea espero du, baita baloia oinetan dutenean erabaki onak hartzen jakitea ere.
Antonio Sivera: “Porrot gogorra da"
Antonio Sivera Alaveseko jokalariaren adierazpenak, bere taldeak Athleticen aurka 2-4 galdu ostean, EA Sports Ligako 34. jardunaldiko partidan. (Adierazpenak gaztelaniaz)
Athleticek derbia irauli du, eta Alaves amildegiaren ertzean geratu da (2-4)
Alaves bi aldiz jarri da aurretik markagailuan, baina Athleticek markagailuari buelta eman dio bigarren zatian, Nico Williamsek lau minututan bi gol sartuta. Emaitza honekin, babazorroek hurbilago dituzte jaitsierako postuak; talde zuri-gorriak, berriz, arnasa hartu du 3 puntu gehiago bilduta.
Sanchez Flores, derbiari buruz: “Athletic duela bi hilabete baino talde arriskutsuagoa da”
Quique Sanchez Flores Alavesen entrenatzaileak prentsaurrekoa eman du ostegun honetan, Athleticen kontra Mendizorrotzan jokatuko duen derbiari buruz hitz egiteko.
Angel Perez: “Mentalki, hiru puntu baino gehiago ematen dituen garaipena da”
Angel Perez Alaveseko jokalariaren adierazpenak, talde gasteiztarra EA Sports Ligako 32. jardunaldiko partidan Mallorcari 2-1 gailendu ostean. Lortutako hiru puntuei esker, arabarrak jaitsiera postuetatik atera dira. (Adierazpenak gaztelaniaz)
Alavesek urrezko hiru puntu eskuratu ditu Mallorcaren aurka (2-1)
Talde babazorroak balio handiko garaipena lortu du Mallorca mendean hartuta. Sanchez Floresen taldea suspertu egin da bigarren zatian Toni Martinezi esker, markagailuari buelta eman dion binakoa egin baitu murtziarrak.
Sanchez Flores: “Jokalari bat gehiago dugu, harmaila"
Alavesek larunbat honetan Mendizorrotzan jokatuko du Mallorcaren aurka, mailari eusteko lehia zuzenean. Quique Sanchez Floresek tentsioa baretu nahi izan du, taldearen esperientzian konfiantza jarriz, eta harmaila “jokalari bat gehiago” dela azpimarratuz.
Tenaglia: “Aukera asko izan genituen, huts egin genuen eta ez ziguten barkatu”
Alavesek 2-1 galdu du Real Madrilen aurka. Nahuel Tenagliak onartu duenez, "metro bat utzi diete Viniciusi eta Mbapperi, eta haiek ez dute barkatzen", baina badaki ondo jokatu dutela, "futbol ona egin genuen".