Atletico Madrilek irabazi du Europa Liga Griezmannen golei esker (0-3)
Atletico Madrilek eskuratu du 2017/2018 denboraldiko Europa Liga txapelketa Olympique Marseillari 0-3 irabazi ostean, Lyongo Parc Olympique Lyonnais futbol-zelaian jokatutako finalean. Antoine Griezmann izan da norgehiagokako jokalari nabarmenena, aurrelari frantziarrak lortu baititu bere taldeak sartutako hiru goletako bi. Hirugarrena, eta azkena izan dena, Gabi Fernandez erdilariak sartu du lehia amaitzear zegoela.
Realeko jokalari ohiak lehen zatian (21. minutuan) sartu du bere lehen gola, talde Frantziarreko Andre-Frank Anguissa erdilariak baloi bat kontrolatzean egindako huts baten ostean. Gabik baloia berreskuratu du eta pasea eman dio Griezmanni, eta frantziarrak ez du barkatu Steve Mandanda Marseillako atezainaren irteeraren aurrean.
Antoine Griezmann, partidako protagonista nagusia. Argazkia: EFE
Ondoren, bigarren zatia hasi eta ia berehala (49. minutuan), Griezmannek berriro zulatu du Mandandaren atea, Koke Resurreccionen pasea ondo baino hobeto baliatuta. Neurketa amaitzeko bi minutu besterik geratzen ez zirenean, Gabik hirugarrena erdietsi eta final behin betirako utzi du erabakita.
Horrenbestez, Simeonek entrenatzen duen taldeak Europa Ligako hirugarren garaikurra eskuratu du.
Fitxa teknikoa:
Olympique Marseilla 0: Mandanda; Sarr, Rami, Luiz Gustavo, Amavi; Anguissa, Sanson; Thauvin, Payet (Maxime Lopez, 30. min), Ocampos (Njie, 55. min); eta Germain (Mitroglou, 74. min).
Atletico Madril 3: Oblak; Vrsaljko (Juanfran, 46. min), Giménez, Godín, Lucas; Correa (Thomas, 86. min), Gabi, Saúl, Koke; Griezmann (Fernando Torres, 90. min) eta Diego Costa.
Golak: 0-1, 22. min: Griezmann. 0-2, 49. min: Griezmann. 0-3, 89. min: Gabi.
Epailea: Bjorn Kuipers (Holanda). Txartel horiak: Sime Vrsaljko eta Lucas (Atletico Madril); Amavi eta Njie (Olympique Marseilla).
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.
Lionel Scaloni, finalaren ostean: “Min ematen du gaur lehiatu ezin izanak”
Lionel Scaloni Argentinako hautatzaileak Munduko Kopako finalean Espainiaren aurka jasotako porrota aztertu du, eta bere etorkizunaz ere mintzatu da.
Unai Simon, 2026ko Munduko Txapelketako atezainik onena
Athletic Clubeko jokalariak Urrezko Eskularruaren saria jaso du, txapelketa osoan zehar gol bakarra jaso du eta.
Unai Simon: “Munduko Txapelketa irabazteak ez du parekorik”
Unai Simon Athleticen atezainak nola sentitzen den adierazi du hedabideen aurrean, Munduko Txapelketa eta atezain onenaren Urrezko Eskularrua irabazi ondoren.
Espainia, munduko txapeldun luzapenean Argentina garaituta (1-0)
Luzapenera arte joan den partidan, Ferranek sartu du norgehiagokako gol bakarra, Nico Williamsen asistentzia bikaina baliatuta.
Ingalaterrak hirugarren postua lortu du Frantziaren aurka (4-6), eta Mbappek historia egin du Munduko Txapelketetan
Ingalaterrako selekzioak 6-4 menderatu du Frantzia 2026ko Munduko Txapelketako hirugarren postua erabakitzeko partidan. Kylian Mbappek bi gol sartu ditu, eta, horri esker, Munduko Txapelketen historiako goleatzailerik onena bihurtu da, guztira 22 golekin. Bestalde, Bukayo Sakak, hat-trick bat eginda, Thomas Tuchelen taldearen garaipena gidatu du.
Espainia eta Argentinaren arteko 2026ko Munduko Txapelketako finalari buruz jakin behar duzun guztia
Espainiak eta Argentinak elkarren aurka jokatuko dute igande honetan New Yorken, Munduko Kopa altxatzeko asmoarekin. Final batean elkar ikusiko duten lehen aldia izango da. Baina, ezagutzen al dituzu partidaren inguruko bitxikeria eta datu guztiak?
Messik hirugarren aldiz joka lezake Munduko Txapelketako finala, eta Cafurekin berdinduko luke
Leo Messik, Argentinako selekzioarekin, 2014koa eta 2022koa jokatu zituen, Brasilen eta Qatarren, hurrenez hurren; Cafuk, Brasilekin, 1994koan (Estatu Batuetan), 1998koan (Frantzian) eta 2002koan (Japonian) parte hartu zuen. Oraingoz, Messik behin irabazi du Munduko Txapelketa, 2022an, eta Cafuk, bi aldiz.
Txapeldunak Ingalaterraren kontrako finalerdia irauli du azken 7 minutuetan, eta Espainiaren aurka neurtuko ditu indarrak finalean (1-2)
Anthony Gordonek aurretik jarri ditu ingelesak 55. minutuan, baina Enzo Fernandezek 85.ean eta Lautaro Martinezek 92.ean sartutako golek markagailua irauli dute. Messik argentinarren bi goletako asistentziak eman ditu.