Getafeko zelaiak "Coliseum Alfonso Perez" izena izateari utziko dio jokalari ohiaren adierazpen batzuengatik
Madrilgo Getafe hiriko Udalak eta Getafe taldeak adostu dute asteazkenean udalerriko futbol zelaiari beste izen bat jartzea; izan ere, "Coliseum Alfonso Perez" izena izateari utzi, eta "Coliseum" izena izango du aurrerantzean. Alfonso Perez futbolari ohiak egindako adierazpen batzuek ekarri dute zelaiari izena aldatzeko erabakia: "Getafe hiriko udal futbol zelaiak, Getafe taldeari 40 urtez utzitakoak, 'Coliseum' izena izango du aurrerantzean, Alfonso Perezek egindako adierazpenengatik. Alfonso Perez jokalari ohia Getafen sortua da, eta Espainiako selekzioarekin Olinpiar Jokoak irabazi zituen", zabaldu du Getafeko Udalak.
Alfonso Perez, besteak beste, Real Madrilen, Betisen, Bartzelonan, eta Olympique Marseillan aritu zen, eta futbolari internazionala izan zen Espainiako selekzioarekin; duela egun batzuk El Mundo egunkariak egindako elkarrizketa batean adierazi du "ezinezkoa" dela "emakumezko jokalari batek gizonezko futbolariek beste kobratzea". Adierazpen horiek, Udalaren iritziz, iradokitzen dute "futbola negozio ekonomiko hutsa" dela, eta alde batera uzten ditu "kirolean garrantzitsuak diren hainbat balio: hobetzea, ahalegina eta berdintasuna, kasu". Horrez gain, "gutxietsi egiten dituzte egungo munduko txapeldunek berdegunean eta berdegunetik kanpo erdietsi dituzten lorpen sozialak".
Udalaren eta klubaren ustez, "kirolak bultzatzen dituen balio onak babestu behar dira, hirian kirol eskolen bidez sustatzen direnak".
Udalaren esanetan, "Getafe taldearen zale gehienak iritzi berekoak dira" eta, gogoratu duenez, "garrantzitsua da gogora ekartzea Getafek, lagapenean jasotako baldintzen arabera, publizitate babesle bat ere gehitu ahal duela Coliseum izenaren ondoan, munduko gainerako klubek egiten duten moduan".
Zure interesekoa izan daiteke
EA Sports Ligako 4. jardunaldiko Alaves-Osasuna derbia irailaren 6an jokatuko dute, igandez, 18:30ean
Denboraldiko aurreneko derbia izango da. Jardunaldi horretan bertan, Athletic Atletico Madrilen aurka arituko da, hilaren 5ean, larunbatez, 16:15etik aurrera, eta astelehenean, hilaren 7an, Elx-Reala partida izango da, 21:30ean hasita.
Rayok ezin izango du Vallecasen jokatu, Madrilgo Gobernuak kontzesioa bertan behera utzi baitu
"Segurtasun gabezia larriak" daudela argudiatu du Madrilgo Gobernuak. Rayo Vallecano "harrituta" azaldu da Kultura, Turismo eta Kirol sailaren erabakiarekin. Javier Tebas Ligaren presidenteak adierazi duenez, Rayok beste futbol-zelai bat du erabilgarri, baina ez du zehaztu zein. Bestalde, Tebasek ez du zalantzan jarri Madrilgo Gobernuaren erabakia.
Alaves-Getafe partida, abuztuaren 15ean, 19:30ean, 2026-2027ko EA Sports Ligako lehenengoa
Ligak txapelketako aurreneko hiru jardunaldietako ordutegien berri eman du; abuztuko bigarren hamabostaldian jokatuko dituzte hiru jardunaldi horiek. Osasuna Celtaren zelaian hasiko da, abuztuaren 16an, igandez, 21:30ean; Realak bigarren jardunaldian jokatuko du aurreneko partida, Betisen zelaian, abuztuaren 21ean, ostiralez, 21:00etan; eta Athleticek ere bigarren jardunaldian izango du lehen norgehiagoka, San Mamesen, Sevilla aurkari, abuztuaren 22an, larunbatez, 17:00etan.
Munduko Txapelketak Athleticen, Realaren eta Osasunaren Liga hasiera atzeratuko du
EA Sports Ligako lehen jardunaldiko partiden erdiak dataz aldatu beharko dira nazioarteko jokalarien atsedena errespetatzeko.
Villalibrek 2029ra arte sinatu du Racingekin
Gernikako aurrelaria Kantabriako taldeko jokalaria da orain, klubak bere lagapenean jasotako erosketa aukera gauzatu ondoren.
2026-2027 denboraldiko EA Sports Ligako eta Hypermotion Ligako derbien egutegia
Honako hauek dira bi txapelketetako 14 derbien datak; lehena, 4. jardunaldian jokatuko dute Alavesek eta Osasunak, Mendizorrotzan, irailaren 6an.
Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.
Jon Ander Gonzalez epailea Lehen Mailara igo da, eta Olatz Rivera, Bigarren Mailara
Jon Ander Gonzalezek zazpi denboraldi eman ditu Bigarren Mailan, eta Olatz Rivera, ordea, 1. RFEFetik iritsi da Bigarren Mailara; 2017an, emakumezkoen Lehen Mailan egin zuen debuta, eta futbol profesionalean igo den bigarren emakumea da. Iosu Galech Bigarren Mailara pasa da, Lehen Mailatik.
Epaileek arrazoi eman diote Ligari, eta txapelketa abuztuaren 15-16ko asteburuan hasiko da
Ligak eta Espainiako Futbolarien Elkarteak ez dute datorren kanpainako egutegiaren inguruan akordiorik itxi, eta, beraz, hitzarmen kolektiboak dioen bezala, epaileen organora jo zuten. Javier Tebas buru duen erakundeari eman dio arrazoi.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.