Alavesek Sevilla hartuko du lehen mailako taldeen arteko lehia bakarrean, eta Osasunak Huescan lortu beharko du sailkapena
Babazorroek Sevilla hartuko dute Mendizorrotzan, Ligan Real Madril atakan jarri ostean. Bestalde, Osasuna Kopan aurrera egiteko ilusioarekin iritsiko da Huescara, nahiz eta Alavesen aurkako larunbateko derbiari begira egon.
Alavesen eta Osasunaren entrenatzaileak, Eduardo Coudet eta Alessio Lisci, hurrenez hurren. Argazkiak: Europa Press
Alavesek eta Sevillak elkarren indarrak neurtuko dituzte, Mendizorrotzan, asteazken honetan (21:00etan) jokatuko den Errege Kopako final-hamaseirenetako kanporaketako lehen mailako taldeen arteko norgehiagoka bakarrean. Bi taldeak antzeko dabiltza Ligan, sailkapeneko tarteko postuetan baitaude.
Babazorroek Sevilla hartuko dute etxean, igandean Real Madril atakan jarri eta neurketa sentsazio onez amaitu ondoren (1-2).
Eduardo Chacho Coudet argentinarraren taldea, zaleen babesarekin, etxean sendo azaldu da orain arte.
Getxoren eta Portugaleteren aurka Kopako aurreko kanporaketetan egin zuen bezala, entrenatzaile argentinarrak hamaikakoa aldatuko du, nahiz eta lehen mailako talde baten aurka jokatu. Hala ere, hasierako jokalari gehienek ligako partidetan jokatu ohi dute.
Hasierako hamaikako posibleak:
Alaves: Raul Fernandez; Egoitz, Moussa, Protesoni, Yusi; Guridi, Guevara; Aleña, Vicente; Toni eta Mariano.
Sevilla: Odysseas Vlachodimos; Carmona, Cardoso, Gudelj, Castrin, Oso; Juanlu, Peque, Agoume, Alfon; eta Isaac Romero.
Epailea: Miguel Sesma Espinosa errioxarra.
Futbol-zelaia: Mendizorrotza.
Ordua: 21:00.
Bestalde, Osasunak sailkapena bilatuko du asteazken honetan (19:00etan) El Alcorazen futbol-zelaian jokatuko duen neurketan, Huescaren aurkako partidan, txapelketako final-zortzirenetara sailkatzeko helburuarekin.
Norgehiagokak ikusmin handia piztu du Huescako hiriburuan. Etxeko zaleek itxaropenez ekingo diote hitzorduari, talde gorritxoa gainditu ahal izateko.
Era berean, Osasuna Kopan aurrera egiteko ilusioarekin iritsiko da Huescara, baina Ligari begira ere egongo da, jaitsiera postuetatik gertu baitaude, eta larunbatean Alavesen aurka jokatuko duten derbian, urtea irribarrez ixtea espero dute.
Horrela, Alessio Lisci Osasunaren entrenatzaileak adierazi duenez, "helburua sailkapena lortzen saiatzea bada ere", asteko lehentasuna Alavesen aurkako ligako norgehiagoka da, "garrantzitsuegia" dela esan du eta. Bestalde, Jon Perez Bolo SD Huescaren entrenatzaile bizkaitarrak "ilusioz beteriko partida" bezala definitu du Kopako neurketa.
Hasierako hamaikako posibleak:
Huesca: Dani Martin; Abad, Arribas, Pulido edo Carrillo, Ro; Alvarez, Rico, Kortajarena; Luna, Liberto eta Enol.
Osasuna: Aitor Fernandez; Arguibide, Osambela, Herrando, Juan Cruz; Moi Gomez, Iker Muñoz; Barja, Arroyo, Becker; eta Raul Garcia de Haro.
Epailea: Victor Garcia Verdura kataluniarra.
Futbol-zelaia: El Alcoraz.
Ordua: 19:00.
Zure interesekoa izan daiteke
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, taldea da bueltako partidan egoera irauli eta aukera aprobetxatuko dutela sinesten duten lehenak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da San Mamesen Athleticen eta Realaren artean. Gol bat besterik ez dugu ikusi partidan eta Turrientes izan da protagonista, horrela Realari garaipena emanez eta martxoaren 4an Donostian jokatuko den partidarako abantaila lortuz.
Athleticek eta Realak babes ikusgarria jaso dute zaleengandik, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realekoak hotelean agurtu dute.
Zaleek Kopako derbiko egun handia dute, finalaurrekoetako Athletic-Reala partidarekin
Bizkaiko eta Gipuzkoako taldeek Errege Kopako joaneko partida izango dute, San Mamesen; jokoan, Sevillako finalerako txartel bat.
Errege Kopa: Athletic vs Reala, zuzenean, EITBn
Athleticek eta Realak Errege Kopako finalaurrekoetako joaneko partida jokatuko dute, asteazken honetan, otsailaren 11n, San Mamesen, 21:00etatik aurrera. Partidaren atarikoa, partida bera, eta partidaren osteko nondik norakoak zuzenean ikusi ahalko dira EITBren hedabide desberdinetan: ETB1, kirolakeitb.eus eta ETB ON.
Kopako derbiaren aurreneko hitzordua San Mamesen, eta bi taldeak lehiarako prest
Lehoiek presio apur bat gutxiagorekin egingo diote aurre joaneko partidari, Ligan Levanteri irabazi eta gero. Txuri-urdinek, beren aldetik, azken hamar norgehiagoketan ez dute porrotik izan, eta bolada ezin hobean dira.
EITBk Athleticen eta Realaren arteko Errege Kopako finalerdia emango du, baita finala ere
Finalaurrekoan, joanekoa otsailaren 11n jokatuko dute, San Mamesen, eta itzuliko neurketa, ostera, martxoaren 4an izango da, Anoetan; bi norgehiagokak 21:00etan hasiko dira. Finala apirilaren 18an edo 19an jokatuko dute.
Athleticen eta Realaren arteko Kopako finalerdietako partidak otsailaren 11n eta martxoaren 4an izango dira
Bi lehiak asteazkenez jokatuko dira, 21:00etatik aurrera. Lehena San Mamesek hartuko du, eta Anoetan erabakiko da txuri-urdinen eta zuri-gorrien arteko kanporaketa.