Atleticok eta Madrilek Osasuna eta Athletic garaitu eta Ligaren lehian segitzen dute
Atletico Madrilek 2-1 irabazi dio Osasunari Wanda Metropolitanon markagailua irauli eta gero. Izan ere, gorritxoak irabazten jarri dira Ante Budimir kroaziarraren golarekin, baina etxekoek buelta eman diote Renan Lodi brasildarrari eta Luis Suarez uruguaitarrari esker. Hala, koltxoneroek euren esku dute Liga irabaztea, nahiz eta Real Madrilek garaipena lortu duen Bilbon (0-1).
Simeoneren mutilak erabat nagusi izan dira lehen zatian, eta bi baloi jaurti dituzte zutoinen aurka. Bigarrenean ere bultzaka jarraitu dute baita bi gol sartu ere, baina balio gabe geratu dira jokoz kanpokoengatik.
Ezustekoa 75. minutuan iritsi da, Budimirren burukada batek Jagoba Arrasateren taldea aurreratu baitu. Haatik, Lodik oreka ezarri du zazpi minutu geroago, eta Suarezek, 88.ean, etxekoei garaipena ekarri dien gola erdietsi du.
Fitxa teknikoa:
2 - Atletico Madril: Oblak; Trippier, Savic, Felipe, Hermoso (Lodi, 65. min); Llorente, Koke, Saúl (Joao Féliz, 65. min), Carrasco; Correa (Dembélé, 81. min), Luis Suárez (Kondogbia, 90. min).
1 - Osasuna: Sergio Herrera; Ramalho, Unai García, David García, Juan Cruz, Rubén García; Kike Barja (Torró, 77. min), Darko, Moncayola, Jony (Roberto Torres, 65. min); Budimir (Enric Gallego, 77. min).
Golak: 0-1, 76. min: Budimir. 1-1, 81. min: Lodi. 2-1, 87. min. Luis Suárez.
Epailea: Martínez Munuera. Txartel horiak: Luis Suárez (Atletico); Budimir eta Darko (Osasuna).
Real Madril bizirik dirau Ligan San Mamesen irabazita (0-1)
Nacho Fernandez erdiko atzelariak Athleticen aurka ia nahi gabe sartutako golak bizirik mantendu Liga irabazteko Real Madrilen ametsa, bere taldeari garaipena eman diona izan baita (0-1).
Norgehiagokak polemikarako zenbait jokaldi izan ditu: lehenengoa, Jon Morcilloren esku bat zuri-gorrien arean; bigarrena, berriz, golaren jokaldian Karim Benzema aurrelariak zeukan posizioa. Frantziarra jokoz kanpo zegoen garbi, eta baloia jokatzen saiatu da, baina Mateu Lahoz epaileak ez du zigortu ez lehendabiziko jokaldiz, ez bigarrena.
Aldiz, 88. minutuan, txartel gorria atera dio Raul Garcia Athleticeko aurrelariari, hark esan duen zerbaitegatik.
Horrenbestez, San Mameseko eta Wandako emaitzekin, Atleticok bi puntuko aldea ateratzen dio Real Madrili, eta bere alde dauka bien arteko averagea. Horrela, azken jardunaldian erabakiko da txapelketa: Zinedine Zidaneren taldeak Vila-real hartuko du eta Simeonerenak Valladoliden aurka jokatuko du.
Vencedor eta Benzema neurketako unea baten. Argazkia: EFE
Fitxa teknikoa:
0 - Athletic: Unai Simón; De Marcos, Yeray, Íñigo Martínez, Balenziaga; Berenguer, Vencedor (Unai López, 72. min), Dani García (Vesga, 64. min), Morcillo (Raúl García, 64. min); Sancet (Ibai, 72. min) eta Williams (Villalibre, 64. min).
1 - Real Madril: Courtois; Odriozola, Militao, Nacho, Miguel; Casemiro, Fede Valverde, Modric; Vinicius (Asensio, 59. min), Rodrygo (Hazard, 77. min) eta Benzema.
Gola: 0-1, 68. min: Nacho.
Epailea: Antonio Mateu Lahoz. Txartel gorri zuzena atera dio Raul Garciari erdilari nafarrak esan duen zerbaitegatik. Txartel horiak: Berenguer, Raúl García, Íñigo Martínez, Marcelino García Toral (Athletic); Nacho eta Zinedine Zidane (Real Madril).
Zure interesekoa izan daiteke
Alavesek garaipena lortu du Castelloren aurka udako hirugarren lagunartekoan (3-0)
Alaves bolada onean dabil. Gasteizko taldeak udako hirugarren lagunartekoa jokatu du Castelloren aurka, eta 3-0eko emaitzarekin nagusitu da. Lucas Boyek egin ditu lehen bi golak, lehena penaltiz, eta Mariano Diazek sartu du hirugarrena.
Franco Baresi 80ko eta 90eko hamarkadetako Italiako futbolaren mitoa hil da
Erdiko atzelariak Europako 3 Kopa eta Italiako 6 Liga irabazi zituen AC Milanekin, eta 1982an munduko txapeldun izan zen, Espainian jokatutako Munduko Txapelketan.
UEFA, Infantinok Munduko Txapelketa pribatizatzeko dituen asmoei aurka egiteko prest
Europako futbol erakunde nagusiak eta bere 55 federazioek iragarri dute ez dutela FIFAren lehiaketetan parte hartuko. "Munduko Kopa ez dago salgai, ezin da inbertsio produktutzat hartu", adierazi du UEFAk FIFAren asmoei buruz.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Eibarrek iragarri du Javi Martinezek ez duela klubean jarraituko
Soriako jokalaria 2025eko neguko merkatuan iritsi zen Ipuruara, Osasunatik, eta Eibarren ibili den urte eta erdian 14 partida jokatu ditu, eta gol bat sartu. Eldensen ariko da aurrerantzean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Raul Morok udako bigarren garaipena eman dio Osasunari (1-2)
Taldea sasoi ederrean dabil Liga hasierari begira, Ispwichen aurkako Ingalaterrako birako lehen lagunartekoan.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Sarah Brasero ingelesak Alavesen erasoa sendotuko du
23 urtez azpiko Ingalaterrako selekzioarekin jokatutakoa, West Ham taldetik iritsi da Gasteizera. Ipswich Town taldean hezia, Braserok Espainiako eta Portugaleko nazionalitatea ere badu.