Real Madrilek garaipena eskuratu du Bartzelonaren aurka (3-1)
Real Madrilek garaipena eskuratu du Bartzelonaren aurka 3 eta 1 igande honetan (urriak 16) Santiago Bernabeun jokatu den Santander Ligako 9. jardunaldiko partidan.
Partidaren hasieran Real Madril izan da baloiaren jabe eta Viniciusek hurbil izan du zazpigarren minutuan, baina brasildarraren errematea kanpora joan da aurkari bat jo ostean. Bost minutu beranduago, aldiz, Real Madrilek ez du barkatu; Ter Stegenek baloia desbideratu du Viniciusekin izan duen buruz burukoan, baina, aldaratzea jasota, Benzemak 1-0ekoa jarri du markagailuan.
Barçaren erantzuna 25. minutuan iritsi da Lewandowskik atepean gora bota duen errematea. Momentu onak izan ditu Bartzelonak hurrengo minutuetan, baina Madrilgo taldeak ondo eutsi dio, eta jokaldi on baten ostean, Valverdek gola sartu du (2-0) 35. minutuan area kanpotik egin duen jaurtiketa on baten bidez.
Atsedenaldira heldu aurretik, Barçak pare bat abagune izan ditu: De Jong eta Lewandowski, ordea, ez dira fin ibili aurkariaren ate aurrean.
Bigarren zatiko bosgarren minutuan, Benzemak gola sartu duen arren, epaileak baliogabetu egin du frantziarra jokoz kanpo egon delako baloia jaso duenean. Ondoren, kontrolpean izan du neurketa Real Madrilek.
Azken txanpan, Bartzelonak jokoa hobetu, eta erasora jo du. Xavi Barçako entrenatzaileak Gavi, Ansu Fati eta Ferran Torres zelairatu dituenean iritsi da Kataluniako taldearen hobekuntza. Gainera, Ferran Torresek desabantaila murriztu du (2-1) 83. minutuan Ansu Fatiren pasea jaso, eta Lunin atezaina gaindituta.
Gola sartu ostean, Bartzelonak berdinketaren bila jo du, baina Real Madril ondo ibili da defentsako lanean. Luzapenean, Valverdek kontraerasoa gidatu, Rodrygori pasea eman, eta Eric Garciak penaltia egin dio brasildarrari. Rodrygok partida erabakita utzi du, penaltiz 3-1ekoa sartuta.
Fitxa teknikoa:
3 - Real Madril: Lunin; Carvajal (Carvajal, 88. min), Militao, Alaba, Mendy; Tchouameni, Kroos, Modric (Camavinga, 78. min); Fede Valverde, Vinicius (Rodrygo, 85. min) eta Benzema (Marco Asensio, 88. min).
1 - Bartzelona: Ter Stegen; Sergi Roberto, Kounde, Eric Garcia, Balde (Jordi Alba, 60. min); Pedri (Kessie, 83. min), Busquets (Gavi, 60. min), De Jong; Raphinha (Ferran Torres, 60. min), Dembele (Ansu Fati, 73. min) eta Lewandowski.
Golak: 1-0, 12. min: Benzema. 2-0, 35. min: Fede Valverde. 2-1, 83. min: Ferran Torres. 3-1, 91. min: Rodrygo, penaltiz.
Epailea: Jose Maria Sanchez Martinez. Txartel horiak atera dizkie Vinicius (30. min) eta Modric (75. min) Real Madrileko jokalariei, baita Gavi (81. min) eta Kessie (92. min) Bartzelonako futbolariei.
Zure interesekoa izan daiteke
EA Sports Ligako 4. jardunaldiko Alaves-Osasuna derbia irailaren 6an jokatuko dute, igandez, 18:30ean
Denboraldiko aurreneko derbia izango da. Jardunaldi horretan bertan, Athletic Atletico Madrilen aurka arituko da, hilaren 5ean, larunbatez, 16:15etik aurrera, eta astelehenean, hilaren 7an, Elx-Reala partida izango da, 21:30ean hasita.
Rayok ezin izango du Vallecasen jokatu, Madrilgo Gobernuak kontzesioa bertan behera utzi baitu
"Segurtasun gabezia larriak" daudela argudiatu du Madrilgo Gobernuak. Rayo Vallecano "harrituta" azaldu da Kultura, Turismo eta Kirol sailaren erabakiarekin. Javier Tebas Ligaren presidenteak adierazi duenez, Rayok beste futbol-zelai bat du erabilgarri, baina ez du zehaztu zein. Bestalde, Tebasek ez du zalantzan jarri Madrilgo Gobernuaren erabakia.
Alaves-Getafe partida, abuztuaren 15ean, 19:30ean, 2026-2027ko EA Sports Ligako lehenengoa
Ligak txapelketako aurreneko hiru jardunaldietako ordutegien berri eman du; abuztuko bigarren hamabostaldian jokatuko dituzte hiru jardunaldi horiek. Osasuna Celtaren zelaian hasiko da, abuztuaren 16an, igandez, 21:30ean; Realak bigarren jardunaldian jokatuko du aurreneko partida, Betisen zelaian, abuztuaren 21ean, ostiralez, 21:00etan; eta Athleticek ere bigarren jardunaldian izango du lehen norgehiagoka, San Mamesen, Sevilla aurkari, abuztuaren 22an, larunbatez, 17:00etan.
Munduko Txapelketak Athleticen, Realaren eta Osasunaren Liga hasiera atzeratuko du
EA Sports Ligako lehen jardunaldiko partiden erdiak dataz aldatu beharko dira nazioarteko jokalarien atsedena errespetatzeko.
Villalibrek 2029ra arte sinatu du Racingekin
Gernikako aurrelaria Kantabriako taldeko jokalaria da orain, klubak bere lagapenean jasotako erosketa aukera gauzatu ondoren.
2026-2027 denboraldiko EA Sports Ligako eta Hypermotion Ligako derbien egutegia
Honako hauek dira bi txapelketetako 14 derbien datak; lehena, 4. jardunaldian jokatuko dute Alavesek eta Osasunak, Mendizorrotzan, irailaren 6an.
Bartzelona-Athletic, Real Madril-Reala, Alaves-Getafe eta Celta-Osasuna, lehen jardunaldian
Liga hasiera abuztuaren 15-16ko asteburuan jokatuko da, eta txapelketa maiatzaren 30ean amaituko da.
Jon Ander Gonzalez epailea Lehen Mailara igo da, eta Olatz Rivera, Bigarren Mailara
Jon Ander Gonzalezek zazpi denboraldi eman ditu Bigarren Mailan, eta Olatz Rivera, ordea, 1. RFEFetik iritsi da Bigarren Mailara; 2017an, emakumezkoen Lehen Mailan egin zuen debuta, eta futbol profesionalean igo den bigarren emakumea da. Iosu Galech Bigarren Mailara pasa da, Lehen Mailatik.
Epaileek arrazoi eman diote Ligari, eta txapelketa abuztuaren 15-16ko asteburuan hasiko da
Ligak eta Espainiako Futbolarien Elkarteak ez dute datorren kanpainako egutegiaren inguruan akordiorik itxi, eta, beraz, hitzarmen kolektiboak dioen bezala, epaileen organora jo zuten. Javier Tebas buru duen erakundeari eman dio arrazoi.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.