Irudek Bidasoa-Irunek 'Lurraldea Gara' aurkeztu du, Euskal Herri osorako erakarpen eta harrobi proiektua
Irudek Bidasoa-Irunek 'Lurraldea Gara' proiektua aurkeztu du gaur, klubak Euskal Herriarekin duen "konpromisoa indartzeko" eta eskubaloia belaunaldi berriei hurbiltzeko.
Proiektu estrategiko hau azaroaren 26an Bilbon hasiko den teknifikazio programa batekin hasiko da, eta "ez dira entrenamendu soilak izango". "Gure errendimendu handiko baliabide guztiak eramango ditugu eta profesionalekin elkarlanean arituko gara gazteei prestakuntza esperientzia osoa eskaintzeko", nabarmendu du klubak ohar batean.
"Zuzendaritzara iritsi ginenetik, tokiko talentuaren aldeko apustua izan da zuzendaritza honen konpromisoetako bat. Lankidetza estua izan dugu lurraldeko klubekin, haien lana errespetatuz eta baloratuz, eta orain beste urrats bat eman nahi dugu: Bidasoaren eragina Euskal Herri osora zabaltzea", azpimarratu du Gurutz Aginagalde klubeko presidenteak.
Aginagaldek adierazi duenez, 'Lurraldea Gara' "duela urte batzuk hasitako lanaren bilakaera naturala da", eta klubak Euskal Federazioaren "eskutik" lan egingo duela iragarri du, "16 urtetik beherakoekin egiten duen lanaren osagarri".
"Bizkaia, Araba, Gipuzkoa, Nafarroa iparraldea eta Akitania hegoaldera iritsi nahi dugu. Gaitasuna duen edozein neska-mutilek aurrerapausoak emateko aukera izatea nahi dugu", esan du Bidasoa-Irun taldeko ordezkariak Artaleku kiroldegian egindako aurkezpenean.
Gainera, proiektuaren izena daraman eta ikurrinaren koloreetan oinarritutako elastiko berri bat diseinatu dute. Lehen taldeak Atletico Valladoliden kontra azaroaren 29an eta abenduaren 2an, Europako Ligako multzoen faseko azken partidan, Alemanian, Flensburgen aurka jokatuko dituen norgehiagoka ofizialetan estreinatuko du.
Zure interesekoa izan daiteke
Bidasoa-Irunek baditu jada EHF Europako Ligako multzoen faseko aurkariak
Talde irundarra B multzoan arituko da Limoges Handball, FH Hafnarfjordur eta Maríiimo de Madeira Andebol taldeekin batera. Txapelketa irailaren 29an hasiko da.
Pol Quirogak utzita jokatuko du Agustinos Alacanten
Gironako atezainak bigarren denboraldia jokatuko du utzita, 2025-2026an Sinfinen aritu zen.
Bidasoa-Irun taldeburu izango da Europako Ligako multzoen fasean
Hala baieztatu du federazioak astearte honetan, talde gipuzkoarrak Errege Kopako finalera iritsita Europako txartela lortu ostean.
Asier Iribarrek utzita jokatuko du Atletico Valladoliden
Irudek Bidasoako hegalekoa hirugarren aldiz ariko da utzita, pasa den denboraldian Villa de Arandan 27 partidatan 88 sartu ostean.
Gurutz Aginagalde: “Orokorrean, prespektibarekin, denboraldiko balantzea positiboa izan da”
Irudek Bidasoaren denboraldiko balantzea egin du Gurutz Aginagaldek, klubeko presidenteak, ASOBAL liga eta kopa, Europako txapelketa eta Errege Kopa kontuan hartuta. Gainera, esku artean dauzkaten proiektuen berri ere eman digu, horien artean, ‘Lurraldea Gara’.
Julen Mujika: “Ez gara lehiatu, eta zeharo gailendu zaizkigu”
Irudek Bidasoa Irunek porrot gogorra jaso du Bartzelonaren aurka jokatu duen Errege Kopako finalean (17-37), eta Julen Mujika minduta eta etsita agertu da norgehiagoka amaitutakoan.
Barçak zeruetatik jaitsi du Bidasoa Irun Errege Kopako finalean (17-37)
Alex Mozasek zuzentzen duen taldeak Europan jokatzeko txartela lortu zuen atzo finalerako sailkapena lortuta, baina gaur ezin izan dio aurre egin Bartzelona ahalguztidunari.
Eneko Furundarena: “Helburua Kopa sentsazio onekin amaitzea zen, eta lortu dugu"
Irudek Bidasoa Irun taldeko jokalariak Errege Kopako finalera sailkatu izanaz hitz egin du, finalerdietan Huesca garaitu ondoren (30-37). Finalean, azken urteetako Bartzelona txapelduna izango dute aurrean.
Sari bikoitza Irudek Bidasoa Irunentzat Alacanten
Irungo taldea Errege Kopako finalerako sailkatu da Bada Huesca 30-37 garaituta, eta hurrengo denboraldian Europan jokatzeko txartela ziurtatu du gainera. Finala, igande honetan, 17:00etan, FC Bartzelonaren aurka.
Gorka Nieto: “Defentsan izugarria izan da partida, egon diren defentsa guztiek oso lan ona egin dute, eta batez ere Leo izugarria izan da"
Irudek Bidasoa Irunek Bathco Torrelavegaren aurka Errege Kopako final laurdenetan lortutako garaipenaren ostean, jokalari bizkaitarrak prentsaren galderei erantzun die. Bertan bere taldea goraipatu du, bereziki Leo Maciel atezaina.