Oliver Glasner, Crystal Palace taldeko entrenatzailea: “Ez dakit zer ematen dieten jaten euskal entrenatzaileei”
Austriarrak Londreseko Crystal Palace taldea zuzentzen du, eta, asteazkenean, Iñigo Perezen Rayo Vallecano izango du aurkari Konferentzia Ligako finalean; Glasnerrek Iñigo Perez bera, Unai Emery edo Mikel Arteta, besteak beste, izan ditu hizpide.
Oliver Glasnerrek Iñigo Perez izango du aurkari, Konferentzia Ligako finalean. Argazkia: Europa Press.
Oliver Glasner austriarrak, Crystal Palace taldeko entrenatzailea bera, euskal entrenatzailea batzuek 2025-2026 denboraldian izan duten arrakasta izan du hizpide, asteartean, bere taldeak eta Iñigo Perezen Rayo Vallecanok asteazkenean jokatuko duten Konferentzia Ligako finalaren aurreko eguneko prentsaurrekoan: “Ez dakit zer ematen dieten jaten euskal entrenatzaileei”, esan du Glasnerrek.
“Ez dakit zer ematen dieten jaten Euskal Herrian, baina zerbait oso ondo ari dira egiten Rayo Vallecano (Iñigo Perezek entrenatzen du hori), Arsenal (Mikel Arteta da entrenatzailea) eta Aston Villa (Unai Emeryrena), bai eta Reala ere. Ez dakigu zein den euskal entrenatzaileen sekretua”, adierazi du Glasnerrek.
Nabarmentzeko modukoa da nola Iñigo Perezek, Mikel Artetak eta Unai Emeryk lortu duten euren taldeek, hurrenez hurren, Konferentzia Ligako, Txapeldunen Ligako eta Europa Ligako finalak jokatzea. Hain zuzen, Unai Emeryk Europa Liga irabazi du, eta Iñigo Perezek eta Mikel Artetak asteazkenean eta larunbatean lor lezakete titulua. Arteta, halaber, Ingalaterrako Premier League txapelketan gailendu da, eta entrenatzaile onenarentzako saria eman diote.
Horiek ez ezik, beste euskal entrenatzaile batzuk ere ibili dira bikain 2025-2026 denboraldian: esate baterako, Andoni Iraolak, Premier Leaguen, Bornemouth Europa Ligarako sailkatzea lortu du.
Zure interesekoa izan daiteke
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.
Deschamps, Munduko Txapelketaren historian partida gehien zuzendu dituen entrenatzailea
Baionako hautatzaileak larunbatean utziko dio Frantziako hautatzaile izateari, 27. norgehiagoka zuzenduta, hirugarren posturako partidan.
Mikel Oyarzabal, Munduko Txapelketako finalaz: “Oso pozik nago; txikia zarenean, ez duzu hau bezalakorik imajinatzen”
Realaren aurrelariak, orain arte, bost gol sartu ditu 2026ko Munduko Txapelketan. Espainiak finalera sailkatzea lortu du, eta Ingalaterra edo Argentina izango du aurkari final horretan. Eibartarrak, Frantzia-Espainia finalerdian, partidako aurreneko gola egin du, penaltiz.
Espainiak bere bigarren finala jokatuko du Munduko Txapelketa batean, Frantziari irabazi baitio (0-2)
Mikel Oyarzabalek penaltiz sartutako gol batek, 20. minutuan, eta Pedro Porrok jokaldian sartutako beste batek, 58. minutuan, Luis de la Fuenteren taldea sailkatu dute.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.