Jagoba Arrasatek hamahiru debutari dituen zerrenda bat iragarri du Euskal Selekzioa-Uruguai partidarako
Jagoba Arrasate Euskal Selekzioaren hautatzaile berriak hamahiru debutari dituen zerrenda bat iragarri du, asteartean, larunbateko Euskal Selekzioa-Uruguai partidarako; neurketa 20:00etan hasiko da, San Mamesen. Hain zuzen ere, Arrasaten emandako zerrendan, Athleticeko sei jokalari daude, eta Realeko hiru, Osasunako hiru eta Alaveseko hiru, bai eta EA Sports Ligan ez dabiltzan bost gizon ere.
Testuinguru horretan, hona hemen zein jokalarik egingo duten debuta larunbatean, Uruguai aurkari, Euskal Selekzioan: Athleticeko Agirrezabalak, Imanolek eta Adu Aresek; Realeko Jon Pachecok eta Jon Ander Olasagastik; Osasunako Aitor Fernandezek, Unai Garciak eta Jon Moncayolak; Alaveseko Andoni Gorosabelek eta Alex Solak; Udineseko Oier Zarragak; Gironako Ivan Martinek; eta Sporting Bragako Alvaro Djalok.
Beste zazpi gizonek, aldiz, esperientzia dute Euskal Selekzioaren jokalari bezala, eta, beraz, berriro ere deitu dituzte; hauek dira: Dani García, Mikel Vesga eta Asier Villalibre (Athletic), Aritz Elustondo (Reala), Ander Guevara (Alaves), Martin Aguirregabiria (Famalicao) eta Roberto Torres (Gol Gohar Sirjan). Dani Garcia eta Roberto Torres hiru aldiz zelairatu dira elastiko berdeaz jantzita, eta, ondorioz, beraiek jokatu dituzte neurketarik gehien, deitutako futbolariei erreparatuta.
Euskal Selekzioak Costa Rica izan zuen aurka orain arte jokatu duen azken norgehiagokan, 2020ko azaroan; partida horretan aritu ziren jokalariak kontuan izanik, errepikatuko dute orain esandako Dani Garciak eta Torresek, eta, halaber, Guevarak eta Villalibrek.
Hau da, osorik, Euskal Selekzioaren deialdia, Jagoba Arrasate hautatzaileak zehaztutako postuak kontuan izanik:
Atezainak: Aitor Fernandez eta Julen Agirrezabala.
Atzelariak: Andoni Gorosabel, Martin Aguirregabiria, Aritz Elustondo, Unai Garcia, Jon Pacheco eta Imanol Garcia de Albeniz.
Erdilariak: Dani Garcia, Jon Moncayola, Ander Guevara, Mikel Vesga, Jon Ander Olasagasti eta Oier Zarraga.
Aurrelariak: Alex Sola, Roberto Torres, Ivan Martin, Alvaro Djalo, Adu Ares eta Asier Villalibre.
Zure interesekoa izan daiteke
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Realak OL Lyonnesen aurka jokatuko du lagunartekoa
Abuztuaren 8an, 11:00etan, Groupama OL Training Center kirol instalakuntzetan jokatuko dute Txapeldunen Liga zortzi aldiz irabazi duen taldearen aurka.
Eibarrek denboraldiaurrea hasi du Areition
Eibarrek gaur ekin dio denboraldiaurreari Areition, Jokin Aranbarri entrenatzaile berriaren eskutik. Gaur estreinatu dituzte lehen taldearen instalazio berriak. Guztira, lehen taldeko 22 jokalarik lan egin dute, eta bigarren taldeko 6 jokalari batu zaizkie. Ivan Gil bakarrik falta izan da.