Athleticek azken momentuan berdindu du Osasunaren aurkako derbia (2-2)
Athleticek eta Osasunak bina egin dute EA Sports Ligako 35. jardunaldian San Mamesen jokatutako euskal derbian. Raul Garcia de Haro, Ruben Garcia, Iñaki Williams eta Asier Villalibre izan dira neurketako golegileak.
Iker Muniain hasierako hamaikakoan izan da, zortzi hilabeteren ostean. Ernesto Valverde eta Jagoba Arrasate, berriz, ez dira zelaian egon, zigortuta baitaude aurreko jardunaldian txartel gorria ikusi zutelako. Jon Aspiazuk hartu du Valverderen lekua zuri-gorrien aulkian, eta Bittor Alkizak Arrasaterena, gorritxoenean.
Partidaren atarian, Raul Garcia izan da protagonista nagusia, nafarrak zaleen eta jokalarien omenaldia jaso baitu bere agurraren denboraldian.
Lehen minutuetan, erasoak bi ateetan izan dira, baina aukera oso argirik gabe. Athleticek Osasuna estutu du, Nico Williamsen abileziari esker.
Gorritxoek 33. minutuan eman dute lehen abisua. Pablo Ibañezek buruarekin errematatutako baloia Simonen atetik gora joan da, gutxigatik.
38.ean, Iker Muniainek gola egin du, baina epaileak baliorik gabe utzi du, pasea eman dion Berenguer jokoz kanpo zegoelako Nico Williamsek baloia eman dionean.
41.ean, nafarrek aurrea hartu dute markagailuan: Mojicak baloia jaurti du, eta Raul Garcia de Harok ukitu egin du baloia Simonen atean sartzeko.
Gorritxoen bigarrena bigarren zatia hasi eta berehala iritsi da. Etxekoen defentsak lo hartu du eta Ruben Garciak bikain aprobetxatu du 0 eta 2koa egiteko.
Lehoiek aldea murriztu dute 58.ean. Mojicak pasean egindako hutsa Iñaki Williamsek aprobetxatu du 1 eta 2koa egiteko.
Berdinketa, luzapenean
Valverderen taldeak erasora jo du, baina ideiak oso argi izan gabe. Vivian eta Villalibre saiatu dira, buruz egindako erremateen bidez, baina ez dute asmatu. Villalibrek, baina, ez du hutsik egin jarraian izandako aukeran, eta, Sergio Herreraren hutsa baliatuta, baloia bisitarien atean sartu du neurketa berdintzeko.
Azkenean, puntu bana zuri-gorrientzat eta gorritxoentzat San Mamesen. Athleticek ia ezinezkoa du orain Txapeldunen Ligan sartzea; Osasunak, berriz, hiru puntuak eskura izan ditu 0 eta 2 aurretik joan baita, baina bakarrarekin konformatu behar izan du azkenean.
Fitxa teknikoa
2 - Athletic: Unai Simon; De Marcos, Vivian, Lekue, Yuri; Herrera (Unai Gomez, 63. min), Vesga (Prados, 63. min); Berenguer (Villalibre, 46. min), Muniain (Raul Garcia, 63. min), Nico Williams (Adu Ares, 76. min); eta Iñaki Williams.
2 - Osasuna: Sergio Herrera; Areso (Jorge, m.76), Catena, Herrando, Mojica; Lucas Torro, Pablo Ibañez (Juan Cruz, 76. min), Iker Muñoz; Ruben Garcia, Ruben Peña (Aimar Oroz, 63. min) eta Raul (Arnaiz, 76. min).
Golak: 0-1, 40. min: Raul. 0-2, 47. min: Ruben Garcia. 1-2, 58. min: Iñaki Williams. 2-2, 96. min: Villalibre.
Epailea: Jose Maria Sanchez Martinez (Murtziako Batzordekoa). Txartel horia atera dio Athleticeko Yuri (22. min) eta Herrera (46. min) jokalariei, eta Osasunako Herrando (34. min), Ibañez (55. min), Catena (73. min) eta Ruben Garcia (92. min) jokalariei.
Zure interesekoa izan daiteke
Galarreta: “Galtzen hasi ondoren, puntu bat ondo dago"
Athleticeko jokalariak larunbat honetan Elxen aurka lortutako berdinketaz (1-1) hitz egin du, San Mamesen jokatu den EA Sports Ligako bosgarren jardunaldiko partidan.
Athleticek puntu bat berreskuratu du Elxen aurka (1-1)
Buonanottek penaltiz aurreratu du talde andaluziarra, baina Chustek bere atean sartutako gol batek markagailua berdindu du euskal taldeari puntu bat emateko.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.