Alavesek ligako bolada txarra atzean utzi du Burgosi irabazita (1-0)
Alavesek 1 eta 0 hartu du mendean Burgos Mendizorrotzan. Nahiz eta partidaren nagusitasuna izan, ez da erraza izan garaipena eskuratzea babazorroentzat. Abdek 74. minutuan egin du partidako gol bakarra.
Norgehiagoka intentsitate handiz hasi zen bi taldeen aldetik, baina Alaves izan zen lehen fasean nagusi presio on batekin, eta baloia azkar berreskuratuz.
Partidako lehena Miguel de la Fuenterentzat izan zen aukera bikoitz batean, eta Jose Antonio Carok parte hartu behar izan zuen lehen hamar minutuen ostean, Jon Guridiren pase on batean jaurtiketa gogor bat urruntzeko.
Aukerarik onena Xeber Alkainek izan zuen 28. minutuan, urruneko jaurtiketa batekin. Bisitarien atezainak ederki salbatu zuen zartakoa, eta horrek eragotzi zuen gaueko lehen gola.
Langak Jon Guridiren gola saihestu zuen. Gipuzkoarrak buruarekin errematatu zuen, Alavesen enegarren abagunean. Alavesek ekimena mantendu zuen lehen zatian, baina golik gabe amaitu zen.
Bigarren zatia intentsitate berdinarekin hasi zen, baina gidoia ez zen aldatu. Alavesek nagusi izaten jarraitu zuen, baina azken metroetan ez zuen zehaztasunik.
Babazorroek, ordea, ez zuten etsi eta Luis Garcia Plazaren aldaketek eragina izan zuten, Abde Rebbachek ukitu zuen lehen baloietako batean etxekoen lehen gola iritsi baitzen.
Harrobiko jokalariak Salva Sevillak area barruan jarri zuen baloi bat ukitu zuen, 75. minutuan Gaztelako atezainaren zutoin luzetik gola sartzeko.
Talde gasteiztarrak ez zuen maila jaitsi, eta Burgosen erreakzio-saiakerari eutsi zion, aurkariaren atean zuen etengabeko mehatxuarekin.
Fitxa teknikoa:
1 - Alaves: Sivera; Tenaglia, Maras, Abqar, Duarte; Sevilla (Balbo, 92. min), Benavídez (Moya, 69. min); Alkain (Abde, 69. min), Guridi (Rober, 77. min), Rioja (Javi López, 92. min); eta Miguel.
0 - Burgos: Caro; Fran García, Córdoba, Grego, Areso (Areso, 82. min); Atienza, Mumo (Elgezabal, 65. min), Navarro (Valcarce, 77. min), Matos (Hernández, 77. min); Curro eta Mourad (Borja, 65. min)
Golak: 1-0, 75. min: Abde.
Epailea: Quintero González. Txartel horia atera dio Calero entrenatzaileari (51. min). Txartel horiak: Tenaglia (3. min), Sevilla (23. min), Benavídez (31. min), Duarte (50. min) eta Balboa (94. min); Atienza (42. min), Navarro (50. min), Sierra (68. min), Curro (72. min) eta Cordoba (86. min).
Zure interesekoa izan daiteke
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.