Chelsea, Dortmund eta Valentzia protagonista, kontrako markagailuei buelta emanda
Chelsea eta Ajax taldeek neurketa ikusgarria jokatu dute astearte honetan Stamford Bridgen, Txapeldunen Ligako multzoen faseko laugarren jardunaldiari dagokion partidan (4-4).
Ajaxek irabazita zuen partida, 55. minutuan 1-4 jarri baita aurretik. Herbeheretarrek bigarren minuturako hartu dute aurrea, Abrahamek bere atean sartutako golari esker. Etxekoek berehala orekatu dute markagailua (Jorginhok, penaltiz), baina Ajaxek beste bi gol egin ditu lehen zatia amaitu aurretik: Quincy Promesek buruz eta Ziyechek falta jaurtiketa batean. Van de Beekek markagailuko zuloa handitu du bigarren zatiko hamargarren minutuan. Ondorioz, norgehiagoka une horretan guztiz erabakita zegoela zirudien.
Alabaina, handik gutxira, etxekoen susperraldia etorri da. Lehendabizi, Azpilicuetak aldea murriztu du, eta, gerora, neurketako unerik erabakigarriena iritsi da. Hain zuzen, epaileak Ajaxeko bi jokalari (Daley Blind eta Joel Veltman) kanporatu ditu jokaldi berean, bigarren txartel horia erakutsita, eta, gainera, penaltia adierazi du etxekoen alde. Jorginhok berrio asmatu du 11 metroko puntutik (3-4).
Beraz, Chelseak bi jokalari gehiago zituen partida amaitzeko 20 minutu baino gehiago falta zirenean. Tarte horretan, laugarren gola egiteko gai izan dira, eta baita bosgarrena ere (Azpilicuetak sartu du). Dena den, azken hori baliogabetu egin du epaileak, VAR sistema erabili eta gero, Chelseako jokalari batek eskuz jo duelako baloia. Hortaz, 4-4ko emaitzarekin bukatu da partida.
Multzo berean (H multzoa), Valentziak garaipen garrantzitsua lortu du (4-1) Lilleren aurkako lehiari buelta emanda. Valentziarrak 0-1 hasi dira galtzen, eta ez dute ondo amaitu lehen zatia. Aitzitik, atsedenalditik bueltan, lau gol sartzeko gai izan dira, Mestallako zaleen zoramenerako, eta orain esku-eskura dute multzoen fasea gainditzea.
Valentziako jokalariak, pozez zoratzen. Argazkia: EFE
Bestalde, F multzoan izan da jardunaldiko beste neurketa zirraragarria. Bertan, Borussia Dortmundek, Achraf Hakimiren (2) eta Brandten golen bidez, Inter Milanen hasierako bi golak irauli ditu (3-2), eta, garaipen horri esker, multzoko bigarren postua eskuratu du, Bartzelona liderrak baino puntu bat gutxiago duela. Izan ere, katalanek hutsean berdindu besterik ezin izan dute egin etxean, Slavia Pragaren aurka.
Borussiak markagailua irauli du. Argazkia: EFE
E, F, G eta H multzoetako 4. jardunaldiko emaitzak:
E multzoa
Liverpool 2-1 Genk [Wijnaldum (14') eta Oxlade-Chamberlain (53') | Samata (41')]
Napoli 1-1 Salzburgo [Lozano (41') | Haaland (11', penaltiz)]
F multzoa
Borussia Dortmund 3-2 Inter Milan [Hakimi (51' eta 77') eta Brandt (64') | (Lautaro Martinez (5') eta Vecino (40')]
Bartzelona 0-0 Slavia Praga
G multzoa
Zenit 0-2 Leipzig [Demme (50') eta Sabitzer (63')]
Lyon 3-1 Benfica [Andersen (4'), Depay (33') eta Traoré (89') | Seferovic (78')]
H multzoa
Chelsea 4-4 Ajax [Jorginho (5' eta 71', biak penaltiz), Azpilicueta (63') eta James (74') | Abraham (2', bere atean), Promes (20'), Ziyech (35') eta Van de Beek (55')]
Valentzia 4-1 Lille [(Parejo (65', penaltiz), Soumaoro (82', bere atean), Kondogbia (83') eta Ferran (90') | Osimhen (25')]
Zure interesekoa izan daiteke
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.