Pogacarrek irabazi du lehen etapa Martignyn eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara beste hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.
Tadej Pogacar esloveniarra (UAE), Romandiako Itzuliaren lider elastikoa jantzita, podiumean. Argazkia: EFE
Tadej Pogacar (UAE) esloveniarrak irabazi du Romandiako Tourreko lehen etapa, eta liderraren elastikoa jantzi du, Dorian Godon frantziarrari kenduta.
Tropelak 171,2 kilometroko ibilbidea egin du, Martignyn (Suitza) hasi eta amaitu den etapan. Pogacarrek erasoa jo du Ovronnaz lehen mailako mendatean: 8,9 kilometro % 9,8ko batez besteko aldapekin. Munduko txapeldunak aurrera egin du, eta hasiera batean Lenny Martinez frantziarra (Barhain-Victorius) bakarrik izan da jarraitzeko kapaz, Ovronnazeko aldapetan.
Gailurrera iritsi baino lehenago, Florian Lipowitz alemaniarra (Red Bull-BORA) bikotea harrapatzeko gai izan da, eta, jaitsieran, Jorgen Nordhagen norvegiarrak (Team Visma | Lease a Bike) ere bat egin du.
Azken 20 kilometroetan, lau iheslariek atzetik zegoen hamahiru txirrindulariko talde bati eutsi diote, tartean, Primoz Roglic (Red Bull-BORA). Azkenean, Pogacar, Lipowitz, Martinez eta Nordhagen batera heldu dira helmugara, eta esprintean nagusi izan da esloveniarra.
Tadej Pogacar (UAE), etapa garailea eta lider berria
Polita izan da gazteen aurka garaipena lortzea
"Polita izan da gazteen aurka garaipena lortzea. Esprintean irabaztearekin pozik nago. Haizeak aurka jotzen zuen, lehenago saiatu izana oso inozoa litzateke. Atzeko taldearen jazarpenari eustea lortu dugu. Garaipen guztiak dira garrantzitsuak, baina lasterketa batean aureneko etapa irabaztea berezia da. Etapa bakoitzean maillot horia defendatzen saiatuko gara. Talde handia dugu horretarako", adierazi du esloveniarrak gaurko garaipenaren ostean.
Ostegun honetan, bigarren etapan, tropelak 173,1 kilometroko ibilbideari aurre egin beharko dio, Rue eta Vucherens herrien artean. Muinoz eta gorabeheraz beteriko zirkuitua izango da, eta Vuillens hirugarren mailako mendatea (3,1 kilometro % 5,4ra) hiru aldiz igo beharko dute txirrindulariek.
Zure interesekoa izan daiteke
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.
Lieja–Bastogne–Lieja 2026 Klasikoaren ibilbidea eta profila
Lasterketak amaiera aldatuko da, antolatzaileek igoera historikoen aurreko tartea gogortzea erabaki baitute, bi mendate berri gehituz: Col du Maquisard eta Cote de Desnie.
Usoa Ostolaza gailendu da Eibarko Hiria Sari Nagusian
Laboral Kutxako txirrindularia bakarka helmugaratu da Eibarren, lasterketa Izuako igoeran erabaki ostean.
Evenepoel eta Paula Blasi nagusitu dira Amstel Gold Racen
Evenepoel esprintean gailendu zaio Mattias Skjelmose daniarrari, eta Paula Blasi txirrindulari kataluniarrak garaipen historikoa lortu du igande honetan emakumezkoen Amstel Gold Race lasterketaren 12. edizioan.
Pinarellori O Gran Camiñoko bosgarren etapan garaipena eman dizkioten azken metroak
Alessandro Pinarello (NSN Cycling) italiarrak irabazi O Gran Camiñoko bosgarren eta azken etapa. Salikapen nagusian, Adam Yates (UAE) geratu da lehen postuan, Nordhagen (Visma) bigarrenean, eta Pinarello (NSN Cycling) bera hirugarrenean.
Pinarellok eskuratu du azken etapa, eta Adam Yates nagusitu da O Gran Camiñoko lasterketan
Adam Yates britainiarrak ostiralean lortutako maillot horia defendatuta Galiziako lasterketa garaitu du, Derek Gee kanadiarraren lekua hartzeko.