Osasuna garaile, Mendizorrotzan Alavesen aurka jokatutako derbian (0-2)
Osasunak hiru puntuak eraman ditu Mendizorrotzan Alavesen aurka jokatutako derbian, LaLiga EA Sporteko 8. jardunaldiko partidan. Nafarrak 2-0 gailendu dira Arnaizek 36. minutuan eta Budimirrek 90.ean egindako golei esker. Luis Garcia Plazaren taldeak 10 jokalarirekin jokatu du ia bigarren zati osoan, epaileak Antonio Blancori txartel gorria atera ostean.
Bosgarren minutuan, Alavesek gola egiteko aukera argia izan du, Ianis Hagik hegaletik ateratako falta batean. Arabarra Sergio Herrera atezaina ezustean harrapatzen saiatu da, baina ez du lortu.
Iruindarrak erraz iritsi dira Alavesen area ingurura. Iker Muñozek aukera izan du lehen ordu erdia betetzean egindako jaurtiketarekin, baina baloia Antonio Sivera atezainaren eskumako aldetik atera da.
Alaves kontraerasoan saiatu da, baina Osasuna izan da baloia atean sartzea lortu duena. Jose Arnaizek urrutitik jaurti eta gol ederra sartu du 36. minutuan. 0 eta 1, Osasunaren alde.
Jarraian, eta atsedenaldiaren atarian, Sergio Herrerak erantzun bikaina eman die Alavesek izandako bi aukera argiei. Arabarrek golen bat merezi izan dute lehenengo zatian.
Bigarren zatian, Sergio Herrerak berdinketa ekidin du berriro Ianis Hagik hurbiletik egindako jaurtiketan. Ondorengo jokaldian, Antonio Blancori txartel gorria atera dio epaileak Jose Arnaizi falta egiteagatik jokalari gorritxoa Siveraren aurrean bakar-bakarrik geratu denean.
Ondoren, jokoak behera egin du nabarmen, entrenatzaileek egindako hainbat aldaketen eta zelaian izandako falta ugarien ondorioz.
Alaves Osasuna baino hobeto aritu da, jokalari bat gutxiagorekin jokatu arren. Ruben Duartek aukera izan du eta nafarren artean Mojicak bost minutu bakarrik egin ditu zelaian, min hartuta aldageletako bide hartu aurretik. Ondoren, Sergio Herrera atezainak ere aldaketa eskatu du arazo fisikoengatik eta Garcia Plazak Aitor Fernandez atera du bere ordez.
Alaves erasora joan da berdinketaren bila eta Osasunak atzean itxaron du arabarrek utzitako zuloak kontraerasoan aprobetxatzeko. 80. minutuan, Budimirrek baloi bikaina utzi dio Ruben Garciari baina errematea langara joan zaio.
Azken minutuetan, Alavesi nekea nabaritu zaio eta nafarrek ondo aprobetxatu dute egoera. Horrela, Budimirrek partidako bigarren gola egin du 90. minutuan.
Ondoren, eta luzapeneko denboran, VARetik atzera bota dute epaileak Osasunaren alde adierazitako penaltia, Alavesen area barruan baloiak ez duela etxeko jokalari baten besoan eman konprobatu ostean.
Fitxa teknikoa
0 - Alaves: Sivera; Tenaglia (Gorosabel, min.55), Sedlar, Rafa Marín, Duarte; Guevara (Karrikaburu, 83. min), Blanco, Sola, Hagi (Benavídez, 55. min), Rioja (Alkain, 83. min); eta Kike Garcia (Samu, 55. min).
2 - Osasuna: Herrera (Aitor Fernandez, 79. min), Peña, David Garcia, Catena, Juan Cruz; Moncayola, Iker Muñoz (Torro, 63. min), Aimar, Arnaiz (Mojica, 63. min; Areso, 68. min), Ruben Garcia; eta Raul (Budimir, 72. min).
Golak: 0-1, 36. min: Arnáiz. 0-2, 90. min: Budimir.
Epailea: Figueroa Vazquez (Andaluziako batzordekoa). Txartel gorri zuzena atera dio Alaveseko Blancori (49. min). Txartel horia atera die Alaveseko Guevara (46. min) eta Samu (63. min) jokalariei eta Luis García Plaza (85. min) entrenatzaileari; eta Osasunako Peña (43. min), Juan Cruz (55. min) eta Herrera (71. min) jkalariei.
Zure interesekoa izan daiteke
AEBk betoa jarritako epaile somaliarrak zuzenduko du Europako Superkopa
Omar Abdulkadir Artanek zuzenduko du PSG eta Aston Villaren arteko lehia, Munduko Futbol Txapelketan parte hartzea ukatua izan osetan
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Ander Herrera bilbotarrak ez du Boca Juniorsen jarraituko
36 urteko erdilaria 2025eko urtarrilean iritsi zen Argentinako klubera, eta merkatu hartan oihartzun handieneko fitxaketetako bat izan zen, baina lesioen eta Buenos Airesko taldearen errendimendu txarraren ondorioz —azken txapelketa 2023an irabazi zuen— Herrerak ez du arrakastarik izan.
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.
Raul Fernandez atezainak Alaves utziko du
Bilbotarra, 38 urtekoa bera, 2025-2026 denboraldian aritu da Gasteizko klubean; bertan, Antonio Siveraren ordezkoa izan da.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.