Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Tadej Pogacar (UAE) esloveniarrak irabazi du ostegun honetan Romandiako Tourreko bigarren etapa, 173,1 kilometrokoa. Rue eta Vucherens herrien artean (Suitza) jokatu da. Vuillens (3,1 kilometro % 5,4ra) hirugarren mailako mendatea hiru aldiz igo dute txirrindulariek. Munduko txapeldunak eta lasterketako liderrak bere bigarren garaipena lortu du, esprintean. Pogacarrek Dorian Godon (INEOS Grenadiers) gainditu du helmugan.
Jakob Soderqvist suediarra (Lidl-Trek), Filippo Conca italiarra (Jayco), Roland Thalmann suitzarra (Tudor) eta Henri-François Renard-Haquin frantziarra (Picnic) izan dira eguneko ihesaldiaren protagonistak. Soderqvist, ihes eginda zegoen azken txrrindularia, lau kilometroren faltan harrapatu du tropelak.
Azken hiru kilometroetan, Jefferson Cepeda (Movistar) ekuadortarra eta Florian Lipowitz (Red Bull-BORA) alemaniarra erasoa jotzen saiatu dira, baina Pogacar bi txirrindularien bila atera da, eta azken metroetara tropeltxo txiki bat iritsi da. Txapeldun esloveniarrak bere garaipen gose aseezina erakutsi du berriro, eta etapa irabazi du esprintean.
Horrela, Pogacar nagusi izan da bigarren egunez jarraian beste erakustaldi batean, esprint zirraragarri eta estu batean. Finn Fisher-Black zeelandaberritarra (Red Bull-BORA-hansgrohe) hirugarren helmugaratu da.
Esloveniarrak 4:08:11n gelditu du erlojua, eta sailkapen nagusian bere abantaila areagotu du, 17 segundo Florian Lipowitz alemaniarrarekiko (Red Bull-BORA-hansgrohe) eta 26 Lenny Martinez frantziarrarekiko (Bahrain-Victorious).
Horrela, munduko txapeldunak bere sentsazio onekin jarraitzen du Suitzan, atzo Romandiako Itzulian lehen garaipena lortu ondoren. Bitik bi irabazi ditu dagoeneko.
Lasterketak hirugarren etaparekin jarraituko du ostiral honetan, 176.6 kilometrokoa. Orben hasi eta amaituko da. Txirrindulariek Col Mollendruz igo beharko dute, ia 9 kilometro batez beste % 6ko aldapekin, helmugatik 32 kilometrora.
Zure interesekoa izan daiteke
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.