Filipinek ezustean harrapatu dute Zeelanda Berria (0-1) eta Suitzak Norvegiari eutsi dio (0-0)
Australia eta Zeelanda Berriko Munduko Txapelketrako A Multzoan oso estua da final-zortzirenetarako sailkatzeko lehia, astearte honetan Filipinek Zeelanda Berriari 0-1 irabazi ostean eta Suitzaren eta Norvegiaren arteko neurketa hutsean bukatu ostean.
Iragan ostegunean Norvegiari irabazita historia egin ostean, Zeelanda Berriko taldeak eta haren zaleek zaplaztekoa hartu dute Filipinak debutariaren aurka galduta. Filipinarrek Suitzaren aurka galtzetik zetozen.
Hala ere, asiarrek ondo kudeatu dute presioa eta Munduko Kopan oreka nagusi dela berretsi duten. 24. minutuan, Sarina Bolden bere herriko futbolaren historia sartu da final-zortzirenekin amets egiteko urrezko hiru puntu balio dituen gola eginez. Txapelketan debuta egin duten zortzi selekzioen artean lehen garaipena lortu dute Filipenetako jokalariek.
A Multzoko beste partidan, Suitzak puntu garrantzitsua lortu du Norvegiaren aurka eta norvegiarrak egoera zailean utzi dituzte. Puntu bakarra dute eta Filipinen aurka garaipena behar dute, derrigorrez.
Norvegiarrak hasieratik saiatu dira, Caroline Graham Hansen eserlekuan geratu da eta Ada Hegerbergek, min hartuta, ezin izan du jokatu. Gola egiteko aukera onenak eurenak izan dira, baina Gaelle Thalmann Betiseko atezain ohiak neurketa bikaina egin du, norvegiarren aukerei maisuki erantzunda. Suitzarrek nahikoa dute azken jardunaldian Zeelanda Berriaren aurka puntu bat lortzearekin final-zortzirenetan sartzeko.
Zure interesekoa izan daiteke
Braulio Vazquez, Osasunako kirol zuzendaria: "Plantilla berriztatu beharko genuke; printzipioz ez dago irteerarik"
Braulio Vazquezek agerraldia egin du prentsaurrekoan, eta talde gorritxoak etorkizunerako dituen asmoen berri eman du. Izenik eman ez duen arren, argi utzi du asmoa egungo plantilla hobetzea dela.
Coudet "pozik" azaldu da, eta "sentsazio oso onekin" geratu direla erantsi du
Alavesen entrenatzaileak Kopako final-laurdenetarako txartela lortu izana ospatu du, eta Rayo Vallecanoren aurka "partida oso ona" egin dutela uste du, "aurkari oso zaila baitzen".
Toni Martinezen eta Carlos Vicenteren golek final-laurdenetan sartu dute Alaves, Rayoren aurkako partida itxi batean (2-0)
Lehen zati orekatua hutsean berdinduta amaitu dute bi taldeek, baina atsedenaldiaren ostean Alavesek saria eskuratu du lehen minutuetan, eta jarraian aldapa gehiago leundu zaio Gasteizko taldeari, epaileak Isi Palazon egotzi baitu.
Maria Molina Realeko atzelariari ebakuntza egingo diote belaunean datozen egunetan
25 urteko jokalari kataluniarrak belaunean min hartu zuen entrenamendu batean. Javier Albillos doktoreak ebakuntza egingo dio Gipuzkoa Poliklinikan.
Herrandok 2030era arte berritu du kontratua Osasunarekin, 20 milioiko etete-klausularekin
24 urterekin, nafarrak 65 partida ofizial jokatu ditu lehen talde gorritxoarekin. Kontratua 2027an amaitzen zitzaion.
Honela jaurti zituzten penaltiak Reala-Osasuna Errege Kopako kanporaketan
Realak lortu zuen final-laurdenetara aurrera egitea. Oyarzabalek, Guedesek, Solerrek eta Sergio Gomezek sareetara bidali zuten baloia, eta Unai Marrerok Moncayolaren eta Catenaren jaurtiketak gelditu zituen.
Luis Sabalza eta Jokin Aperribay itxaropentsu Kopako aukera aprobetxatzeko
Luis Sabalza Osasunako presidenteak eta Jokin Aperribay Realeko presidenteak Getarian bazkaldu dute Anoetan jokatuko den Errege Kopako derbiaren aurretik. Espero bezala, bakoitzak bere taldea animatu du, Ligari begira motibatuko dituen garaipena lortzeko itxaropenarekin.
Realak markagailua irauli du Osasunaren aurka, derbian, eta penaltietan sailkatu da Kopako final-laurdenetarako
Nafarroako taldea 0-2 aurreratu da, Moncayolak eta Oyarzabalek bere atean sartutako golen bidez, baina Turrientesek eta Zubeldiak berdindu egin dute, azken minutuetan; luzapenean, Aitor Fernandezek penalti bat gelditu du, eta penalti jaurtiketetan Unai Marrerok bi gelditu ditu.
Athletic partida zoro batetik bizirik atera da Leonen, eta aurrera egin du Kopan (3-4)
Lehen zatian sei gol izan dira, eta partida hirutan berdintzeko gai izan da Valverderen taldea. Atsedenaldiaren ostean, Paredesi txartel gorria atera diote eta talde zuri-gorria jokalari bat gutxiago zuela geratu da. Unai Gomezek luzapenean penaltiz sartutako golak erabaki du neurketa.
Athleticek lehen garaipena lortu du Di Stefanon (0-1)
Athleticek 2025-2026 Moeve F Ligako titulua lortzeko lehian jarraitzen du, Real Madrili irabazita (0-1), 17. jardunaldiko partida aurreratuan. Adriana Nanclares atezainak buruan kolpea jaso ondoren, Sara Ortegaren gol bikainak hiru puntuak erabaki ditu talde bilbotarrarentzat.