Xabi Alonsoren Leverkusen hirugarren tituluaren bila, Europa Ligako finalean
51 neurketa galdu gabe amaituta eta Bundesliga eskuratuta, Xabi Alonsok entrenatzen duen Bayer Leverkusen denboraldiko hirugarren tituluaren bila zelairatuko da asteazken gauean, Dublingo Aviva Stadiumen Atalantaren aurka jokatuko duen Europa Ligako finalean; Italiako taldearentzat, berriz, lehen finala izango da klubaren historian.
2022an, Europa Ligako final zortzirenetan elkarren aurkako azken bi norgehiagokak Italiako taldeak irabazi zituen arren, Bayer da faborito nagusia, eta adoretsu ekingo diote Irlandako hiriburuko hitzorduari.
Xabi Alonsok jokatzeko moduan ditu taldeko kide guztiak. Nor zelairatuko duen da orain zalantza bakarra. Aurreikuspenen arabera, ohiko ordezko atezainari, Matej Kovár txekiarrari, berriz aukera ematea espero da. Normalean, Lukas Hradecky irteten da hasierako hamaikakoan, baina entrenatzaile tolosarrak txekiarra hautatu izan du Europa Ligako partidetarako.
Gorri-beltzei dagokienez, multzoen fase bikaina eginda heldu dira finalera, jokatutako sei neurketak irabazi eta hiru kanporaketak gainditu eta gero. Horrez gain, Italiako Kopa irabazteko zorian izan dira. Horixe da, hain zuzen ere, historian lortutako titulu bakarra, 1963an. Denboraldi historikoa egin du, beraz, Atalantak: Txapeldunen Ligara itzuliko da, Italiako Koparen lehian buru belarri sartu zen, eta Europa Liga eskuratu dezake gaur. Horretarako, Marten de Roon neerlandarra izan ezik, gainerako jokalari guztiak jokatzeko prest daude.
Hamaikako posibleak:
-Atalanta: Musso, Djimsiti, Hien, Kolasinac, Zappacosta, Ederson, Pasalic, Ruggeri, Koopmeiners, De Ketelaere eta Scamacc.
-Bayer Leverkusen: Kovar, Tapsoba, Tah, Hincapie, Frimpong, Andrich, Xhaka, Grimaldo, Hofmann, Wirtz eta Schick.
Zelaia: Aviva Stadium
Epailea: István Kovács (Errumania)
Ordua: 21:00etan
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).