Alavesek final-zortzirenetarako txartela lortu du, Lehen Mailako Valladolid kanporatuta
Alaves Errege Kopako final-zortzirenetara sailkatu da asteazken honetan (urtarrilak 4) Lehen Mailako Valladolid mendean hartuta (1-0), Mendizorrotzan jokatu den final-hamaseirenetako norgehiagokan. Ondorioz, Arabako taldea datorren larunbateko (urtarrilak 7) zozketan egongo da.
Bero hasi da norgehiagoka. Valladolidek penaltia eskatu du aurkariaren areara gerturatu den lehen jokaldian, eta, bosgarren minutuan, epaileak Zou Feddal egotzi du protesta egiteagatik.
Gasteizko taldeak erasora jo du jokalari bat gehiagorekin dagoela ikusita, eta gola sartu du 11. minutuan; Syllak jarri du 1-0ekoa markagailuan, jaurtiketa on batekin baloia ate barruan sartuta.
Ondoren, Anderson Arroyok izan du bigarrena sartzeko abagunea. Beranduago ere gertu izan du gola Alavesek, baina gehiegi barkatu du aurkariaren ate aurrean. Valladolid ezinean ibili da, baina 30. minutuan sustoa eman du gutxigatik kanpora joan den Gonzalo Plataren jaurtiketarekin.
Bigarren zatiaren hasieran abagune argia izan du Alavesek, baina Abde Rebbachek ez du asmatu aurkariaren ate aurrean. Nagusi izan da Arabako taldea bigarren zatian, kontrolpean izan du neurketa, baina ez ditu gola sartzeko aukerak baliatu.
Valladolidek erasora jo du azken txanpan, baina Alaves sendo ibili da defentsako lanean, eta garaipenak ez dio ihes egin Gasteizko taldeari (1-0).
Fitxa teknikoa:
1 - Alaves: Owono; Javi Lopez, Sedlar, Laguardia, Arroyo (Tenaglia, 46. min); Toni Moya, Balboa (Sevilla, 46. min), Rober (Benavidez, 84. min); Abde (Rioja, 75. min), Jason (Guridi, 65. min) eta Sylla.
0 - Valladolid: Asenjo; Luis Perez (Plano, 65. min), Javi Sanchez, Feddal, Rosa (Kenedy, 72. min); Malsa, Kike, Ivan Sanchez (Fresneda, 65. min); Plata, Narvaez (Torres, 10. min) eta Weissman (Guardiola, 65. min).
Gola: 1-0, 11. min: Sylla.
Epailea: Ortiz Arias. Txartel gorria atera dio Feddal Valladolideko jokalariari, 5. minutuan. Txartel horiak atera dizkie Balboa (28. min), Arroyo (31. min) eta Sevilla (86. min) Alaveseko futbolariei, baita ere Malsa (41. min), Perez (61. min) eta Plata (86. min) Valladolideko jokalariei.
Zure interesekoa izan daiteke
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Mariano: “Ligaren hasiera historiko honengatik oso pozik gaude"
Mariano Alaveseko aurrelariak Osasunaren aurkako garaipenaren inguruan hitz egin du eta esan du taldea oso kontentu dagoela egiten ari den denboraldi hasierarekin.
Alavesek azken minutuan galdu du Atleticoren aurkako partida (1-0)
Alavesek 1-0 galdu du Atleticoren aurka Madrilen jokatu duen F Moeve Ligako partida. Jensenek 90. minutuan sartu du etxekoen gola. Aurrez, lehen zatian, Atleticok penalti bat huts egin du eta epaileak baliorik gabe utzi du Andrea Gomezek Alavesentzat egindako gola, jokoz kanpokoa adierazita.
Mikel Rodriguezek lotailu-haustura daukala baieztatu du Alavesek
Erdilari gipuzkoarra osteguneko entrenamenduan lesionatu zen, eta datozen hilabeteetan bajan izango da.
Quique Sanchez Flores: “Igandeko partida Mikelentzat izango da"
Alavesek denboraldiko lehen derbia jokatuko du igande honetan Osasunaren aurka, Mikel Rodriguezen lesioak baldintzatuta. Quique Sanchez Floresek onartu du aurrelaria nekez egongo dela jokatzeko moduan, eta Izei izango dela lehen aukera, nahiz eta Toni Martinezi atea irekita mantentzen dion, partidaren aurreko sentsazioen bilakaeraren zain.
Sergio Fernandez, Alaveseko kirol zuzendaria: “Badakigu Antonio Blancok klub askoren arreta erakartzen duela"
Fernandez jokalariez eta fitxaketa merkatuko azken mugimundiez aritu da. Horren harian, lehentasun nagusiak Antonio Blanco eta Ander Guevararen kontratu berritzeak direla azpimarratu du.
Alaves garaipenarekin estreinatu da Lehen Mailan (2-0)
Alavesek 2-0 irabazi dio Valentziari igande honetan, Mendizorrotzan, Moeve Ligako lehen jardunaldian, Kumba Brimaren eta Ainhoa Guallarren golei esker. Gasteizko taldeak hasiera ona eman dio maila goreneko estreinaldiari.
Lucas Boye: “Oso pozik nago taldeagatik, hiru puntuengatik, eta izan dugun hasieragatik"
Quique Sanchez Floresen Alavesek azken 25 urteetako hasierarik onena egin du. Bederatzi puntutik zazpi lortu ditu Vila-real mendean hartuta (1-0), Lucas Boyeren golari esker.