Espainiak Suitza hartu du mendean eta Eurokopako finalerdietan sartu da (2-0)
Espainiako futbol selekzioak 2-0 irabazi dio Suitzari ostiral honetan, 2025eko Eurokopako final-laurdenetan. Nahiz eta bi penalti huts egin, Athenea del Castilloren eta Claudia Pinaren golek garaipena eman diete espainiarrei, eta finalerdietan Frantzia edo Alemania izango dute aurkari.
Espainia hasieratik hasi da agintzen, eta 7. minuturako epaileak penaltia adierazi du Espainiaren alde. Mariona Caldenteyk ez du ondo jo eta baloia kanpora joan da. Montse Tomeren taldearen nagusitasuna ez da markagailuan islatu, eta golik gabe joan dira atsedenaldira.
Bigarren zatian, Atheneak markagailua ireki du aulkitik sartu eta berehala, eta, bost minutura, Pinak 2-0ekoa sartu du. Alexia Putellasek hirugarrena lortzeko aukera izan du aldeko beste penalti batean, baina ez du aukera aprobetxatu.
Horrela, Espainia finalerdietara igaro da eta Frantzia edo Alemania izango du aurkari.
Fitxa teknikoa:
2 – Espainia: Cata Coll; Ona Batlle, Laia Aleixandri, Irene Paredes, Olga Carmona (Leila Ouhabi, 62. min); Aitana Bonmati, Patri Guijarro, Alexia Putellas (Lucia Garcia, 90. min); Mariona Caldentey (Athenea del Castillo, 62. min), Esther Gonzalez eta Claudia Pina.
0 – Suitza: Livia Peng; Iman Beney (Alisha Lehmann, 90. min), Viola Calligaris, Lia Wälti, Noelle Maritz, Nadine Riesen (Leila Wandeler, 74. min); Geraldine Reuteler, Noemi Ivelj (Alayah Pilgrim, 62. min), Smilla Vallotto (Meriame Terchoun, 90. min); Ana Maria Crnogorcevic eta Sydney Schertenleib (Riola Xhemaili, 90. min).
Golak: 1-0, 66. min: Athenea del Castillo. 2-0, 71. min: Claudia Pina.
Epailea: Maria Sole Ferrieri Caputi (ITA). Txartel horia atera die Aleixandri, Pilgrim, Abbe eta Crnogorcevic jokalariei. Txartel gorria atera dio Noelle Martiz jokalariari.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).