Bidasoa Irun, Errege Kopatik at; Anaitasunak aurrera egin du
Bidasoa Irunek agur esan dio Errege Kopari asteazken honetan (azaroak 9) Malagaren aurka porrota jasota 25-22ko emaitzarekin bigarren kanporaketan, eta txapelketatik at geratu da. Bestalde, Helvetia Anaitasunak aurrera egin du BM Puerto Sagunto mendean hartuta (28-36).
Ezustekoa izan da Bidasoaren kanporatzea. Gipuzkoako taldea Lehen Mailakoa (Asobal Liga) da, eta Malaga, Bigarren Mailakoa. Hala ere, Andaluziako taldearen kantxan ez da igarri bi taldeak maila ezberdinetakoak direnik. Lehen zatia oso parekatua izan da, baina Malaga bi puntuko abantailarekin joan da atsedenaldira (11-9). Bigarren zatiaren erdialdean lehia berdintzea lortu du Bidasoa Irunek (18-18). Azken minutuetan, ordea, etxeko taldea nagusi izan da, eta garaipena Malagak bereganatu du (25-22).
Helvetia Anaitasunak irabazi egin dio BM Puerto Saguntori 28-36ko emaitzarekin. Lehen Mailakoa den Nafarroako taldeak Bigarren Mailako aurkariari egin dio bisita. Anaitasunak garaipena bideratuta utzi du atsedenaldira iritsi aurretik (13-19). Bigarren zatian, kontrolpean izan du neurketa Helvetia Anaitasunak, aurkaria baino gehiago izan da, eta partida irabazita (28-36) hurrengo kanporaketarako txartela lortu du.
Zure interesekoa izan daiteke
Imanol Alvarez: “Taldea finala jokatzeko prest dago; ondo gaude eta dena emango dugu”
Imanol Alavarezen, Bera Berako entrenatzaileak, prentsaurrekoa eman du Ligako Finalaren harira. Talde donostiarrak Rocasaren aurka jokatuko du bi edo hiru partidetan banatuko den finala.
Super Amara Bera Berak ligako finala jokatuko du, Porriño kanporatuta
Gascan, berdinketarekin bukatu da itzuliko norgehiagoka (33-33), baina joanekoan, Galizian, 28-32 gailendu zenez, Imanol Alvarezen taldeak eskuratu du ligako finala jokatzeko txartela. Finalean Kanaria Handietako Rocasa taldea izango du aurkari Bera Berak.
Imanol Alvarez: “Oso hunkigarria eta polita izan da jaso dudan omenaldia"
Imanol Alvarezek Super Amara Bera Beraren entrenatzaile izateari utziko dio denboraldi honen amaieran. Hori dela eta, larunbat honetan klubaren eta zaleen omenaldia jaso du Gascan. Hunkituta agertu da, baina pozik ere bai, agur esan aurretik ligako finala jokatuko baitute.
Micaela Rodriguesek ez du Bera Beran jarraituko datorren denboraldian
Micaela Rodriguesek 66 partida eta 102 gol pilatu ditu Bera Beraren elastikoa defendatzen.
Piotr Mielczarskik ez du Bidasoan jarraituko
Jokalariak uztailaren 1era arte jarraituko du taldearen dinamikaren parte izaten.
Elba Alvarezek Bera Berarekin berritu du 2026-2027 denboraldirako
Gipuzkoako taldeak irabazi berri duen Erregina Kopako azken fasean, jokalari onenarentzako saria eman diote, eta, gainera, txapelketako golegile nagusia izan da.
Bidasoa Irunek Miguel Angel Martin fitxatu du
Kanaria Uharteetako jokalari gaztea Bartzelonatik dator, eta ibilbide nabarmena egin du orain arte beheko mailetan.
Laura Hernandez: “Hunkituta eta oso harro gaude”
Laura Hernandez oso pozik agertu da Super Amara Bera Berak Erregina Kopa bere zaleen aurrean eskuratu eta gero.
Imanol Alvarez: “Ametsa da horrela bukatzea”
Imanol Alvarez hunkituta agertu da Super Amara Bera Berarekin bere seigarren eta azken Erregina Kopa irabazi eta gero; izan ere, denboraldi amaieran utzi egingo du Donostiako kluba.
Bera Berako jokalariek eta zaleek gogotik ospatu dute Kopako garaipena
Super Amara Bera Berak laugarrenez jarraian irabazi du Erregina Kopa, bere palmaresean hamargarrena. Donostiako taldeko kideek eta zaleek gogotik ospatu dute lorpena.