Arraun Lagunakek eta Oriok irabazi dute 2025eko Kontxako Bandera
Arraun Lagunakek eta Oriok irabazi dute 2025eko Kontxako Bandera, igandean, Donostian. Bigarren jardunaldian, gizonezkoen estropadan, Orio lehen jardunaldian 10 ehuneneko abantaila lortu zuen Zierbenari gailendu zaio, eta garaipena eskuratu du; emakumezkoen estropadan, Arraun Lagunakek lehen jardunaldian erakutsitako nagusitasuna berretsi du.
Orio bizi-bizi atera da hasieratik
Gizonezkoen estropadan, egoera ez zegoen batere argi, Orioren eta Zierbenaren artean oso alde txikia zegoelako eta Urdaibai ere lehiatzeko moduan zelako. Aurten Eusko Label Liga irabazteaz gain, Iker Zabalaren gizonek 33. aldiz irabazi dute Kontxako Bandera. Orio bizi-bizi irten da ohorezko txandan, kanpoalderako bidean dena erabakita uzteko asmoz; ziabogaren ostean 8 segundora zuen Zierbena, Urdaibai eta Donostiarra atzerago zebiltzala. Txandako bigarren zatian, Oriok aldea handitu du, eta, hala, 2017tik aurrenekoz irabazi du Kontxako Bandera. Zierbenak Oriok baino 12 segundo gehiago behar izan ditu estropada amaitzeko, Urdaibaik 25 gehiago, eta Donostiarrak 33 gehiago. Ohorezko txandako lau ontziak izan dira azken sailkapeneko lehenengo lau postuetan.
Kontsolazio txandari dagokionez, Getariako Esperantza nagusitu da, eta Lekittarra hamabi segundora helmugaratu da. Jon Larrañagaren taldeak 20:11.85eko denbora egin du, eta lehenengo postua poltsikoratu du; txandako onenak izan dira, hiru aurkariak atzean utzita. San Juan izan da hirugarren, eta Hondarribiko Ama Guadalupekoa, aurreneko jardunaldian seigarren tokia lortu ostean, laugarren sailkatu da lehenengo txandan. Getariak bosgarren postua eskuratu du Kontxako Banderan, eta Hondarribia seigarren sailkatu da; San Juan izan da zazpigarren, eta Lekittarra, berriz, zortzigarren.
Arraun Lagunakek ez du aukerarik eman
Aurretik, emakumezkoetan, Arraun Lagunak laugarrenez gailendu da Kontxako Banderan, hirugarrenez jarraian, eta bikain egin du gainera; izan ere, hasieratik izan du kontrolpean ohorezko txanda. Juan Mari Etxaberen neskek ez diete aurkariei inolako aukerarik eman. Lehen jardunaldian, 10 segundoko aldea atera zioten bigarren postuan helmugaratu zen Tolosaldeari, eta bigarren jardunaldian nagusitasun hori beste behin erakutsi du Lugañenek. 11:01.83ko denbora eginda, 7 segundo gehiago sartu dizkiote Tolosaldeari; Orio 14 segundora helmugaratu da, eta Zumaia 31ra. Azken sailkapenean, zumaiarrak bosgarren sailkatu dira.
Kontsolazio txandan, Donostiarrak eskuratu du garaipena, estropada ederra eginda, eta laugarren sailkatu da Kontxako Banderan. 11:19.35eko denbora eginda, Ibon Urbietaren taldeak 9 segundo atera dizkio Astillerori, eta 12 ia-ia parean helmugaratu diren Hibaikari eta Hondarribiari. Kantabriako ontziari, baina, 3 segundoko zigorra ezarri diote, eta, ondorioz, txandako azken postuan sailkatu da. Azken sailkapenean, Astillero seigarren izan da, Hibaika zazpigarren eta Hondarribia zortzigarren.
Zure interesekoa izan daiteke
Kontxa Hondotik: iraganera bidaia. Nola hasi zen Kontxako Banderaren historia, 1879an?
Ibon Gaztañazpi EITBko kazetariaren eskutik, ikusi nolakoa zen Donostiako portua duela 147 urte, alegia, Kontxako Bandera aurreneko aldiz jokatu zutenean. Ondorengo egunetan, EITBk erreportaje berezi sorta emango du; hain zuzen ere, Kontxako Banderaren 2026ko ekitaldia igandean guztiz erabakita gelditu aurretik.
