Athletic-Reala derbia, igandean, eitb.eus-en eta ETB1en zuzenean
Athleticek eta Realak F Ligako denboraldiko bigarren euskal derbia jokatuko dute igande honetan, Lezaman. Neurketa 12:00etan hasiko da, eta zuzenean izango da ikusgai ETB1en eta eitb.eus-en.
Realak sendotzen jarraitzeko eta sailkapenean gora egiten jarraitzeko asmoz bisitatuko du Lezama. Gaur egun, Natalia Arroyok zuzentzen duen taldea 8. postuan dago F Ligan, 7 punturekin, Zubietan joan den asteburuan Eibarren aurkako derbia irabazi ostean. Entrenatzaileak derbi lehiatua espero du, eta Lezaman irabaztea "erronka" bezala ikusten du.
Amaiur Sarriegi eta Nahia Aparicio jokalari txuri-urdinek derbiari buruz hitz egin dute EITB Mediarekin, eta Athletic denboraldi honetan nola ikusten duten azaldu dute.
Athletic sasoi hasiera gorabeheratsua izaten ari da, jokatutako 5 partidetatik 3 galduta, eta 10. dago, 6 punturekin. 3 puntu horiek etxean uzteko helburua buruan dutela zelairatuko dira lehoiak asteburuan. David Aznar entrenatzaileak ezingo du Marta Sanadri aurrelaria zelairatu, Vila-realen aurkako partidan giharretako lesioa egin zuelako.
Derbi berezia Nahikari Garciarentzat
Nahikari Garciarentzat berezia izango da igandeko hitzordua, lehen aldiz arituk baita zuri-gorriz jantzita Realaren kontra. Jokalari gipuzkoarra Realean gol gehien sartu dituen emakumea da. Talde txuri-urdinean hezi eta hazi zen futbolari gisa. Bi urtez Real Madrilen jokatu eta gero, 2023ko udan Athleticek fitxatu zuen. Astearte honetan, honakoa esan zuen prentsaurrekoan: "Oso egun berezia izango da, eta ahalik eta gehien gozatzea espero dut".
Eibarrek Vila-realen jokatuko du
Armaginek Vila-realera egingo dute bidaia jardunaldi honetan, sailkapeneko beheko postuetatik irteten lagunduko dieten 3 punturen bila, hain zuzen. Yerai Martinen taldeak 4 porrot jaso ditu 5 partidatan, eta horrek 14. lekura eraman ditu Eibarko neskak, 3 puntu soilik batu baitituzte. Norgehiagoka larunbatean izango da, 12:00etan.
Zure interesekoa izan daiteke
Galarreta: “Galtzen hasi ondoren, puntu bat ondo dago"
Athleticeko jokalariak larunbat honetan Elxen aurka lortutako berdinketaz (1-1) hitz egin du, San Mamesen jokatu den EA Sports Ligako bosgarren jardunaldiko partidan.
Athleticek puntu bat berreskuratu du Elxen aurka (1-1)
Buonanottek penaltiz aurreratu du talde andaluziarra, baina Chustek bere atean sartutako gol batek markagailua berdindu du euskal taldeari puntu bat emateko.
Ruben Garcia: “Lehen minutuak kaotikoak izan dira"
Osasunako jokalariak Espanyolen aurka jasotako porrotari buruz hitz egin du (0-2) Sadarren, EA Sports Ligako bosgarren jardunaldian. Autokritika egin du izan duten partida hasiera kaskarraz.
Sanchez Flores: “Ondo lehiatu gara, baina ez du eman"
Alaveseko entrenatzaileak Racingen aurka jasotako porrotari buruz hitz egin du (2-1) larunbat honetan, EA Sports Ligako 5. jardunaldiko partidan. Oso partida parekatua izan dela nabarmendu du, eta xehetasun txikiengatik erabaki dela.
Sanseren joak Andorra menderatu du (1-3)
Donostiako filiala zehaztasunez, potentziaz eta erasoetan zuzen aritu da lehen zatian, eta azkar ziurtatu du garaipena.
Alavesek estropezu egin du Racingen aurka (2-1)
Alavesek 2-1 galdu du Racingen aurka Sardineron, Koskiren golari esker markagailuan aurrea hartu duen arren. Zabirik buelta eman dio markagailuari, 2 gol eginda. Aitor Mañasek kolpe gogorra hartu du buruan, eta esku-ohean atera dute zelaitik.
Athleticek sufritu egin du Espanyolen aurka puntu bat lortzeko (2-2)
Athleticek eta Espanyolek 2-2 egin dute Lezaman F Moeve Ligako 3. jardunaldiko partidan. Azkonaren eta Torreren golek bi aldiz berdindu dute markagailua, zuri-gorriek penalti bat huts egin dute eta bisitariek 10 jokalarirekin amaitu dute norgehiagoka.
Ramis: “Osasuna Espanyolen aurka ausart ikustea espero dut"
Larunbatean, EA Sports Ligako 5. jardunaldian, Osasunak Espanyolen aurka jokatuko duen partidari begira, Luis Miguel Ramis gorritxoen entrenatzaileak esan du bere taldea ausarta izatea espero duela, eta Alavesen aurkakoan taldeari "oreka" falta izan zitzaiola onartu du.
Quique Sanchez Flores: “Gure aurkarien estadioetan jokatzeko ahalmena badugula erakutsi behar dugu”
Alavesek Racingen aurka jokatuko du larunbat honetan El Sardineron. Talde babazorroak bolada onari eutsi nahi dio, eta horretarako etxetik kanpo lehiatzeko ahalmena erakustea ezinbestekoa dela adierazi du Quique Sanchez Flores entrenatzaileak.
Matarazzo: “Kopan izandako lehiakortasuna gogoratu nahi dut"
Realeko entrenatzaileak igandean Atletico Madrilen aurka jokatuko duten partidaz hitz egin du, EA Sports Ligako bosgarren jardunaldian. Talde madrildarraren aurka Errege Kopa irabazi zutenean erakutsitako lehiakortasuna ikusi nahi duela nabarmendu du.