Del Toro nagusitu da Grand Colombierren, eta Tuckwellek lider jarraitzen du
Del Toro ihes eginda helmugaratu da, eta 25 segundo atera dizkio Juan Ayuso espainiarrari eta 39 Tobias Halland Johannessen norvegiarrari.
Isaac Del Toro, garaipena ospatzen. Argazkia: EITB
Isaac Del Toro (UAE) mexikarrak irabazi du gaur La Bridoire eta Grand Colombier artean jokatu den Auvernia-Rodano-Alpeetako Tourreko 7. etapa, 133.6 kilometroko ibilbidea izan duena. Luke Tuckwell (Red Bull-BORA) australiarrak, bere aldetik, maillot horiari eutsi dio.
Del Toro ihes eginda helmugaratu da, 3 ordu, 41 minutu eta 41 segundoko denbora eginda, eta 24 segundo atera dizkio Juan Ayuso (Lidl Trek) espainiarrari eta 38 segundo Tobias Halland Johannessen (Uno-X) norvegiarrari.
Sailkapen nagusian, Luke Tuckwell australiarrak jarraitzen du lider; ondoren, Matteo Jorgenson (Visma) estatubatuarra dago, 42 segundora, eta Del Toro dago hirugarren, 49 segundora.
Etapa hirugarren mendatearen jaitsieran neutralizatu egin behar izan da, Saint-Maurice-de-Rotherens mendatean, errepidean legarra zegoelako.
Helmugatik 96 km-ra, Paul Seixasek eroriko gogorra izan du. Faborito nagusia hiru minutu baino gehiago egon da bide bazterrean etzanda. Berriro igo da bizikletara, baina 4 minutu baino gehiagora zegoen dagoeneko.
Grand Colombier (maila bereziko mendatea, 8,4 km eta batez beste % 10,2ko maldak ditu) izan da etapako epaile nagusia. Ayusoren Lidl Trek funtsezkoa izan da ihesaldia zapuzteko. Tuckwell liderrak berehala eman du amore.
Helmugatik 6,6 kilometrora, Juan Ayuso agertu da, bere bertsiorik onena erakusteko prest, Tulett, Jorgenson, Del Toro, Johannessen eta Uijtdebroeks atzean utzita.
Etaparen bila abiatu da orduan. Helmugatik 4 kilometrora, baina, Del Torok ere aurrera egin du, Jorgenson erantzun ezinik utzita. Helmugatik 1,6 kilometrora harrapatu du lasterketaren buruan zihoan espainiarra, baina mexikarrak bala bat gehiago zuen eta Alacantekoaren parean jarri orduko erabili du.
Del Toro gora etorri da, Ayusok amore eman duen bitartean. UAE taldeko liderrak besoak altxatu ditu berriro, Tirreno-Adriatico proban nagusitu eta 90 egunera.
Zure interesekoa izan daiteke
Igor Arrieta Ordiziako Klasikoan egongo da
Uztailaren 25ean jokatuko da Ordiziako Klasikoaren 103. edizioa. 167 kilometroko ibilbidea izango da aurtngoa, Abaltzisketa eta Gaintzako igoerekin, aurten ere. Faboritoen artean ageri dira Igor Arrieta, Jonathan Narvaez, Antonio Morgado eta Jon Barrenetxea, besteak beste. Lasterketa EITBn jarraitu ahal izango da.
Donostiako Klasikoak eskalatzaileentzat diseinatutako ibilbidea aurkeztu du aurtengo ediziorako
2026koa 45. edizioa izango da, eta zazpi mendate puntuagarri eta 221 kilometroko ibilbideaizango ditu. Azken kilometroetan Erlaitz ( % 10) eta Murgil ( % 10) mendateak igo beharko dituzte, helmugatik gertu. Abuztuaren 1an ospatuko da.
Urko Berradek brontzea lortu du errepideko txirrindularitzako Espainiako Txapelketan
Kern Pharma taldeko txirrindulari nafarra izan da protagonista Sabiñanigon, Igor Arrietarekin (UAE) batera ihesaldi erabakigarrian sartu eta azken unera arte urrea lortzeko borrokan aritu ostean. Azkenean, Marcel Camprubik (Pinarello Q36.5) lortu du garaipena, Joel Nicolau (Caja Rural) izan da bigarren, eta Berradek osatu du podiuma, brontzea eskuratuta.
Ayala Serrano, 23 urtez azpiko Espainiako txapelduna
Paula Ostiz nafarrak (Movistar) brontzezko domina lortu du UCI elite mailan, eta Maite Urteaga zumaiarrak (Eulen-Amenabar) bigarren bukatu du elite mailan, eguneko protagonistetako bat izan ondoren.
Xabier Mikel Azparrenek zilarra irabazi du Espainiako Erlojupeko Txapelketan
Donostiarra bigarren geratu da, Pablo Castrillo irabazlearen lau segundora, kategoria gorenean. Bestalde, elite mailan, Aitor Agirre zumaiarrak irabazi du urrea.
Pogacarrek eta Reusserrek irabazi dute Suitzako Tourra
Esloveniarrak eta suitzarrak azken etapa jokatu aurretik lortu duten lidergoa defendatu dute podiumeko maila gorenera igotzeko.
Philipsenek Belgikako Tourreko garaipena kendu dio Aranbururi azken esprintean
Alex Aranburuk eskura izan du Belgikako Itzuliko garaipena, baina azken etapan Jasper Philipsen belgikarrak lidergoa kendu dio. Alpecin taldeko txirrindulariak esprintean irabazi du Hoeilaarten, eta, horri esker, sailkapen nagusia ere bereganatu du.
Tom Pidcock esprintean nagusitu zaio Carlos Veronari Andorrako Klasikoan
Tom Pidcock (Pinarello Q36.5) britainiarrak irabazi du Andorrako Klasikoaren bigarren edizioa, esprintean Carlos Verona (Lidl-Trek) garaituta, eta Sepp Kuss (Visma-Lease a Bike) estatubatuarra izan da hirugarren. Leedsko txirrindulariak 14. garaipen profesionala lortu du horrela, eta Mattias Skjelmose daniarraren lekukoa hartu du podiumeko maila gorenean. Ibilbidearen gogortasuna eta beroa nabarmendu dira gaurkoan Andorran.
Ibon Ruiz eta Ion Izagirre podiumera igo dira Okzitanian
Euskal txirrindulariak bigarren eta hirugarren postuan sailkatu dira, hurrenez hurren, Davide Piganzoli italiarrak irabazitako lasterketan.
Alex Aranburuk lidergoari eutsi dio Belgikako Itzulian
Olav Kooijek Begijnendijk-Betekom eta Aarschot garaitu ditu lasterketaren laugarren etapan.