Arraunlariak leher eginda Kontxako Banderaren lehen jardunaldiaren amaieran
Kontxako Banderaren moduko estropadetan, arraunlariek ahalegin oso handia egin behar izaten dute, traineruak helmugaratu eta berehala ikusten denez. Horren erakusgarri dira Hibaika, Donostiarra (gizonezkoen proban), Arraun Lagunak eta Orio (gizonezkoen proban) traineruen irudiak estropada amaitu ostean.
Ioseba Amunarriz: “Poza ematen du Kontxako ohorezko txandan egoteak”
Hondarribiko patroia oso kontentu agertu da bere taldeak egin duen lanarekin. Bigarren jardunaldian, Ama Guadalupekoa ohorezko txandan izango da, eta Amunarrizek uste du emaitza ona lortu dezakeela maila ona ematen badu.
Donostiarraren azken luzea, Kontxako Banderaren lehen jardunaldian, traineruaren barrutik ikusita
Donostiarra bigarren postuan sailkatu da 2026ko Kontxako Banderaren lehen jardunaldian. Oriok egin du denborarik onena lehen jardunaldian, baina Donostiarrak 3 segundo besterik ez du galdu. Hortaz, Donostiarra eta Orio nor baino nor gehiago arituko dira datorren igandean garaipenaren bila.
Orioren azken luzea, Kontxako Banderaren lehen jardunaldian, traineruaren barrutik ikusita
Orio izan da azkarrena 2026ko Kontxako Banderaren lehen jardunaldian, eta 3 segundoko aldea atera dio bigarren sailkatuari, Donostiarrari. Zierbena eta Hondarribia aurreko biekin batera arituko dira ohorezko txandan, eta Bermeo, Lekittarra, Getaria eta Ondarroa arituko dira lehen txandan.
Arraun Lagunaken azken luzea, Kontxako Banderaren lehen jardunaldian, traineruaren barrutik ikusita
Arraun Lagunak nagusitu da 2026ko Kontxako Banderaren lehenengo jardunaldian, eta 9 segundora sailkatu da bigarrena, Tolosaldea. San Juan eta Astillero arituko dira horiekin batera ohorezko txandan. Hibaika, Donostiarra, Zarautz eta Orio arituko dira datorren igandean aurreneko txandan.
Epaileak Oriori emandako abisuak, Donostiarrarekin azken metroetan izandako lehian
Polemika izan da lehen txandaren amaieran, Oriok eta Donostiarrak izan duten lehia estuan. Gorka Aranberriren ontzia donostiarren kalean sartu da eta Arkaitz Diazen arraunlarien bidea oztopatu du; ondorioz, epaileak bandera zuria atera die oriotarrei hasieran, eta ondoren, urdina.
Bermeo zigortu dute, helmugaratzean Hondarribiaren ontziarekin talka egitegatik
Kontxako Banderako lehen jardunaldiko bigarren txandan, Bermeo Hondarribiaren aurretik helmugaratu da, oso gutxiagatik izan bada ere, baina Bou Bizkaiak maniobra arraroa egin du azken txanpan, eta Ama Guadalupekoarekin talka egin du helmuga zeharkatu ostean. Hori dela eta, epaileek 3 segundoko zigorra jarri diote Bizkaiko taldeari, estropada amaitu ostean.
Gorka Aranberri: “Donostiarra akuilu ona izan da guretzako”
Oriok beste urrats bat eman du 131. Kontxako Bandera eskuratzeko, lehen jardunaldia irabazita. Hala ere, ez dago ezer erabakita, Donostiarrak estu hartu eta 3 segundora geratu baita. Zierbena, berriz, 11 segundora sailkatu da, eta oraindik ere lehian dago. Datorren igandean erabakiko da dena.
Oriok abantaila hartu du, baina datorren igandean erabakiko da bandera
San Nikolas ontziak, lehen txanda irabazita, 3 segundoko aldea atera dio Donostiarrari. Torrekua II.a ontziak ez dizkie gauzak batere erraz jarri estropadan mirotzei. Zierbenak irabazi du bigarren txanda, eta ohorezko txanda osatuko du, Hondarribiarekin batera, Kontxako Banderaren bigarren jardunaldian. Bermeok 3 segundoko zigorra jaso du, eta 5. postuan amaitu du.